星期四, 11月 12, 2009

從空姐Elaine到Lunch Dating

有理由相信我的新居是旺桃花的(桃花同時代表人緣,ok?),因為那間配對公司LUNCH Actually在《從官恩娜到speed dating》該篇blog出街之後,真的聯絡我﹗﹗﹗

天呀﹗是神聽到我的禱告?是好心人告知他們我求偶心切?還是那間公司湊巧有我的讀者?

我唔理啦,可以免費去lunch dating喎,那怕是龍潭虎穴,都要身先士卒衝上去一試虛實,為千千萬萬未嫁得出未有男友心思思想試lunch dating但又怕被人呃的讀者(包括我自己... ... )謀福祉。

去迪士尼要做足準備,那麼,去配對公司前當然要做資料搜集,最簡單的方法莫過於瀏覽LUNCH Actually的網頁 —— http://www.lunchactually.com

LUNCH Actually,顧名思義,就是透過午餐約會,安排男女雙方見面,輕輕鬆鬆食個Lunch。

一個午餐約會需時多久?就是lunch time的時間囉,若午餐時間沒空的話(如我,根本未起床),可儘量遷就雙方,改為早餐、下午茶或人約黃昏後都可以,避免晚餐約會動輒兩三小時話不投機由頭盤捱到甜品及咖啡/茶。

約會以單對單形式,私隱度高些,哎呀,你明唔明丫?人多嘴雜,一傳十十傳百,被認識的人知道了會尷尬到想死,若當場遇上相熟的人會想搵窿捐。

關於公司簡介請到網頁一遊,其定位比較特別,服務對象為專業人士,學歷太低/待業/非單身/正分居未必適合成為會員,而所以申請入會人士都須經顧問親自約見,了解背景及要求,同時核實個人資料,杜絕大話精及已婚扮筍盤之流。

價錢方面,3-Date Package $5800,10-Date Package $7800。

問過負責人Cynthia, ,若沒有合適對象進行配對,豈不是血汗錢變冤枉錢?Cynthia補充,是會先用Soulseek系統搜尋,有相配的才讓申請人成為會員。

戲肉時間,我已上過office與顧問見面,呵呵,流程大致是這樣的:

1. 親身到LUNCH Actually的辦公室與顧問會面
2. 核對身份,完成個人問卷,及深入面談
3. 透過Soulseek系統進行配對,選擇合適對象
4. 安排約會時間及地點
5. 出席約會(﹗﹗﹗)
6. 相約顧問進行檢討及聆聽意見

別問我該名對象ok嗎?暫時只進行了step 1和step 2。

在列出了一大堆個人資料,以及對對象外型、年齡、學歷、職業、性格、興趣etc... ... 的要求後,Cynthia也叫我講講生命裡幾個對自己影響最深的人,嗯,很有趣。

不過,我這次的Lunch Dating將會透過一個"My Dream Date" 的microsite進行,有興趣的男士可send個人資料給LUNCH Actually,然後由公司為我挑選合適的人。好彩﹗此contest男士們不用付錢就可以參加,否則好擔心怕烏蠅。

死啦死啦,會唔會冇男人想同我食飯呀?要唔要搵定幾個朋友扮對我有興趣丫?

死啦死啦,lunch dating我起唔起到身呀?改約凌晨兩點去翠華宵夜會唔會好啲丫?


27 則留言:

  1. wakakakkakaka, 真係有得試!!!
    心急等你試用報告!!

    回覆刪除
  2. 平常心 去試啦
    可能結果你會開心的 有驚喜tim
    只怕你希望太大 反而玩得唔開心
    hahahaha.
    Good Luck!

    回覆刪除
  3. Who pays for the lunch? The agent or the guy?

    回覆刪除
  4. 你俾人搵著數吖!靚女。

    間公司太識做生意了,有誠意的話因該係會員中搵個俾你...

    回覆刪除
  5. 點解好似去Manpower見工o既........

    回覆刪除
  6. 我都有interest....去試試但好似好$$$$$$$$

    回覆刪除
  7. You remember to post out the result of the date ar, if it is good, i want to try try too!!!!!!!!

    回覆刪除
  8. Or you can go ebay and bit a date with you.

    回覆刪除
  9. 如果相約左麥當當, order一個開心樂園晚餐, 再開支09年的中可樂...
    會唔會俾人打?!

    回覆刪除
  10. Can we look at the pic first before decide whether we will go to lunch or not?

    回覆刪除
  11. 俺覺得應該用一個考察同研究既角度去參加,例如問下隔壁果位,你系投行經理,青靚白凈,典解解仲要泥參加,系因為你系機既阿媽唔知同你報名?你油頭疚面,三年無擦過牙都敢泥?答巴士既一般唔會到呢樹既朋友你會覺得無發展機會嗎?

    回覆刪除
  12. 我其實真係好想知, 佢d會員中有幾多真係「靚女」呢?

    我估計, 香港地你要搵一大堆高學歷高收入既男人去玩徵友唔難。但我甚少識到有靚友會去玩徵友。

    回覆刪除
  13. Elaine, 記得報告下呢種dating係咪真係work, 等一眾宅男宅女試下嘛!

