今年嘅聖誕，你係點過嘅呢？
同朋友開house party，玩到整跌晒人哋棵聖誕樹上面嘅裝飾？
同情人二人世界煮飯仔整聖誕大餐？
去咗蒲，轉場又轉場，希望會遇上一個令你心動嘅人，下年有得收佢送俾你嘅聖誕禮物？
定係你同我一樣，預備好所有嘢，但最後邊度都冇去，坐喺屋企睇咗成晚電視，之後著到爛身爛世咁落街，食咗同聖誕完全無關嘅一餐？
平安夜，我食咗一碗$6嘅白粥。
呢個故事同所有故事一樣，俾咗一啲教訓我，就係——「期望越大，失望越大」。
其實，有好幾年嘅聖誕，都冇喺香港過啦。
記得舊年嘅聖誕，我喺歐洲。
天氣好凍，又冇朋友喺嗰邊，連附近嘅餐廳都冇開。
唯有匿喺酒店房度，對住個杯麵講Merry X’mas。
今年，難得有機會喺香港，衫褲鞋襪都買好晒，點知竟然喺屋企過咗一個冇聖誕嘅聖誕。
順利成章，買落嘅嘢就過渡去農曆新年。
可能，我條命係咁㗎啦，總係冇得過一個開心嘅聖誕。
無論身邊有冇人，最終都係無聲無息咁過。
嚟緊嘅除夕夜，我又要返工啦。
如果，嗰晚你喺飛機上，有位空姐派餐俾你嘅時候，同你講Happy New Year，你對佢笑一笑啦。
因為，佢原本係好想留喺香港倒數㗎。
星期三, 12月 30, 2009
星期三, 12月 23, 2009
Lady First 專欄（69）－ 等待愛情
好多嘢可以用錢解決到，好多事可以憑努力去成就出嚟，但係，愛情係唯一嘅例外。
錢買佢唔到，努力亦唔係大晒，愛情唔肯現身，你做咩都冇用。
除咗求上天跌一位愛人俾自己，仲可以做啲咩呢？
只有等待，唯有等待。
同時，自愛自重，冇愛人愛自己，就自己提醒自己，天氣轉涼要加件外套，得閒飲多杯橙汁吸收維他命C預防感冒。
當愛情終於跑上門嚟搵你，唔係話要誇張到著住晚禮服去迎賓，甚至，嗰刻你可能仲著緊睡衣煮緊公仔麵，只需要用笑容去話俾愛情聽你已經ready，咁就足夠。
記得最唔開心嘅時候，問過朋友，點解我永遠都係遇上錯先生。
朋友話我每次都係急急腳跳海逃生，然後喺三分鐘內搵個水泡或者浮板攬住，根本冇俾過機會自己學游水，亦都冇欣賞過眼前嘅海景，所以，最終都係錯愛。
對住一個太有好感嘅人，學會忍耐係好困難㗎，尤其喺香港呢個地方，浪漫似乎係百年難得一遇。
但經驗話俾我聽，浪漫過後，通常都係得返個桔，同埋眼淚。
靜心等待，總好過俾人糟蹋愛情，你話係咪丫？
很想輕撫你 所以避開你
寧願用距離 去令你好奇
迴避過眼神 先偷偷喘氣
吩咐手臂 放在原地
錢買佢唔到，努力亦唔係大晒，愛情唔肯現身，你做咩都冇用。
除咗求上天跌一位愛人俾自己，仲可以做啲咩呢？
只有等待，唯有等待。
同時，自愛自重，冇愛人愛自己，就自己提醒自己，天氣轉涼要加件外套，得閒飲多杯橙汁吸收維他命C預防感冒。
當愛情終於跑上門嚟搵你，唔係話要誇張到著住晚禮服去迎賓，甚至，嗰刻你可能仲著緊睡衣煮緊公仔麵，只需要用笑容去話俾愛情聽你已經ready，咁就足夠。
記得最唔開心嘅時候，問過朋友，點解我永遠都係遇上錯先生。
朋友話我每次都係急急腳跳海逃生，然後喺三分鐘內搵個水泡或者浮板攬住，根本冇俾過機會自己學游水，亦都冇欣賞過眼前嘅海景，所以，最終都係錯愛。
對住一個太有好感嘅人，學會忍耐係好困難㗎，尤其喺香港呢個地方，浪漫似乎係百年難得一遇。
但經驗話俾我聽，浪漫過後，通常都係得返個桔，同埋眼淚。
靜心等待，總好過俾人糟蹋愛情，你話係咪丫？
很想輕撫你 所以避開你
寧願用距離 去令你好奇
迴避過眼神 先偷偷喘氣
吩咐手臂 放在原地
情太過洶湧像深海 而我卻會忍耐
但求來日你醒過來 這份情像翅膀打開
