誠徵birthday partner

誠徵birthday partner一名：

1. 男性

2. 以才為貌

3. 年齡國籍不拘

4. 大專學歷以上

5. 具幽默感

6. 懂得製造話題

7. 自備現金或credit card

8. 略懂table manners

任務：

陪伴birthday girl渡過一個生日晚上

酬勞：

回贈晚餐一頓及精美禮品乙份

妄想

這齣戲，

值得一看。

任誰都知道太過偏執不是好事，

懂得抽身的有幾人？

痴心變成妄想，

不會得到憐憫，

盡頭只有精神分裂。

不要數算這是第幾次，

不要猜度會否和上次一樣，

不要問太多的問題。

能忘記的，

都請忘記。

Cut Lost

新朋友說是時候cut lost了。

其實，

那是很大的數目嗎？

我會說，

那數目只夠今天的我買一隻高跟鞋。

但都是付出時間勞力掙回來的，

不僅是色相。

新朋友酒醒過後，

一定會訕笑從未見過這麼天真這麼笨的hei hei girl。

對呀，

當太多人都覺得這女孩子精刮得滴水不入，

她卻愚蠢得用自身用金錢驗證真心。

Happy birthday to me

下個月的這一天，

便是我的26歲生日了。

你會跟我吃生日晚飯嗎？

你會送我生日禮物嗎？

你會送我陪伴我渡過生日的人嗎？

你會否相信每次拆開生日禮物時，

我的心總會悸動？

你會否相信每次吹熄生日蛋糕上的蠟燭的機會，

我永遠都希罕？

得到別人的寵愛從來不容易，

所以只能珍而重之。

承諾

昨夜在Orphee享受了一頓愜意的晚飯時光。

Orphee快要結業了，第一次踏進餐廳那年，我剛21歲。

坐在紅色沙發上的三人，各有各的心事，各有各的經過。

彼此的經歷，就好像站在一間佈滿鏡子的房內，看到了別人也看到了自己。

錯愛，真的最會教人淪落。

萬幸昨夜我們都光鮮亮麗地坐在一起。

我相信奇蹟，我相信一見鍾情，我相信童話，我相信灰故娘會遇上白馬王子。

但這一切，都需要時間驗證。

承諾不是花前月下動聽情話，信誓旦旦即使失效，消委會是不會受理的。

承諾是可見的實在的，是白紙黑字具法律效力的。

感謝

可能我確是一個被香港男人寵壞了而不自知的女人。

那麼，

我只會為我的僥倖感恩。

《愛似林一峰》

你愛一架飛機　我愛一個杯
你愛我個細佬　我愛你個妹
你應愛李英愛　李英愛愛李英宰
定係愛冇話應該唔應該

一峰：愛似是陽光空氣　愛似是陽光空氣

愛　愛有人話真愛係無價　
愛 愛我話真愛無得講價
首先要有大把身家
再有奶媽管家
車唔只得一架
最好有司機楂
事實係事實　愛情係現實
你無車無樓無番狗 做乜要拖我手
女人最忌無品　男人最忌無銀
所以幾百張心意卡比唔上白金既附屬卡
林子祥無呃你　係你自己呃自己

一峰：咸魚白菜也好好味

戶口得幾舊水 仲想養埋佢個女

一峰：Oh~ 叫佢食陽光空氣

愛　似是一間屋一張卡一齊擔一把遮　陽光空氣一架車
愛　似是一個人一直搵一直等果一個人　一世一齊訓
愛　似是一間屋一張卡一齊擔一把遮　陽光空氣一架車
愛

一峰：愛似是陽光空氣

你愛我　所以你俾左我
我愛你　所以我愛理不理
你愛我　因為我愛你
我愛你　因為佢唔愛我

準新娘　準備紅杏出牆
搶新娘　你點同人搶
人地送寶馬　你就送花
人地去飲紅酒　你就飲茶
所以我愛你　唔駛理夠唔夠match
我愛你　係睇你夠唔夠cash
我愛你　唔介意落雨擔下遮
最緊要行多兩步你會楂架車
你咪叫我愛你看你有冇誠意
你若然愛我咪叫我與你逼巴士
有心意但係冇生意 你叫我點樣安心鍾意

