Happy Birthday to You

渣估，祝你生日快樂。

是日無聊對答

「你好，我係Karen，我有心事... ... 」

「真case嚟㗎﹗」

「我知係真，等我又搵啲心事寫信俾你。」

「好呀，署名仆街丫。」

「我諗住搵個有型啲嘅名喎。」

「變型金剛？」

「Thomas金剛﹗」

「Thomas金剛，你有咩心事？」

「我同女人合唔到體，點算好？」

「係咪因為你搵錯福娃呀？」

「係福娃又唔錯，有得5P。」

「咁你係咪搵錯Megan Fox呀？人哋咁索，睬你有味。」

「有乜理由？﹗我咁靚仔﹗﹗」

「火車頭金剛身，好kai囉。」

「不知幾多女冧我個頭﹗﹗﹗」

「我諗你換個忍者龜頭好啲... ... 」

「呢期緊係小飛染啦～～」

Lady First 專欄（65）

《 女 孩 像 我 》

十一月，係我嘅生日月。

係吖，又大一歲啦… … 就嚟 （28號先真正又大一歲呀，俾我後生多幾日先啦）。

呢一年，變化真係好大好大。

你可以話，每年嘅變化都好多好大㗎啦，相戀變失戀，小六升中一，十條白頭髮增長至三十條。

但呢啲變化，我哋往往係被動嘅一個，從來無刻意求變，聽天由命，好嘅就感恩囉，壞嘅就逆來順受。

但係，呢一年，我主動咁去改變咗一啲多年嚟習以為常嘅嘢，我改變咗自己嘅性格。

本來，我過緊相對比較安穩嘅生活，性格亦偏向穩陣派。

一年前，我選擇咗過收入不穩定，大上大落嘅生活，而性格亦變得越嚟越情緒化同飄忽。

呢兩種性格，一定唔係咩好嘢嚟，但我反而過得好開心，好似寄居蟹終於搵到一個啱佢嘅殼咁。

情緒化、飄忽、惡死、硬頸、論盡、唔識煮飯做家務、唔易相處、自我中心、無理財觀念、需要大量私人空間、唔浪漫、無情趣等等等等等等。

換而言之，變成咗一個唔討好嘅女仔。

日復一日，我距離好女仔／好女友／好太太嘅一般社會大眾standard越嚟越遠，身邊嘅朋友終於開始為我要成為老姑婆而擔心。

女孩像我，點會有人要呢？但我又真係幾enjoy呢種生活，幾鍾意呢個自己，唔會改㗎啦。

雖然，有時都係會… … 唉... ... （內文）

Lady First 專欄（64）

《 忽 然 之 間 》

你好… … 我叫Karen。

我有啲感情煩惱… … 唔知點算好… …

幾個月前，因為工作關係，我識咗個男仔，之後由於大家嘅公司成日有event，而我同佢都係搞手，所以開始熟絡咗。

我哋時不時約出嚟玩，上佢屋企打機丫，去行街丫，或者去公園坐，傾吓計。

同佢一齊好開心㗎，佢講嘢成令到我笑，無論傾電話定SMS，唔驚冇話題講，而身邊嘅朋友都話覺得佢鐘意我。

有次，我同朋友落咗bar玩，原本佢都會嚟，不過我同佢講：「呢度好悶，冇咩玩，你都係唔好嚟啦！」，加上有啲佢唔鐘意嘅人在場，所以佢最後冇嚟到。

第二日我打電話俾佢，佢好冷淡，同我講話佢唔開心，問佢咩事又唔講，之後一直都係咁，SMS／msn佢又唔覆，電話講一兩句就dead air。

以下呢段就係我哋尋晚嘅SMS對答——

「你瞓咗未？諗起你… … 」

「沖完涼」

「可唔可以唔好咁冷淡？」

「電話冇表情 」... ... （內文）

從官恩娜到speed dating

時：2009年10月21日下午2時半

地：銅鑼灣西苑酒家

人：正在享受day off的空姐兩名

「喂﹗灌湯餃要趁熱食㗎，＄56得兩隻咋。」

「得得得﹗我睇緊雜誌。」

「睇雜誌緊要定食嘢緊要呀？」

「唔係呢，我讀俾你聽 —— Speed Dating溝掂o靚醫生，30歲官恩娜超恨嫁。」

「唔係呀化？？？」（匙羹內的灌湯餃，應聲跌落碗中，穿咗﹗）

．

．

．

．

．

．

是的，那個被《Face》的報導嚇到失晒儀的空姐，正是我。

本來還勸朋友「灌湯餃要趁熱食」，結果卻搶了她手上的雜誌來看 ——

「... ...今年6月被揭搭上醫生老外，官恩娜只以『J先生』稱呼男友，但本刊發現懶神秘的『J先生』，原來是Ella 2月情人節後於一個Speed Dating相睇活動上結識，一餐飯即撻著後生3年的醫生男友Juan-Domingo Maurellet... ...」