    回覆刪除
  14. Elaine, 記得報告下呢種dating係咪真係work, 等一眾宅男宅女試下嘛!

    回覆刪除
  15. Elaine 記得寫report喎,如果得,救得勁多人...

    > Elvis

    未玩過呢d高檔matching 活動
    但以前搞過幾次she.com 網聚,通常靚女第一時間俾d型男mark左先離場
    可能因為咁你見唔到囉

    不過果陣去單身網聚又靚女的,通常都寵壞晒兼無腦,有型男接貨我不知幾開心

    回覆刪除
  16. 其實相親也不是壞事。以往我們覺得相親很老套,認為自由選擇是最好的。如果這是正確的話,應該大家都很快樂,但事實並非如此。過去媒妁之言,盲婚啞嫁的婚姻,往往能夠白頭到老;現在自由組合,則不時有人鬧離婚。

    人就是這樣的了,自己爭取回來的,未必珍惜,反而別人強迫你做你要的,效果可能不太差。

    還有,就算是自由戀愛,我們往往都是給自己的生活圈子規限了,只認識自己圈子裡面的人,我們的選擇其實都是有限的!

    所以我覺得相親也不是壞事,至少我們可以被安排與一些我們生活圈子以外的人相遇,大家見面時亦十分明白彼此的意圖,避免了不必要的誤解,也避免了因害羞而不敢向人表達愛意。總之,一切也有人替你安排。

    而且,相親亦是自由戀愛的一種,因為相親之後,還是有選擇的,雙方還需要經過戀愛,情投意合之後才結合。

    我絕對贊成相親。

    回覆刪除
  17. 加油啊 Just enjoy it =)

    回覆刪除
  18. 愛情該是浪漫的.
    不過入場費頗貴.
    就算遇到合眼緣的.
    感覺就像買回來的姻緣.
    好不浪漫.
    既然elaine可以免費獨家試lunch.
    就不妨把握機會.
    祝桃花運好.

    回覆刪除
  19. lunch dating novel version is much better...hahahaha

    ku yuet fox

    回覆刪除
  20. 我上星期都收到電話了,不過我覺得太貴喇。如果見10個都係得個桔真係連僅有的自信都無埋。

    回覆刪除
  21. 我最近參加了. 我覺得參加呢d活動無問題, 而家好多好條件的女仔都因為工作太忙或想真心有段認真的感情才會參加, 唔通想人老珠黃俾人話嫁唔出? 個consultant仲話我咁靚女又有條件唔信無人追. 係有, 不過明知自己想結婚緊係要楝到最好, 而家只要俾錢就可以有人幫我screening, 多多都俾, 至少唔駛浪費時間.

    我join了一個week, 即刻就有date, 仲係某大公司高層tim, 我好期待ar!

    回覆刪除
  22. 加油呀!雖然我唔識你~但好希望你會成功!其實我都想參加呀~想睇下可唔可以識返個好既男人~加油呀!期待你既匯報!

    回覆刪除
  23. 我終於見到我第一個date. 第一眼就覺得好掂!! 我好驚會來了一個肥佬秃頭的老坑, 點知佢不單靚仔有型, 而且温文體貼. 我地好開心咁食咗成三小時的晚餐, 當然大家都有d feel 先可以對咁耐, 之後我地交換咗contact的info. 不過, 呢d男人通常的毛病係同女人溝通係有d 怕醜, 而且佢地習慣了一個人的生活太久, 未必會咁快去願意多咗個女朋友在生活裡, 所以會比較被動. anyway, 始終都係第一個date, 我諗佢同我都會想看多幾個先, 因為第一個已經咁掂, 對後面o個d都有d期待!

    所以我想同各位美麗的單身女仕講, 唔駛灰心, 呢度仲有好多好正的男人, 只要你肯踏出呢一步, 就算做唔到男女朋友, 當識多個朋友, 個人都會開心d. 到我有第二個date, 我會再匯報啦!

    回覆刪除
  24. 我見到我第二個date, 都係一個成功人士, 不過個feel 無咁啱, 可能佢無第一個咁gentle 細心(呢樣係我最重視的), 外型都係OK.

    佢話都見個好多其他女士, 不過年紀都比較大, 三十五到四十...有好多都係DIRECTOR, 醫生都有.聽到覺得有D自卑, 我只係一個小小的MANAGER, 但佢話鍾意呢D多D, 因為感覺無咁強喎, 客氣啫.

    而家呢個世界男女的地位和身份真係調轉哂, 出來DATING的女人隨時在事業上比那個男的更厲害. 我以前都有發女強人夢, 但如果想結婚的話, 似乎都要適可而止.

    回覆刪除
  25. 我同我朋友上個月先去完佢地office,係中環架ma...我個frd岩岩先去完佢既First dating. 聽返佢講,個女仔都幾靚,幾好傾咁. 仲好似約咗佢下個禮拜去睇戲tim. 我都好期待下個禮拜既dating...到時update你地.

    回覆刪除
  26. 唔係成功人事參唔參加得呢? :D

    回覆刪除
  27. Is the contest still available?
    9 July 2011

    回覆刪除