藥物與我
心靈脆弱的人，這一篇，需要PG家長指引。
愛說教的人，這一篇，請跳過別看。
問這世上，有幾多人好喜歡吃藥？
口痕的話不如食薯片啦，好味又沒甚麼副作用，除了增肥生暗瘡和飛滋。
吃藥，是基於實際需要。
鼻水長流，感冒藥；頭痛經痛傷患痛，止痛藥；胃痛胃漲，胃藥；失眠，安眠藥；時常生病，維他命。
總之，好像每天都要吞小丸子。
最討厭別人在我痛得快發瘋時叫我別吃藥，說是純粹心理依賴。
媽的你看不到傷患處已腫起來連走動也難嗎？不如我用food cart送你一程撞到你的腰上，讓你感受一下那種痛，看你吃不吃藥？
吃藥一點都不好玩，更是長期要減肥的人的大忌，服藥後身體機能差了，水腫又歷久不退，家下又不興楊貴妃身型。
可是，六小時後要起床上班卻失眠，尚有千二字要寫但手腕痺痛動不了，感冒發燒中但後天要飛不想請假... ... 如果這些都是藉口，ok，我找藉口又不影響你呼吸，關你撚事。
這些藥，只佔存貨十分之一：
 |
| From for blog |
不太趕時間的話，感冒時情願飲中藥沖劑，慢是慢一點，但痊癒得徹底
我對各式成藥效用的認識，多過化妝護膚品多多聲，作為一個女性，這是令人很灰ssssssssss爆的。
又，不是鼓勵人吃藥，但在痛到典床典蓆病到呆的時候，我選擇尊嚴，堅持是沒有藥效的。
posted by Elaine @ 12:34 上午
14 comments
links to this post
14 Comments:
same here.
止痛藥, vitamin C 係生活必需品
當痛到連覺都訓唔到個陣, 仲點理得佢有無副作用...
'我找藉口又不影響你呼吸，關你撚事。'
认同，认同，十分认同！
經痛到想死個時，你有無試過貼個ｄ專係貼腳板底個ｄ貼，有辣椒成份個款，兩塊腳跟，一塊小腹，好得～（我唸，好過食藥掛．．．．）from sarac
經痛藥, 其實係有架, 不過唔知藥房有無得就咁賣,因為可能要prescription先得. 睇醫生會開比你! 唔好信panadol 出個種所謂經痛藥..成份同普通panadol 係完全無分別.
親愛的, 希望我地到五十歲時不會像satc的samantha一樣日啪五十顆小丸子! amen.
其實經痛可以試下貼o個d會發熱ge貼丫, 有助舒緩經痛之餘可以食少一隻藥丫ma~ 祝你身體健健康康 冇病冇痛!
其實經痛可以試下貼o個d會發熱ge貼丫, 有助舒緩經痛之餘可以食少一隻藥丫ma~ 祝你身體健健康康 冇病冇痛!
Elaine,
你的感冒藥最底那樽,我也有哦~真的很有用~
專程去日本就是為了買它,弱、中、強都有呀~
俺每日食維生素 E 加魚油，次選食最得多既系特長幸福雙筋素，系要特長，一般既已經無感覺。
林真系如果對自已好d，食番正常，訓足八個鐘，就可以慳番食咁多藥，鬼唔知阿媽最黑人憎咩？
點都好！保重身體
腰痛會去睇鐵打(女醫師)同搵人按摩,
游水都有幫助不過要好有恆心囉,
手痛時戴專用護腕(睡覺時都戴住),
因為用力不妥會加重病情,
經痛記得月見草油有助舒緩,
平日盡量少吃生冷食物(尤其凍飲),
失眠去睇中醫調理(不過需時較長),
現在有中醫唔使煲藥, 比藥粉或藥丸,
唔係叫妳唔食藥,
只係平日多做些保健功夫,
等到痛先至將藥放入口已經太遲~
re sarac: xie xie~ let me try try
re Mz: 知呀，係packing唔同，純粹昆水
re 雙下巴：到我地50歲，應該科技會先進d，啪幾粒就全包卦。。。
re gyan: tried, uselsss :(
re 202: tried ALL already.
Elaine:
睇到妳 D 日本藥的圖片，似乎妳可能幫到我喎，如果仲有機會去開東京，能否幫我買隻感冒藥呢？個盒似係同第二張相幸福傷風素下面果盒藥同一間廠的 ......
Vincent -_-
中藥同針灸需時較長通常都係個醫師dum症~_~
張貼意見
Links to this post:
建立連結
<< Home