第一個感覺是 —— 官恩娜咁索都要去speed dating？天理何在呀？

第二個感覺是 —— 如果speed dating時同場有官恩娜喺度，其他女仔邊有機會呀頂？我連Endless Love都唔識唱囉。

第三個感覺是 —— 原來去Speed Dating就咁易識到男朋友，咁大家以後唔使再去Volar、Halo同M1NT啦，我尋晚先飲到嘔勞煩M1NT嘅同事送我返屋企。

第四個感覺是 —— 醫生個樣cute cute地又幾sweet喎。

第五個感覺是 —— 如果我到30歲都仲係single，可能要朋友夾錢當生日禮物俾我去試speed dating。

同場另一剛失戀的空姐也說想參加speed dating，好丫，有伴丫，起碼不用一個人去那麼驚。

我們排排坐繼續看相關內文，bi li ba la討論去Table for Six還是3分鐘Speed Dating，她瞄到內文右上角介紹官恩娜去的那間配對公司，原來是一對一食lunch的，ok喎，得兩個人唔使怕尷尬怕撞到熟人。

至於價錢，收費由$4400至$10000不等。

各方好友，這月是我的生日月呀，你們明白沒有？滴水成涓，集腋成裘丫。

Lady First 專欄（63）

《 後 悔 》

點解，上帝創造人嘅時候，要創造埋七情六慾俾我哋呢？又或者，點解唔創造一個只識開心快樂，唔識傷心失望嘅人類出嚟呢？

如果係咁，個世界會唔會變得比宜家美好？我哋嘅日子又會唔會比宜家過得更好？

喺咁多種情緒裡面，我最唔鍾意嘅一種就係 —— 「後悔」。

後悔嗰種感覺真係好差，就好似企喺餅櫃前面心大心細，本來想食New York Cheese Cake，但係Blueberry Cheese Cake個樣又好靚咁，結果，你將胃裡面呢個甜品嘅quota留咗俾後者。

點知，啲藍莓好酸，而你係最憎食酸嘢嘅，心裡面諗：「哎呀﹗早知就唔好揀來揀去，要返New York Cheese Cake咪好囉」... ... (內文)

這一刻

我要的不是富貴，不過是舒適。

十件事

1. 忙搬屋忙到一頭煙，周圍搵死士同壯丁幫手，買定梳化床招呼朋友。

From for blog

2. 整咗calgel，好貴，肉都赤。

3. 因為有突發事件，令到寫書嘅進度由慢變成龜速。

From for blog

4. 可以唔帶腦返工，但一定要帶Pocari powder，我最近真係好虛。

5. 去咗同事嘅婚宴，真係好sweet。

6. 好感謝蘋果日報、新Monday同香港人網，冇佢哋，我瞓咗街。

7. 邊個發明考試ga？妖。

8. 我真係好惡死脾氣又臭，如果因為咁搵唔到如意郎君，ok，我認命，但唔會改。

From for blog

9. 好想好想食大閘蟹。

From for blog

10. KFC Mega原味雞堡多重滋味餐，＄32.8，有雞堡+格格脆薯+巴辣雞翼x2+葡撻+飲品，再加＄18.8又有另一個雞堡+飲品，抵到呢～ 兩個女仔食到反肚咁滯﹗﹗﹗

OSIM uKimono

那天，我正在家吃下午茶餐，忽然有人按門鈴，叫我收件... ...

From for blog

嘩﹗﹗﹗﹗是否我終於有神祕傾慕者啦？

打開一看... ...

From for blog

原來是OSIM uKimono 纖體腰帶，還以為是編號131的保險箱。

不過﹐仲好呀，我最近忙得連去美容院做機修身的時間都沒有 （那把bottle形的兩傘好得意）。

事不宜遲，立即飛去七天試用報告：

From for blog

see? 縛了上腰就是這個樣子。

1. period時用來震腰骨，對那種酸軟陰陰痛幫到手喎。

2. 因為有不同的mode選擇，size又小巧，放在全身哪個要按摩的位置都可以，我常用來按肩頸。

3. 有一定重量，可以縛在大腿上做提腿運動。

4. 口賤友人說，其中一個manual mode，將uKimono縛在pat pat上震震時，感覺似在地鐵被咸濕伯父摸pat pat。

5. 用了七天，早晚各十分鐘，我個死人肚腩真的firm了些。

6. 腰瘦了1/3吋。

7. hea坐都瘦，夫復何求？

lady First 專欄（62）

《 愛 情 感 覺 》

如果要你去形容愛情嘅面貌，解釋愛情，你會點講呢？

有人話愛情係天長地久嘅，係細水長流嘅，王子同公主從此以後幸福快樂咁生活落去就係愛情。

亦都有人話愛情係不顧後果嘅，係死去活來嘅，要流好多好多眼淚，先可以成就一段愛情。

總之，問一萬個人，可能會出咗九千五百個唔同嘅答案。

不過，最多人話嘅一定係 —— 愛情係浪漫嘅。

到底，有幾多人真係經歷過浪漫嘅愛情，定係俾人洗咗腦，認定愛情係非浪漫不可？... ... (內文)

