星期三, 6月 23, 2010

是日賤精對話

「我飲紅酒一定要飲過千蚊嘅,如果唔係會唔舒服。」

「超~~~ 咁我可唔可以講,住一千呎以下嘅屋我會心胸狹窄?」

「.......................」

* * * * *

「呢隻十字牌脫脂奶好難搵到嚟買。」

「我飲開牛奶公司果隻。」

「我有飲過呢隻呀,簡直係唔知前世做錯咩事,今世會飲到佢。」

「嘩哈哈哈哈哈哈!你把口好賤。」

* * * * *

「我發燒燒咗四日啦。」

「咁你燒到變弱智未呀?」

「頂你個肺!」

* * * * *

「我好想整深d對眼皮囉。」

「你要整容嘅應該整咗高度先囉。」

「.......................」

* * * * *

為甚麼有口賤的朋友?因我同樣口賤,有時賤多二兩七錢。

口賤除了可以由後天培養,遺傳亦佔相當重要的一部分。

最近,我爸身體有事,但怎也不願看醫生。

在微博上提及此事,大家都落力出意見,空姐B建議我說已付了錢給診所,又沒得退錢,責成他一定要去。

但這招,試過,而且唔work。

那次,我媽跟我爸說,我一早已付了診金,我爸可不是蓋的,他揚揚手中的報紙,掀到下一頁,頭也不抬跟我媽說:「咁叫佢留嚟俾自己睇囉。」



3 則留言:

  1. 呀爸個句堅正 讚!

    回覆刪除
  2. 你爸爸也是很够力下!

    回覆刪除
  3. 我試過同阿媽講,我知你忍得,不過唔代表對我地好.病向淺中醫!如果妳而家去睇醫生,我地可以少花錢.如果唔係有事要花更多錢,重要請假賺少咗錢!所以請你病向淺中醫,不要病向錢中醫!!

    回覆刪除