Lady First 專欄（54）

《 不 如 開 房 去 》

時：數個月前

地：一切由facebook開始

人：21歲的傻女DaDa、25歲男仔乙名、人家的女朋友乙名



DaDa的自白：

「我之前o係facebook識左個幾o岩傾既男仔，佢對我都似乎有好感，過左一個星期我地就見面啦。只係，佢既態度冇想像中咁熱情，甚至冇正眼望過我，亦冇送我返屋企。其實，我唔太相信上網識朋友，但佢有好多我心目中Mr Right既條件，例如年齡大過我、有品味、有自己既事業（雖然未算好成功）、興趣相近… … 所以繼續有sms同msn。

後來，我發現左佢女朋友個blog。原來，佢地拍左幾年拖啦。我忍唔住 同佢講我知道呢件事，佢愛理不理咁，而我就再冇主動搵佢啦。不過，佢有時會搵我傾計，上星期我屋企有長輩過左身，佢仲好關心我，一直打電話同sms我。

過左幾個月，有晚，佢忽然想見我，叫我去佢屋企，話可以只係「齋訓」，我拒絕左，因為我仲係處女又覺得咁做好隨便。之後，佢過咗o黎我屋企附近，我地傾計同「打車輪」直到天光。當然，佢有摸我，亦提議過「開房」，但我又拒絕左，而佢就冇再強迫我。

佢話我同佢係唔會有結果既，因為佢同女朋友多年感情冇得返轉頭。但果晚之後，我地既對話比之前多左，佢既態度亦冇咁敷衍。其實佢係咪玩玩下唔認真？做咁多嘢只係為上床？」... ... （內文）