juicy又yummy

其實，我好欣賞freeze。

每次電視播佢地既MV，我會即刻金晴火眼望實。

尋晚無間音樂有freeze既新MV，繼續低胸短裙，著彩色絲襪。

嘩！ juicy又yummy，真係死而無憾。

整容，有咩所謂﹖咪又係同買靚衫既原理一樣，不過呢件衫貴d。

相貌標緻，長髮，豐胸盛臀，細腰有curve，手腳纖長尚留點點肉地，仲想點﹖(如果蕭生肯贊助我減肥割雙眼皮隆胸收窄鼻尖，我仆到去！！！蕭生你會唔會睇到我個blog呀﹖)

問心﹐假設人人都心地善良，只有醜女同人工美女之分，你真係會揀個醜既﹖

如果你鄙視人地販賣色相，但事實係，人人都係拎D 野出黎賣，換取生活費。

除非就死，你首先販賣時間，你會唔會鄙視自已賣時間﹖淨係會怕個價唔夠好。

我地根本每分每秒都販賣色相，去見工，應徵者樣樣條件一樣，一個個樣順眼，另一個就三尖八角，我都想對眼舒服D。

唯一擔心既係，如果有佢地三個咁既外型，我既流感呢世都唔會好。

老老實實，唔著bra top熱褲襪帶，我會覺得對唔住自已。