Lady First 專欄（61）

《 當 我 想 起 你 》

尋晚，一個大好嘅星期日晚，我冇留喺屋企成日對住個電視咁浪費時間，黃昏就同朋友打扮妥當出咗去聽concert。

你以為我哋去紅館？當然唔係啦，我哋去捧朋友場，去文化中心音樂廳聽交響樂。

喺攞飛前嘅一刻，都唔知會聽啲咩交響樂，反正知都冇用，我根本就唔識。

當從朋友手中拎咗張ticket一望 —— 係馬勒嘅第八交響曲。

對古典音樂毫無認知毫無天份嘅我，其實，連第五同第八交響曲都未必分得清。

不過，我好肯定我聽過，因為第一次去文化中心音樂廳，就係同舊男友一齊去聽馬勒，呢個係佢嘅 all time favourite... ... （內文）

《派對動物傳》partying中

等了又等，

拖了又拖的《派對動物傳》，

始終都是要寫的。

由十月一日開始，

唯有暫時放下空姐的行李篋。

寫稿期間，

為配合氣氛，

飯局、茶聚及飲酒作樂無任歡迎，

其他有益身心的活動一律暫停。

如你經歷過開始於夜店的愛情故事，

請email我，

給我點點靈感，

謝。

my email: petitelaine@gmail.com

my facebook: http://www.facebook.com/petitelaine

my fan page: http://www.facebook.com/pages/Hong-Kong/4b2ea987/125222339400

my twitter: http://twitter.com/petitelaine

在這一刻

每次，當藥力開始發作的時候，我就會胡言亂語。直至有人來拯救我，或是陪我一起死。

Lady First 專欄（60）

《 原 來 已 一 年 》

阿金，


喺呢個明明只應該談情說愛嘅晚上，我想講嘅，係對你嘅恨意。

係，我好憎你。

雖然你可能從來冇在意過我，雖然你對我嘅影響唔係一生一世，但我依然恨你。

一個靚嘅女仔，總係惹人注目，而佢身體嘅其他人，就會即時變得暗淡無光。

一年前，當你出現喺我嘅生活圈子，當全部飲都將目光放喺你身上，我就知道，我嘅好日子可能一去不復返... ... （內文）

八月蘋果 （2009）

《 師　兄 》

有一個女孩子，由不許化妝的中學年代順利過渡到大學後，從此，幾乎再沒有人見過她素顏。生病但要上學的日子，她總將帽子拉得低低，一副沒面見人的樣子。畢業後更加不得了，就連到街尾的便利店買飲品，在家樓下的書報攤買報紙，也帶上隱形眼鏡，化了全妝，整理好頭髮才敢步出家門。如若病倒了，她只會叫外賣自我隔離。她不是明星，也不是醜女，是個不化妝也白清麗的女孩子。這一切，全因為一個男孩子，大學裏的師兄。

大學一年級的時候，師兄熱烈追求師妹，一年後，卻愛上宿舍裏的另一個師妹。師兄不是女孩子的初戀，往後她亦有再談戀愛，唯獨這次，她一直介懷。她希望師兄永遠只看到漂亮的自己，不容許一次失手。是因為很愛嗎？女孩子不知道，只知道介意。

畢業後開始獨立生活，她從舊同學處聽到消息，她與師兄巧合搬往同一小區。她無數次幻想與他在街上再遇，一句「很久沒見了，你好嗎？」對鏡重複練習百千遍。嘴角如何牽動掛上微笑，每句話語停頓的位置，都經細緻思考。女孩子相信總有一天，黃金廣場內分手，可在時代門外再聚。不過，舊同學忘記告訴她師兄胖了四十磅。其實，他倆曾擦身而過，是她沒有將他在眾生中認出來。

《 當 生 蠔 遇 上 養 陰 丸 》

翻看舊文，六月九日那天，在這裏寫了關於一位朋友的小故事，他錯過深愛的人後，買了一隻鑽石指環長期放在錢包裏，好讓下次遇上對小姐時，可立即表明心意，抓緊機會和眼前人。我知道這個男人很好，偏偏外形不修邊幅像個浪蕩子，嚇怕一些正正經經渴望結婚生子的好女人。但他是真的很好，值得女人去愛，也就盤算身邊可有合適的人介紹給他。