但求來日你醒過來 這份情像翅膀打開
還沒有相戀別意外 神教會我等待
能為愛戀學習按奈 情信寄進心內
但求能學會倚靠神 愛被馴服過更精采
但求能學會倚靠神 愛被馴服過更精采
星期五, 12月 11, 2009
Lady First 專欄（68）－ 不是最愛
每次聽到有人講，佢嘅前度係佢嘅一生最愛，我都會擰擰頭，冇辦法表示認同。
未到死嘅一刻，我哋點樣肯定嗰個人就係最愛？
可能瞓醒一覺，就會發現自己唔係真係咁愛呢個人，又或者，第二日你會遇上另一個令你心動嘅人。
無論幾愛，最終都會變會淡會輕，往事始終都會如煙。
我情願直認自私自利，最愛嘅係我自己。
最近，我有個朋友準備搬返嚟香港住，我哋喺msn交換近況，我循例問佢返香港做咩工丫，搵咗地方住未丫，佢又問吓我身體情況點呀，返工忙唔忙呀… …
佢又提到會喺星期六早機返到香港，我就客氣一番話「幾好喎，你要搬咁多嘢返香港，weekend嘅話，屋企人可以嚟幫你手拎嘢。」
佢就答我：「我仲記得嗰日係你嘅生日。」
我望住電腦嘅screen，唔知講咩好，最後，冇講再見就offline。
我唔係詞窮，而係嗰刻，忽然間想起，原來自己根本唔記得佢幾時生日，甚至，連佢嘅姓氏都記唔起。
我記得曾經同呢個人相愛又分開，我寫過一封又一封嘅情信俾佢，佢曾經送過戒指俾我。
仲有一啲小片段，例如我哋一齊睇過日出，佢煮飯我洗碗，手拖手散步，佢等我放工等到唔耐煩發脾氣，我唔高興佢時時話我幼稚… …
同所有嘅情侶一樣，關係經過高低起伏最後分開，做嘅嘢唔算特別，亦有時溫馨。
但竟然，我連佢嘅姓氏都唔記得。
明明呢個人，我曾經好愛好愛，為佢喊咗好耐好耐。
未到死嘅一刻，我哋點樣肯定嗰個人就係最愛？
可能瞓醒一覺，就會發現自己唔係真係咁愛呢個人，又或者，第二日你會遇上另一個令你心動嘅人。
無論幾愛，最終都會變會淡會輕，往事始終都會如煙。
我情願直認自私自利，最愛嘅係我自己。
最近，我有個朋友準備搬返嚟香港住，我哋喺msn交換近況，我循例問佢返香港做咩工丫，搵咗地方住未丫，佢又問吓我身體情況點呀，返工忙唔忙呀… …
佢又提到會喺星期六早機返到香港，我就客氣一番話「幾好喎，你要搬咁多嘢返香港，weekend嘅話，屋企人可以嚟幫你手拎嘢。」
佢就答我：「我仲記得嗰日係你嘅生日。」
我望住電腦嘅screen，唔知講咩好，最後，冇講再見就offline。
我唔係詞窮，而係嗰刻，忽然間想起，原來自己根本唔記得佢幾時生日，甚至，連佢嘅姓氏都記唔起。
我記得曾經同呢個人相愛又分開，我寫過一封又一封嘅情信俾佢，佢曾經送過戒指俾我。
仲有一啲小片段，例如我哋一齊睇過日出，佢煮飯我洗碗，手拖手散步，佢等我放工等到唔耐煩發脾氣，我唔高興佢時時話我幼稚… …
同所有嘅情侶一樣，關係經過高低起伏最後分開，做嘅嘢唔算特別，亦有時溫馨。
但竟然，我連佢嘅姓氏都唔記得。
明明呢個人，我曾經好愛好愛，為佢喊咗好耐好耐。
星期三, 12月 02, 2009
Lady First 專欄 (67) － 尋找有帽長身衛衣的故事
話說，有個住喺銅鑼灣嘅女仔，佢每日下晝瞓醒覺，都係T恤短褲踢拖素顏咁落街食「早餐」，有時去Sogo附近嘅義順，有時去Times square嘅千兩，有時去希慎道嘅Starbucks。
佢知道自己一身打扮同街上嘅其他潮童、型人好唔match，甚至連佢身邊嘅朋友都睇唔過眼，問佢點解可以著得咁求其。
個女仔一臉唔在乎咁答：「你係出嚟行街，我係落樓下行街咋喎，想點啫？」
秋去冬來，個女仔嘅T恤短褲終於要收埋啦，佢見街上好多女仔都係著有帽長身衛衣，加七彩絲襪同毛毛boots，佢心諗… … 「咦… … 自己加條leggings同平底鞋咪落得樓囉，幾方便喎。」
