星期二, 4月 13, 2010

毛孩 (+資料更正)

中學時代,就讀女校,沒男生可看,一眾女孩子異常苦悶,唯有日日夜夜對其他女生評頭品足。

任何一個同學有肉眼可見的唇毛、手毛、或腳毛,大件事啦~「毛孩」、「猿人」或「長毛象」任選其一,從此成為她的花名。

然後,of coz,一定會找機會偷看她的腋下,「嘩~~~~ 好大隻海膽呀」。

衰到丫。

我一直慶幸自己不是毛孩。

大腿根本找不到一條毛髮,可以豪情壯語:「我對大脾生出嚟係俾人摸嘅」。

前臂小腿唇上的毛髮極淡極疏,除非湊近細看,否則看不出甚麼來。

腋下比較正常,每隔三幾天便得用眉拑將新長出的毛髮拔掉。

可是,就是有比較,便覺極度麻煩,有時候,擰側了頸太久,更痛得要塗按摩膏。

想做激光脫毛,但一直拖呀拖,哎呀,好貴嘛,不捨得。

一年前,在公司看到有新開張的光學美肌中心作宣傳,腋下脫毛療程$4980(包6次療程+3年保養! ! !),另加送上唇脫毛療程(又有6次),有點心動。

之後,跟同事提起,她說就是看到價錢很吸引,買了療程,已做了兩次,效果不俗。

就是這樣,我鼓起勇氣,拿出$4980(雖然已經好實惠,依然肉赤 >.< )給這間DermaGlow光學美肌中心賺。

我的療程早已完成,因覺得效果與服務真的很好,所以返轉頭問他們要資料,想介紹一下。

DermaGlow激光脫毛療程所使用的,是目前業界公認最徹底持久及安全的Thermo Kinetic Selectivity選擇性光熱技術。

技術利用專門針對毛中黑色素的755nm激光波長,選擇性地破壞毛嚢組織,永久脫除毛髮,但又絕不傷及周邊的皮膚組織。(同埋呢,我冇諗過連腋下皮膚都會白淨晒光潔晒,surprised)

另外,在脫毛過程中會加入強力冷風系統,加快散熱速度,令療程更加安全舒適(呢點好重要,好大風又好涼,令我唔多覺得痛)。

那個$4980的腋下+上唇脫毛療程的大優惠原來已沒有了,同樣價錢,現在的是腋下脫毛療程。

還有其他的package:

前臂 $14,000 (原價$18,000)
小腿 $17,000 (原價$24,000)
比堅尼位 $13,000 (原價$16,000)

以上另加送腋下脫毛療程,每種都是包6次療程+3年保養。

另外,又問了他們可有free trial,有有有!

免費體驗激光永久脫毛療程乙次 <--click入去,填好少少資料,就有free trial一次 (試次囉,唔使錢,冇蝕的,反正一次就會見到d效果)


18 則留言:

  1. 免費體驗唔代表免費做晒, 可能只係同妳做小腿一part 仔既脫毛, 等妳可以比較下脫左同未脫之間既分別, 如果係咁, 最好都係問清楚先去試~

    回覆刪除
  2. 去過 dermes 好x貴唔捨得(佢地上唇加腋下 discount 咗都over $5k),想試但係呢間服務好唔好?會唔會狂sell?

    你唔係毛孩都要脫?!唉,做毛孩真係好慘,唔怕畀人笑,但要經常脫毛已經好慘!

    回覆刪除
  3. 再咁多廣告鱔稿文, 搵幾多朋友黎留言都冇用啦~~你自己眼見d hit rate一路跌架~

    回頭是岸呀...

    你個bog可看性就黎見底喇 > < !!

    回覆刪除
  4. Re 819: 個free trial係俾你地試的,我冇得玩。不過佢地唔係做一邊,係堅做一次。

    re nepenthe: 咁第一次上去時,都有問會唔會買其他package,我話唔需要,佢地就冇再sell,算係咁。

    re 1135: 對唔住,係我中文唔好,講明我俾咗$4980出去俾人賺你都睇唔明。

    回覆刪除
  5. Thanks Elaine!! 報咗名試,希望效果同服務都同妳講一樣咁好!

    回覆刪除
  6. Re nepenthe: 試之前一星期唔好拔,改為shave,我記得佢地係咁教我的,話效果會好d。

    回覆刪除
  7. 善意講幾句,都知道好多公司會免費比blogger試產品,然後blogger覺得好就係blog到寫幾句,雖然未至於收錢幫人賣廣告。

    不過近期呢度真係似乎有呢個情況出現,我一直都喜歡看你的文字,亦相信你真係覺得好先介紹,希望呢度最後唔會變質啦。

    回覆刪除
  8. re gobby:謝謝你的意見,真心的。我既style一向係想寫咩就寫咩。寫自己買野,俾人鬧敗家,寫自己蒲,俾人鬧蕩婦,寫自己唔開心,俾人鬧抵死,寫試用products,俾人鬧發錢寒。係唔係都有人鬧ga啦,如果唔係覆你地留言順手reply埋佢地,理o黎把鬼。

    回覆刪除
  9. 呢度己變質好耐...
    一向係想寫咩就寫咩---計我話 ,依家情況係客戶比小小著數你 ,佢地想寫咩就寫咩 , 最緊要迎合PR心意 , 否則冇free lunch 吃, 最要命仲要係寫得核突果隻, 兼用一條formula 去寫...

    回覆刪除
  10. (睇唔過眼)

    變左質咪唔好黎睇囉!

    回覆刪除
  11. 喂!!1126, 中point呀 !!

    "最要命仲要係寫得核突果隻"

    回覆刪除
  12. 咪係,又鬧又睇,維園阿伯。

    回覆刪除
  13. 咪係,又睇又鬧,維園阿伯。

    回覆刪除
  14. "想寫咩就寫咩囉!
    變左質咪唔好黎睇囉!
    吾likely 咪吾好黎囉!
    又睇又鬧,維園阿伯囉!"
    ---------------------------
    如果所有人都以這樣的說法做擋箭牌,去為自己開脫, 總之自己認為怎樣就可以,
    異見睇吾過眼的不好來囉!,不好鬧囉!
    呢度只歡迎同聲同氣的人,
    那麼,接下來會發展成怎樣呢?
    仲有得進步的空間嗎 ? 仲有....
    To elaine:
    係唔係都有人鬧ga啦 - 吾系必然囉!
    1126

    回覆刪除
  15. 其實每次做要隔幾耐呢?好想番香港個陣做,但係番得個1個月..唔知做唔做到...

    回覆刪除
  16. re bee: err... 通常係1.5 - 2個月做一次。。。。

    回覆刪除
  17. 我反而驚痛唔痛,同埋therapist 手勢ga問題 ,Elaine 你有冇心水therapist 推介?



    P.S.

    To 1126 :講真,呢到係Elaine自己個blog,又唔係學校。你gum 緊張「進步」問題,不如去持續進修或者轉行教書(定係你一早已經係呢行?)好過la~唔好晒自己寶貴時間去睇blog la~

    回覆刪除
  18. re cherry: 會有種好似不停俾橡筋彈到既痛。不過,同時有部風機吹住你,好凍下,又會令痛既感覺細左。冇留意過邊個therapist做呀,個個差唔多...

    回覆刪除