星期二, 7月 10, 2007

為甚麼你去clubbing的時候沒有男人埋身

久不久就會收到一些留言:「Cher~~~ 我夠成日去clubbing啦,又唔見次次有男人埋身?唔好話你作大!」

每次也很想回應一句:「因為你生得太醜。」

但這就是事實的全部嗎?我隱約覺得不對。

和歷史悠久的神主牌 (註:神主牌這詞從朋友身上學會,意指那些逢四五六都會在同一夜店出現的男人) 蒲友聊天,他提及每次都見到我玩得很開心,每次都見到有男人埋身請我喝酒。

對呀!我忽然醒覺,這才是重心。

如果你去clubbing的時候沒有男人埋身,請想想,你是否犯了以下的錯;

1. 你的樣子不開心 ── 每個去clubbing的人都是為了尋開心,你一副破了產的樣子,誰敢埋身?如果你要哭,請躲到角落。如果你堅持要跟我一樣在大庭廣眾哭,必須肯定你哭得淒涼但不醜,才會像我博得男人些許心痛遞上紙巾。

2. 你打扮得像鄰家女孩 ── 現在你是去clubbing,請將圓頭平底鞋碎花半截裙有pattern的tee和tote bag放下。每次我見到這樣的女孩,我都想在她耳邊說一句:「去圖書館啦你!」(又,假若你一身準備clubbing的裝束去書店,你會得到更多的搭訕。因為那些人很驚訝,去蒲的女人原來是識字的。)

3. 你沒有化妝 ── 任憑你貌若天仙,在夜店的燈光下只會像死屍。

4. 你沒有難度 ── 如果你的額頭鑿著 "我好dry" ,男人會怕了你,或只得醜男埋身。

5. 你太像黑面神 ── 當站在吧檯另一端的男人遞起酒杯對你微笑,你就笑一下吧!不會死的。吧檯有多大?你們之間的互動,其他人也在看。你黑面/不屑/藐嘴的樣子定會讓人看到,然後,你會食白果。

6. 你站在吧檯良久面前也沒有飲品 ── 那即是說,你在等男人買給你啦。小姐,不要那麼小家好不好?80元,只是你那Gucci上的一顆釘。

7. 你在dance floor像木乃伊 ── 不跳舞,你站在dance floor幹甚麼?滾回吧檯去。

8. 你長得醜 ── 夜店是很現實的,醜女,是不受歡迎的。但你可以整容減肥化妝買華衣,你一定會變得漂亮。

其實,只要你簡單一點坦白一點,不要機關算盡耍手段,不要有太多的機心,你自然會變得可愛。

我在夜店遇上的男人,認識到的朋友,他們喜歡我,最終,只因為我可愛。

27 則留言:

  1. 當面對人生﹐又何嘗不是這樣。

    回覆刪除
  2. nonoprincess6:53 上午

    你真的很可愛~
    帶摰了我!哈哈哈!

    回覆刪除
  3. 我有朋友試過哭,都有人埋身呢! 更問她要不要抱一抱... 真抵死

    不過我是那種不會讓人走過來的人,哈哈... 深閨的我都是終日怕生保 =```(

    回覆刪除
  4. 去蒲的女人原來是識字的

    空姐就是人辦:)
    我等平凡人,還是逛書店實際

    回覆刪除
  5. little gun10:19 上午

    只遊樂場內的那些男人覺得妳可愛有何用? 妳的最終目標不會是他們的一刻愛吧?

    回覆刪除
  6. would guys approach gals who with other guys (very close ones) around her? i mean in lan kwai fong.

    回覆刪除
  7. 一孖筋11:30 上午

    直人clubbing我不太清楚,反而gay佬clubbing搞笑事就見得多,全部除曬衫汗流浹背行埋來扭身扭勢雙手搭腰賣身肉搏繼而動嘴動小弟弟之徒大把.

    我都係上去DJ臺同DJ吹下水好過.

    P.S.:真係有好多去蒲既人識字架.

    回覆刪除
  8. 單憑你這幾點,我便知道我這輩子也沒有資格踏足clubbing之地!

    木口木面打扮老土個妝唔靚唔識跳舞唔會飲酒,真係唔死都冇用!

    沒法子,兩個世界的人就是兩個世界的人,怎樣迫自己也是轉變不來的

    回覆刪除
  9. 你講得好岩 , 不過 ..... 得與失 , 係好難講得埋 。

    今日 , 空姐係遊樂場裡 , 混身散發著 "自己人 " 的氣息 , 自然會做齊以上既事 , 因為 1-8 點都係去蒲的指定禮儀 , "自己人" 埋返 "自己人" 堆 !

    今日 , 醜女係遊樂場裡 , 混身散發著"非自己人" 的氣息 , 自然無齊以上既事 , 於是醜女係遊樂場裡食白果 , 明白左遊樂場唔係佢生存既地方 !

    於是醜女唯有實實在在咁搵個 "老實的好男人" , 專心地過著平凡小師奶的幸福

    回覆刪除
  10. Elaine,

    AK經常出入酒吧...都可以講係其中一塊「神主牌」啦哈哈哈...(不過不是在LKF)...