於是乎，佢就喺銅鑼灣展開咗呢個尋找有帽長身衛衣之旅啦。
第一站，佢去咗Uniqlo，冇。
第二站，佢去咗Muji，冇。
第三站，佢去咗Zara，都係冇。
把心一橫，佢去埋Moussy，嘩﹗賣$590﹗食咗人隻車咩﹗
佢跟手去埋D-mop，賣$950﹗成千蚊一件衛衣？傻咗呀？
第二日，佢唔心息，又出去搵過，Bread & Butter有呀，賣$695，Peach John都有，不過係plain colour，仲plain過睡衣，賣$3XX。
佢忍唔住打電話俾朋友，問：「到底宜家係我賺得太少，定係啲衫賣得太貴？」
朋友答佢：「我都問緊自己。」
買唔成衫，不過呢個女仔睇中咗對鞋丫，係一對四吋黑色圓頭嘅Louboutin，$5190之嘛，唉。
佢知道自己一身打扮同街上嘅其他潮童、型人好唔match，甚至連佢身邊嘅朋友都睇唔過眼，問佢點解可以著得咁求其。
個女仔一臉唔在乎咁答：「你係出嚟行街，我係落樓下行街咋喎，想點啫？」
秋去冬來，個女仔嘅T恤短褲終於要收埋啦，佢見街上好多女仔都係著有帽長身衛衣，加七彩絲襪同毛毛boots，佢心諗… … 「咦… … 自己加條leggings同平底鞋咪落得樓囉，幾方便喎。」
於是乎，佢就喺銅鑼灣展開咗呢個尋找有帽長身衛衣之旅啦。
第一站，佢去咗Uniqlo，冇。
第二站，佢去咗Muji，冇。
第三站，佢去咗Zara，都係冇。
把心一橫，佢去埋Moussy，嘩﹗賣$590﹗食咗人隻車咩﹗
佢跟手去埋D-mop，賣$950﹗成千蚊一件衛衣？傻咗呀？
第二日，佢唔心息，又出去搵過，Bread & Butter有呀，賣$695，Peach John都有，不過係plain colour，仲plain過睡衣，賣$3XX。
佢忍唔住打電話俾朋友，問：「到底宜家係我賺得太少，定係啲衫賣得太貴？」
朋友答佢：「我都問緊自己。」
買唔成衫，不過呢個女仔睇中咗對鞋丫，係一對四吋黑色圓頭嘅Louboutin，$5190之嘛，唉。
Lady First 專欄 (66) － 希望之船
你可相信「一切皆是命，半點不由人」？
還是相信《秘密》一書裡頭所講的「吸引力法則」？
「吸引力法則」—— 當你打從心底期盼某些事，只要努力，只要保持正面的態度，而非只表達「我唔想要呢樣、唔想要嗰樣」的負面訊息，宇宙力量就會引導你，吸引你想要的物事來到身邊，令日夜期盼的一切成真。
無論信命或信自己，如果眼前有一個機會，讓你得到想要的一切，你可有膽量去試？
終於看了電影《賭博默示錄》，電影講述男主角是個漫無目的渾噩過日的「廢柴」，永遠心存僥倖，希望有日一票獨中大筆彩金，靚女自動送上門，揸benz住大屋，但現實是，他一事無成，最叻是伸別人的G55 AMG靚車一腳。
終於，他踏上一艘名叫「希望之船」的賭船，參加神秘賭局，只要贏出，就可還清欠款，餘款袋袋平安。
理所當然，他輸了，被押去不見天日的地底城當苦工。
後來，他有又一次機會，只要在五十樓高行過一條平衡木，成功由一棟大廈走過另一棟，便可以重獲自由及金錢。
還是相信《秘密》一書裡頭所講的「吸引力法則」？
「吸引力法則」—— 當你打從心底期盼某些事，只要努力，只要保持正面的態度，而非只表達「我唔想要呢樣、唔想要嗰樣」的負面訊息，宇宙力量就會引導你，吸引你想要的物事來到身邊，令日夜期盼的一切成真。
無論信命或信自己，如果眼前有一個機會，讓你得到想要的一切，你可有膽量去試？