某個周末夜，死命拉着好友陪我去露天的頂樓酒吧，喝酒看星星為名，相親為實。然後，再瘋狂打電話給指環男，逼從不喝酒的他過海會友。那夜，他們第一次見面，好友說絕不可能是他。後來，指環男親自下廚廣邀朋友吃飯，我又挾持好友一起去。那夜，他們第二次見面，言談甚歡，但好友說只可做朋友。事隔數天，指環男想要好友的電話號碼，我毫不猶豫出賣了她。

然後，暫時放下媒人婆一職，在稿件與飛行更表之間苟且偷生，好友卻死唔斷氣不停轟炸 MSN問何時回港抽空飯敍，並帶來好消息，她與指環男正在愛河暢泳。更開心的是，他們都覺得彼此是對的人，男的密密吃生蠔，女的天天服養陰丸，希望快快一擊即中組織小家庭。在適婚女生較男生多出二十七萬的灰霾下，我們都需要這樣的愛情故事振奮人心。

《 地 獄 名 門 》

對時事一向不甚敏感的我，明明記得上月從報章標題讀到，虎豹別墅活化年底進行招標，大有可能發展成中式婚禮、宴會、及藝術場地，而地窖則會化身地下酒窖。那時候還很高興，它沒有被拆卸，不會變成豪宅商場甲級商廈已經還得神落了，起碼還有機會舊地重遊。

可是，剛才在讀黎廣德先生寫的《釋放香港》，揭到某頁有這樣的一句「以十八層地獄成為全港首個公園的『萬金油花園』，變成了今天欺世盜『名』的豪宅『名門』」。 What the hell？不是有關建築群全部完完整整保存下來了嗎？原來，留下來的只是虎豹別墅和私人花園，那個有浮雕仔細描述十八層地獄的萬金油花園，已沒有了。

其實，只到過那裏一次，對虎塔及那些描寫民間故事的彩色雕塑都沒有記憶，唯獨十八層地獄那部份嚇得我連續做了幾晚惡夢，還發燒了，發誓以後不要再去。一個小學生，看到浮雕描繪說謊的人要被勾舌根，下拔舌地獄，驚恐可想而知。最慘是知道的時候已經太遲，小時候拿了三顆瑞士糖吃卻騙母親只拿了兩顆的小謊話說過太多，一切回不了頭。往後，沒有刻意叫自己不要做壞事，反正那點多出來的甜蜜，讓我注定下地獄的了。

《 世 上 可 有 永 久 風 景 》

根據物質不滅定律，物質是永遠存在的，不會被創造或毀滅，只會從一個形態轉變成另一個形態。那麼，世上可有永久風景？譬如眼前的海景。當然，根據定律，即使那片海被填平變成商廈噴水池甚至是遊樂場，其實，它一直都在，只不過換了樣子。可是，我想要的是原本的毫無花巧的海，而不是借屍還魂的水。

最近在一個永久地址棲身，不介意面積細小得像豆腐乾，不介意殘舊，不介意沒有配套設施，只要給我窗前有海，即使是對面大廈夾縫中的點點藍色，就心滿意足。然而，香港哪裏會有 permanent的海景？有人說住在船上就可天天看到，有人笑說在長洲在將軍澳華人永遠墳場。如果愛上注定不能同偕白首的人是浪漫，冒險買下不知會否永久的海景大概更加淒美，怪不得那麼多人選擇內園景。變幻原是永恆，但死心眼的我，總希望眼前的一點藍永遠不變。

十年二十年後，或許窗前的海景不再，世界早已變成滄海桑田，我倆分手多年，但心底總會記得你陪伴我到處找地方時，一起在太白台散過步，一起在正街源記吃過杏仁露，這些回憶，較海景更 permanent，莫失莫忘。

lady First 專欄（59）

《 我 的 自 白 》

我成日都會諗，到底呢個世上有幾多個真心喜歡我嘅人呢？

由出世嗰一日開始，就註定係平庸咁過日子。

喺唔同嘅地方，大概有千千萬萬個同我命運相同，一般面目模糊。

有時候講笑，如果一個雷劈落嚟，就會死二、三百個我咁樣嘅平凡眾生。

身邊嘅人，總係來去匆匆，我係被動嘅一個，冇辦法留住一位又一位生命中嘅過客。

有啲人只係勉為其難咁同我一齊，有啲人將我當係踏腳石，希望有日可以飛上枝頭，有啲人只係一時落難先至遇上我，有啲人口裡面話覺得我好，但心裡面其實一直嫌棄我。

兜轉多年，同行嘅換完一個又一個，我開始認命，個心越嚟越灰... ... (內文）