是日賤精對話

「我飲紅酒一定要飲過千蚊嘅，如果唔係會唔舒服。」

「超～～～ 咁我可唔可以講，住一千呎以下嘅屋我會心胸狹窄？」

「.......................」

* * * * *

「呢隻十字牌脫脂奶好難搵到嚟買。」

「我飲開牛奶公司果隻。」

「我有飲過呢隻呀，簡直係唔知前世做錯咩事，今世會飲到佢。」

「嘩哈哈哈哈哈哈！你把口好賤。」

* * * * *

「我發燒燒咗四日啦。」

「咁你燒到變弱智未呀？」

「頂你個肺！」

* * * * *

「我好想整深d對眼皮囉。」

「你要整容嘅應該整咗高度先囉。」

「.......................」

* * * * *

為甚麼有口賤的朋友？因我同樣口賤，有時賤多二兩七錢。

口賤除了可以由後天培養，遺傳亦佔相當重要的一部分。

最近，我爸身體有事，但怎也不願看醫生。

在微博上提及此事，大家都落力出意見，空姐B建議我說已付了錢給診所，又沒得退錢，責成他一定要去。

但這招，試過，而且唔work。

那次，我媽跟我爸說，我一早已付了診金，我爸可不是蓋的，他揚揚手中的報紙，掀到下一頁，頭也不抬跟我媽說：「咁叫佢留嚟俾自己睇囉。」