終於看了電影《賭博默示錄》，電影講述男主角是個漫無目的渾噩過日的「廢柴」，永遠心存僥倖，希望有日一票獨中大筆彩金，靚女自動送上門，揸benz住大屋，但現實是，他一事無成，最叻是伸別人的G55 AMG靚車一腳。
終於，他踏上一艘名叫「希望之船」的賭船，參加神秘賭局，只要贏出，就可還清欠款，餘款袋袋平安。
理所當然，他輸了，被押去不見天日的地底城當苦工。
後來，他有又一次機會，只要在五十樓高行過一條平衡木，成功由一棟大廈走過另一棟，便可以重獲自由及金錢。
如果你就是這樣一個一無是處，一事無成的人，又醜樣又沒學歷又不上進但又奢想有白馬王子打救，眼前是個機會啦。
只要你夠運，平平安安走過對面，即能擁有一切，靚過李嘉欣住半山揸Masarati有事業吳彥祖向你求婚，試唔試丫？
不過，衰咗的話，要死的。
只要你夠運，平平安安走過對面，即能擁有一切，靚過李嘉欣住半山揸Masarati有事業吳彥祖向你求婚，試唔試丫？
不過，衰咗的話，要死的。
星期一, 11月 09, 2009
Lady First 專欄（65）－ 女孩像我
十一月，係我嘅生日月。
係吖，又大一歲啦… … 就嚟 （28號先真正又大一歲呀，俾我後生多幾日先啦）。
呢一年，變化真係好大好大。
你可以話，每年嘅變化都好多好大㗎啦，相戀變失戀，小六升中一，十條白頭髮增長至三十條。
但呢啲變化，我哋往往係被動嘅一個，從來無刻意求變，聽天由命，好嘅就感恩囉，壞嘅就逆來順受。
但係，呢一年，我主動咁去改變咗一啲多年嚟習以為常嘅嘢，我改變咗自己嘅性格。
本來，我過緊相對比較安穩嘅生活，性格亦偏向穩陣派。
一年前，我選擇咗過收入不穩定，大上大落嘅生活，而性格亦變得越嚟越情緒化同飄忽。
呢兩種性格，一定唔係咩好嘢嚟，但我反而過得好開心，好似寄居蟹終於搵到一個啱佢嘅殼咁。
情緒化、飄忽、惡死、硬頸、論盡、唔識煮飯做家務、唔易相處、自我中心、無理財觀念、需要大量私人空間、唔浪漫、無情趣等等等等等等。
換而言之，變成咗一個唔討好嘅女仔。
日復一日，我距離好女仔／好女友／好太太嘅一般社會大眾standard越嚟越遠，身邊嘅朋友終於開始為我要成為老姑婆而擔心。
女孩像我，點會有人要呢？但我又真係幾enjoy呢種生活，幾鍾意呢個自己，唔會改㗎啦。
係吖，又大一歲啦… … 就嚟 （28號先真正又大一歲呀，俾我後生多幾日先啦）。
呢一年，變化真係好大好大。
你可以話，每年嘅變化都好多好大㗎啦，相戀變失戀，小六升中一，十條白頭髮增長至三十條。
但呢啲變化，我哋往往係被動嘅一個，從來無刻意求變，聽天由命，好嘅就感恩囉，壞嘅就逆來順受。
但係，呢一年，我主動咁去改變咗一啲多年嚟習以為常嘅嘢，我改變咗自己嘅性格。
本來，我過緊相對比較安穩嘅生活，性格亦偏向穩陣派。
一年前，我選擇咗過收入不穩定，大上大落嘅生活，而性格亦變得越嚟越情緒化同飄忽。
呢兩種性格，一定唔係咩好嘢嚟，但我反而過得好開心，好似寄居蟹終於搵到一個啱佢嘅殼咁。
情緒化、飄忽、惡死、硬頸、論盡、唔識煮飯做家務、唔易相處、自我中心、無理財觀念、需要大量私人空間、唔浪漫、無情趣等等等等等等。
換而言之，變成咗一個唔討好嘅女仔。
日復一日，我距離好女仔／好女友／好太太嘅一般社會大眾standard越嚟越遠，身邊嘅朋友終於開始為我要成為老姑婆而擔心。
女孩像我，點會有人要呢？但我又真係幾enjoy呢種生活，幾鍾意呢個自己，唔會改㗎啦。
雖然，有時都係會… … 唉。
Lady First 專欄（64）－ 忽然之間
你好… … 我叫Karen。
我有啲感情煩惱… … 唔知點算好… …