    其實...係依d咁既場合,大家都係尋開心...最緊要,好聚好散...唔好俾人覺得approach對方會可能好難落台...咁,chance就自然多(當然,靚女係著數好多既)...

    回覆刪除
  11. 壞心眼1:50 下午

    哈!9大規則!我鐘意!
    酸溜溜的,反省反省。

    回覆刪除
  12. 2. 你打扮得像鄰家女孩 ── 現在你是去clubbing,請將圓頭平底鞋碎花半截裙有pattern的tee和tote bag放下。每次我見到這樣的女孩,我都想在她耳邊說一句:「去圖書館啦你!」

    (真系好★寸呀你!anyway,扮下無知美小女可能另有收獲呢,男人何其多,口味無唔妥。)

    4. 你沒有難度 ── 如果你的額頭鑿著 "我好dry" ,男人會怕了你,或只得醜男埋身。

    (唔明,系咪即系露左個飢渴樣..咁解,天口興又系幾渴既。生埋蜘蛛網添!)

    回覆刪除
  13. 有老前輩曾對我說過, 夜店的男人喜歡你可愛, 讚你 Sexy, 讚你 Nice, 聽下好了, 說到底, 不過是覺得你 Easy, 看似無性格不麻煩. 我不相信夜店內每一句話, 那種交談很虛偽. 夜店跟現實是兩個世界, 自己有時也在作假. 在那裡認識的人, 開了燈, 走進現實, 自己也不敢面對. 談情說愛交朋結友皆不可為. 我是過來人, 後來離開了. 回頭看, 那邊盡是漆黑靡爛, 很可怕.

    偶然我也會懷念每晚有一群異性圍住自己的日子, 那時我的形相可愛, 對身邊的人予取予求. 但現在, 有一個對己真誠愛我便夠.

    回覆刪除
    回覆
    1. 在夜店,大家都在尋歡作樂,大家都在賣笑。看透了,夜場只是貎似天堂的地獄。

      刪除
  14. 不過, 我識個女仔都唔靚(a little ugly), 但係勝在活躍和開朗. 真係好多男人追.

    回覆刪除
  15. 金石良言 xd 多謝指教!

    回覆刪除
  16. 可爱也不错啊

    回覆刪除
  17. 活躍和開朗和吵架都係一線之差!XD

    但我想知,男仔其實係咪都有機會俾女仔抽水?

    回覆刪除
  18. 我,(靚,寸,識字,有品味)冇人信有個12歲的女兒,我聽post punk, 至 識彈 Herman Berens op, 61, no.8. 22年的婚姻,因一個國產喜歡hello kitty的土貨,BMW內盡掛小飾物,床单從以前的黑白灰,轉成粉紅大卞通人物,我女報料: " OMG..,Daddy looks so funny now.." 真理悟來,男人愈年記大,愈喜歡冇乜蘿難度,因為twins易明,誰耐烦聽charlotte gainsbourg? 開心就好..

    加拿大女人

    回覆刪除
  19. 哈哈!
    比你寸親添
    我都係返去圖書館算喇
    否則做唔夠research on air個陣會冇野講

    不過我就係中意你咁寸
    否則個人冇d自信好難生存

    回覆刪除
  20. 有0的女仔去clubbing唔化妝, 冇件似樣既戰衣, 又唔跳舞又唔飲酒, 又唔肯返屋企, 真係唔知佢想點!

    回覆刪除
  21. 日日都要笑一笑4:02 上午

    曾有男性好友呻訴。

    他說有一個Friday nite去左LKF clubbing,好開心咁風花雪月,傾到情緒仲有點兒high之際,突然有一群妹妹仔坐係佢地既旁邊。當時以為如獲至寶,諗住唔食得都可以養下眼,立即起勢係咁望。誰不知他抽述既跟你所寫既8點不謀而合。他呻時仍有啲怒火,好記得佢話→
    ●生得醜生得肥係就係無罪,但唔駛成個黑面神咁掛,頂!仲要坐正對面,哎呀真係唔該晒。
    ●生得醜黑面神都算啦,有個係度哭哭啼啼,吹漲!
    ●諗住落黎happy,無諗過要睇人面色,睇人係度...balabala...哩啲人唔該唔好去LKF啦。

    最後,佢地極速轉場。

    哈哈!我差啲笑到牙都甩。:)

    回覆刪除
  22. Right attitude!可愛女人至得人鍾意, clubbing 最緊要開心.

    回覆刪除
  23. 哈哈... 死啦...

    我'拉記'同'老蘭'都中意去添...

    去得'老蘭', 預左 to see n to be seen 架啦... 當係見識下囉...

    其實唔啱 channel 唔出奇呀...百貨撞百客姐...

    開心咪得囉...

    回覆刪除
  24. While the rest are logistical problems (make-up do wonders), 2 and 4 are biggest problems to do with those chicks' attitudes.

    From what I've observed, either some are too uptight and conservative (2), some are over-friendly, all smiles that screams "I am desperate. Come flirt with me" (4). That really puts men off.

    回覆刪除
  25. 完全認同!

    黑麻麻, 靚女會有so, 不分男女, 如面帶笑容俾人感覺親切會仲吸引人, 成支柱咁企左向度, 又唔跳舞, 又唔飲野, 都唔知當你係看更定保安好~

    回覆刪除