幾個月前，因為工作關係，我識咗個男仔，之後由於大家嘅公司成日有event，而我同佢都係搞手，所以開始熟絡咗。
我哋時不時約出嚟玩，上佢屋企打機丫，去行街丫，或者去公園坐，傾吓計。
同佢一齊好開心㗎，佢講嘢成令到我笑，無論傾電話定SMS，唔驚冇話題講，而身邊嘅朋友都話覺得佢鐘意我。
有次，我同朋友落咗bar玩，原本佢都會嚟，不過我同佢講：「呢度好悶，冇咩玩，你都係唔好嚟啦！」，加上有啲佢唔鐘意嘅人在場，所以佢最後冇嚟到。
第二日我打電話俾佢，佢好冷淡，同我講話佢唔開心，問佢咩事又唔講，之後一直都係咁，SMS／msn佢又唔覆，電話講一兩句就dead air。
以下呢段就係我哋尋晚嘅SMS對答——
「你瞓咗未？諗起你… … 」
「沖完涼」
「可唔可以唔好咁冷淡？」
「電話冇表情 」
Dear Karen,
當然明白你完全不知自己做錯了甚麼，又不知道該繼續喜歡他，或是選擇放棄。
即使是放棄，你仍想問個究竟，不想死因不明。
但現實不是推理小說，不一定有人走出來解話的。
總之，現在他對你沒有興趣了，連你送上門的關心他也不要。
儘管電話沒表情，但你該明白，他的態度不只泠淡，根本到達冰點。
請將你的愛留給值得的人，別費氣力去融雪。
Elaine
我有啲感情煩惱… … 唔知點算好… …
幾個月前，因為工作關係，我識咗個男仔，之後由於大家嘅公司成日有event，而我同佢都係搞手，所以開始熟絡咗。
我哋時不時約出嚟玩，上佢屋企打機丫，去行街丫，或者去公園坐，傾吓計。
同佢一齊好開心㗎，佢講嘢成令到我笑，無論傾電話定SMS，唔驚冇話題講，而身邊嘅朋友都話覺得佢鐘意我。
有次，我同朋友落咗bar玩，原本佢都會嚟，不過我同佢講：「呢度好悶，冇咩玩，你都係唔好嚟啦！」，加上有啲佢唔鐘意嘅人在場，所以佢最後冇嚟到。
第二日我打電話俾佢，佢好冷淡，同我講話佢唔開心，問佢咩事又唔講，之後一直都係咁，SMS／msn佢又唔覆，電話講一兩句就dead air。
以下呢段就係我哋尋晚嘅SMS對答——
「你瞓咗未？諗起你… … 」
「沖完涼」
「可唔可以唔好咁冷淡？」
「電話冇表情 」
Dear Karen,
當然明白你完全不知自己做錯了甚麼，又不知道該繼續喜歡他，或是選擇放棄。
即使是放棄，你仍想問個究竟，不想死因不明。
但現實不是推理小說，不一定有人走出來解話的。
總之，現在他對你沒有興趣了，連你送上門的關心他也不要。
儘管電話沒表情，但你該明白，他的態度不只泠淡，根本到達冰點。
請將你的愛留給值得的人，別費氣力去融雪。
Elaine
星期日, 11月 01, 2009
Lady First 專欄（63）－ 後悔
點解，上帝創造人嘅時候，要創造埋七情六慾俾我哋呢？又或者，點解唔創造一個只識開心快樂，唔識傷心失望嘅人類出嚟呢？
如果係咁，個世界會唔會變得比宜家美好？我哋嘅日子又會唔會比宜家過得更好？
喺咁多種情緒裡面，我最唔鍾意嘅一種就係 —— 「後悔」。
後悔嗰種感覺真係好差，就好似企喺餅櫃前面心大心細，本來想食New York Cheese Cake，但係Blueberry Cheese Cake個樣又好靚咁，結果，你將胃裡面呢個甜品嘅quota留咗俾後者。
點知，啲藍莓好酸，而你係最憎食酸嘢嘅，心裡面諗：「哎呀﹗早知就唔好揀來揀去，要返New York Cheese Cake咪好囉」。
係囉，有早知，冇乞衣。
個心又唔忿氣，又忟憎，又嬲自己，但係，已經好難返轉頭，唔通拎件食過兩啖嘅蛋糕返去餅店退貨？
你同自己講：「下一次，下一次我唔會再三心兩意，一定會揀返佢」。
但係，呢次，你揀咗Blueberry Cheese Cake嘅錯，係入咗血肉裡面，成為身體嘅一部分，搣唔甩啦。
況且，唔係每樣嘢都有下一次。
如果係咁，個世界會唔會變得比宜家美好？我哋嘅日子又會唔會比宜家過得更好？
喺咁多種情緒裡面，我最唔鍾意嘅一種就係 —— 「後悔」。
後悔嗰種感覺真係好差，就好似企喺餅櫃前面心大心細，本來想食New York Cheese Cake，但係Blueberry Cheese Cake個樣又好靚咁，結果，你將胃裡面呢個甜品嘅quota留咗俾後者。
點知，啲藍莓好酸，而你係最憎食酸嘢嘅，心裡面諗：「哎呀﹗早知就唔好揀來揀去，要返New York Cheese Cake咪好囉」。
係囉，有早知，冇乞衣。
個心又唔忿氣，又忟憎，又嬲自己，但係，已經好難返轉頭，唔通拎件食過兩啖嘅蛋糕返去餅店退貨？
你同自己講：「下一次，下一次我唔會再三心兩意，一定會揀返佢」。
但係，呢次，你揀咗Blueberry Cheese Cake嘅錯，係入咗血肉裡面，成為身體嘅一部分，搣唔甩啦。
況且，唔係每樣嘢都有下一次。
我好鍾意食一間叫Glace嘅餅店嘅蛋糕，但佢已經執咗好幾年。
星期五, 10月 16, 2009
lady First 專欄（62）－ 愛情感覺
如果要你去形容愛情嘅面貌，解釋愛情，你會點講呢？
有人話愛情係天長地久嘅，係細水長流嘅，王子同公主從此以後幸福快樂咁生活落去就係愛情。
亦都有人話愛情係不顧後果嘅，係死去活來嘅，要流好多好多眼淚，先可以成就一段愛情。
總之，問一萬個人，可能會出咗九千五百個唔同嘅答案。
不過，最多人話嘅一定係 —— 愛情係浪漫嘅。
到底，有幾多人真係經歷過浪漫嘅愛情，定係俾人洗咗腦，認定愛情係非浪漫不可？
雖然結局可能好醜陋，起碼開始同過程，係漫天星花咁浪漫嘅，只可惜埋門一腳撻Q… … 咁就夠老咗嗰陣懷緬過去。
我讀書嘅年代，好多同學仔都鐘意睇嚴沁，岑凱倫同瓊瑤嘅愛情小說（哎呀好老餅呀），尚未戀愛過嘅小小心靈，就此被荼毒。
「有日放學時間學校門口突然有架黑色跑車停低（Maserati PLEASE），一個 6 呎高著住白恤衫 cargo pants 張震咁款嘅俊男跳落車，走埋嚟同我講佢已經等咗我一生一世。」—— 呢個就係我哋呢班無知少女將愛情嘅幻想。
過多咁多年，即使拍過拖十次八次，呢班無知少女，都已經成為中女，但係心裡面嘅愛情，依然係咁不切實際。
愛情好似漸漸變咗一樣賣感覺多於真實生活嘅嘢，同時又將呢種感覺變成商品。
每逢星期六、日，就會見到有好多情侶喺宜家傢俬行街，你認為當中有幾多對係準備結婚，或者真係同居緊呢？
有人話愛情係天長地久嘅，係細水長流嘅，王子同公主從此以後幸福快樂咁生活落去就係愛情。
亦都有人話愛情係不顧後果嘅，係死去活來嘅，要流好多好多眼淚，先可以成就一段愛情。
總之，問一萬個人，可能會出咗九千五百個唔同嘅答案。
不過，最多人話嘅一定係 —— 愛情係浪漫嘅。
到底，有幾多人真係經歷過浪漫嘅愛情，定係俾人洗咗腦，認定愛情係非浪漫不可？
雖然結局可能好醜陋，起碼開始同過程，係漫天星花咁浪漫嘅，只可惜埋門一腳撻Q… … 咁就夠老咗嗰陣懷緬過去。
我讀書嘅年代，好多同學仔都鐘意睇嚴沁，岑凱倫同瓊瑤嘅愛情小說（哎呀好老餅呀），尚未戀愛過嘅小小心靈，就此被荼毒。
「有日放學時間學校門口突然有架黑色跑車停低（Maserati PLEASE），一個 6 呎高著住白恤衫 cargo pants 張震咁款嘅俊男跳落車，走埋嚟同我講佢已經等咗我一生一世。」—— 呢個就係我哋呢班無知少女將愛情嘅幻想。
過多咁多年，即使拍過拖十次八次，呢班無知少女，都已經成為中女，但係心裡面嘅愛情，依然係咁不切實際。
愛情好似漸漸變咗一樣賣感覺多於真實生活嘅嘢，同時又將呢種感覺變成商品。
每逢星期六、日，就會見到有好多情侶喺宜家傢俬行街，你認為當中有幾多對係準備結婚，或者真係同居緊呢？
星期四, 10月 08, 2009
Lady First 專欄（61）－ 當我想起你
尋晚，一個大好嘅星期日晚，我冇留喺屋企成日對住個電視咁浪費時間，黃昏就同朋友打扮妥當出咗去聽concert。
你以為我哋去紅館？當然唔係啦，我哋去捧朋友場，去文化中心音樂廳聽交響樂。
喺攞飛前嘅一刻，都唔知會聽啲咩交響樂，反正知都冇用，我根本就唔識。
當從朋友手中拎咗張ticket一望 —— 係馬勒嘅第八交響曲。
對古典音樂毫無認知毫無天份嘅我，其實，連第五同第八交響曲都未必分得清。
不過，我好肯定我聽過，因為第一次去文化中心音樂廳，就係同舊男友一齊去聽馬勒，呢個係佢嘅 all time favourite。
今次坐喺裡面，我冇再瞓著覺，而係利用呢兩個鐘，寫咗一篇稿同諗起好多往事。
事隔幾年，我老咗憔悴咗，塊面多咗啲細紋，智慧冇增長到，依然一聽到classical music就會恰眼瞓。
但係，總算on the right track，我哋都總算on the right track。
忽然之間，好想返屋企拎嗰隻馬勒嘅CD，再聽多一次。
“再記起一些古老的心事
再記起心中一串開心的日子
曾在那似遠遠的以前
共你差不多天天都相見
曾話過那天起 你已屬我永不變
過去的經已不會再出現
遠去的一切只會更加遙遠
明白到各有各的去路
但我心中始終感到
曾共你愛過 暖暖的令我自豪”
你以為我哋去紅館？當然唔係啦，我哋去捧朋友場，去文化中心音樂廳聽交響樂。
喺攞飛前嘅一刻，都唔知會聽啲咩交響樂，反正知都冇用，我根本就唔識。
當從朋友手中拎咗張ticket一望 —— 係馬勒嘅第八交響曲。
對古典音樂毫無認知毫無天份嘅我，其實，連第五同第八交響曲都未必分得清。
不過，我好肯定我聽過，因為第一次去文化中心音樂廳，就係同舊男友一齊去聽馬勒，呢個係佢嘅 all time favourite。
今次坐喺裡面，我冇再瞓著覺，而係利用呢兩個鐘，寫咗一篇稿同諗起好多往事。
事隔幾年，我老咗憔悴咗，塊面多咗啲細紋，智慧冇增長到，依然一聽到classical music就會恰眼瞓。
但係，總算on the right track，我哋都總算on the right track。
忽然之間，好想返屋企拎嗰隻馬勒嘅CD，再聽多一次。
“再記起一些古老的心事
再記起心中一串開心的日子
曾在那似遠遠的以前
共你差不多天天都相見
曾話過那天起 你已屬我永不變
過去的經已不會再出現
遠去的一切只會更加遙遠
明白到各有各的去路
但我心中始終感到
曾共你愛過 暖暖的令我自豪”
星期三, 9月 23, 2009
Lady First 專欄（60）－ 原來已一年
阿金，
喺呢個明明只應該談情說愛嘅晚上，我想講嘅，係對你嘅恨意。
係，我好憎你。
雖然你可能從來冇在意過我，雖然你對我嘅影響唔係一生一世，但我依然恨你。
一個靚嘅女仔，總係惹人注目，而佢身體嘅其他人，就會即時變得暗淡無光。
一年前，當你出現喺我嘅生活圈子，當全部飲都將目光放喺你身上，我就知道，我嘅好日子可能一去不復返。
我好擔心你會搶走屬於我嘅一切，包括本來對我有興趣嘅人，同我得到嘅注視。
佢哋會因為你，開始對我分心對我猶豫。
你唔會知道呢一年我過得有幾辛苦，度日如年，惶恐不安，擔心下一秒鐘就係我嘅世界末日，擔心下一秒鐘我就會咩都冇晒。
喺呢種壓力下，我努力如常咁過日子，叫自己唔好再介懷。
直至有一日，電視新聞報導雷曼兄弟公司破產一周年，我先發現，原來你已經進駐我生命一年啦 —— 金融海潚。
Elaine
P.S 呢一年，我每日都擔驚受怕，怕有日返到公司，喺mailbox度見到大信封，怕有日編輯send email俾我，叫我由下期開始唔使寫啦，怕有日電台監製同我講「下集開始唔使你返啦」 。然後，忽爾間，原來已一年。
喺呢個明明只應該談情說愛嘅晚上，我想講嘅，係對你嘅恨意。
係，我好憎你。
雖然你可能從來冇在意過我，雖然你對我嘅影響唔係一生一世，但我依然恨你。
一個靚嘅女仔，總係惹人注目，而佢身體嘅其他人，就會即時變得暗淡無光。
一年前，當你出現喺我嘅生活圈子，當全部飲都將目光放喺你身上，我就知道，我嘅好日子可能一去不復返。
我好擔心你會搶走屬於我嘅一切，包括本來對我有興趣嘅人，同我得到嘅注視。
佢哋會因為你，開始對我分心對我猶豫。
你唔會知道呢一年我過得有幾辛苦，度日如年，惶恐不安，擔心下一秒鐘就係我嘅世界末日，擔心下一秒鐘我就會咩都冇晒。
喺呢種壓力下，我努力如常咁過日子，叫自己唔好再介懷。
直至有一日，電視新聞報導雷曼兄弟公司破產一周年，我先發現，原來你已經進駐我生命一年啦 —— 金融海潚。
Elaine
P.S 呢一年，我每日都擔驚受怕，怕有日返到公司，喺mailbox度見到大信封，怕有日編輯send email俾我，叫我由下期開始唔使寫啦，怕有日電台監製同我講「下集開始唔使你返啦」 。然後，忽爾間，原來已一年。
星期四, 9月 10, 2009
星期日, 8月 30, 2009
Lady First 專欄（58）
今晚，我想將呢節《飛女正傳》既時間，送俾一個男人—— Mr. A。
同佢認識咗好幾年，後來漸漸再冇聯絡。
早排，偶然又再遇到佢。
初初認識Mr. A既時候，我冇愛上佢，但的確曾經對佢有過憧憬。
不過，最後我地只係做咗朋友。
我記得，最唔開心最失意既果年生日，就係佢陪我度過既，但我一直冇正式多謝佢，只係透過一篇佢唔會有咩機會睇到既文章去答謝。
內容係咁既：
------------------------------------------------------------------------
Dear Mr. A,
多謝你陪我度過今年既生日。
當朋友問我會同邊個慶祝生日時，佢地聽到你個名字都好驚訝──「吓？呢個人仲o係度？」。
係呀，你仲o係度，遙遠但係常在。
呢幾年o黎，每次見面你都會俾個新理由我，解釋點解當初鍾意我但係又冇一齊。
每次我都笑住咁話，總有一天你會後悔錯過咗我。
其實，我明o架，真係明。
你對我既鍾意，就好似你鍾意食法國菜鍾意養貓仔咁囉。
點都好，多謝你陪我晚飯，陪我散步，同埋唱生日歌俾我聽。
-------------------------------------------------------------------- （內文）
星期六, 8月 22, 2009
Lady First 專欄（57）
星期日, 8月 16, 2009
Lady First 專欄（56）
星期日, 8月 02, 2009
Lady First 專欄 (55)
星期六, 7月 25, 2009
Lady First 專欄（54）
星期三, 7月 15, 2009
Lady First 專欄（53）
星期三, 7月 08, 2009
訂閱：
文章 (Atom)