愛　似是一間屋一張卡一齊擔一把遮　陽光空氣一架車
愛　似是一個人一直搵一直等個一個人　一世一齊訓
愛　似是一間屋一張卡一齊擔一把遮　陽光空氣一架車
愛

一峰：愛似是陽光空氣

你最愛傳教　我愛狗仔
你愛睇裙仔　我愛睇三仔
你愛佢有型格　我愛睇無格
愛要黎到既時候邊個都冇辦法

一峰：愛似是陽光空氣 愛似是陽光空氣

故事

故事是這樣的。

有一個小女孩，她的家有爸爸有媽媽，窮困但相親相愛。

小女孩記得，小時候家裡窘得晚飯只有鼓油、咸蛋和白飯。

那是經濟起飛的八十年代。

小女孩升中學的時候，一家搬進了天水圍，快快樂樂的生活。

小女孩漸漸長大了，不過，她還是一條校裙穿了5年，一對皮鞋穿了6年。

雖然買不起新的，但她的校裙永遠雪白，皮鞋總是漆黑光亮。

後來，有一個人教會小女孩氣質的重要，教她甚麼是causal elegance。

小女孩努力學習，知道甚麼才是好品味。

花同樣的錢，小女孩懂得選擇那個budget內最好的東西。

漸漸，別人以為小女孩貪慕虛榮。

然而，小女孩知道別人不會相信，她身上的衣服只需60元；連卡佛的鞋子不是全都那麼昂貴，況且小女孩有腳傷，根本穿不了廉價的鞋子。

小女孩長大成人，開始討厭天水圍這地方。

因為phone interview的時候，別人往往第一句便問她是否「大陸妹」。

因為她愛過的男孩子，嘲諷她是「屋村妹」，讀「鄉村學校」。

因為她每一對心愛的high heels，都是在這片地方弄花的。

因為這地方品流複雜，她每次半夜回家都很害怕。

漸漸，別人以為小女孩好高騖遠。

小女孩有很多極珍惜她的朋友，湊巧他們的家境大都較小女孩富裕。

漸漸，別人以為小女孩有點機心。

小女孩愛過很多次，巧合地男生的家境與才華大多較小女孩優越。

漸漸，別人以為小女孩拜金。

來自別人的蒐贈，小女孩得到很多，甚至知道可能會有女生羨慕她。

J's, Ma Belle, Pink Box, Tiffany, LV, Hermes, Gucci, Lu Lu Guinness, Anya Hindmarch, Cartier...

沒人相信，小女孩極少開口要求禮物。

其實，小女孩一直堅持，在開口要求禮物的同時，你必須付得起那個價錢，也準備回饋別人同樣的心意，別人才相信你並不貪圖。

小女孩一直等待另一顆專一認真的心，但她發現，俯拾皆是的物質。

尋覓真心，卻往往被辜負。

小女孩有時候也很灰心，打算以後嘻哈醉倒算數。

但灰心過後，小女孩又會本著大無畏精神繼續上路。

雖然下次遇上的可能亦是壞人。

沒有大智慧的小女孩唯有安慰自己：「遇上壞人，雖然教人失望，但從中又會成長多一點點。那些眼淚、心酸和金錢，唯有當作學費好了。」

通知

我對於那些對無日無之匿名者的侮辱實在感到很厭倦，所以決定聽從路人甲的意見，啟用意見管理來過濾留言。

坦白的說，他們的惡意攻擊已經令我擔心自己的安全。

我也有點生氣了，我是否「港女」，用不著你們來批判。

就算我是拜金女郎，就算我待價而沽，亦不是每人有此資格。

我有SLK 230管接管送，我去clubbing不用自己買drink，我有人陪我看戲吃飯逛書店，我生病失意有人關心，我shopping有人付賬，我回港有人接機替我拖行李。

從不貪圖，才有資格被珍惜。

即使沒有男人付賬，我亦有我自己的白金卡，我絕對付得起。

Too good to be true

太美好的一切，總叫我無法相信。

從前的我不是這樣的。

當然。

儘管別人覺得我已太慷慨，但心裡明白，我已有了戒心。

我相信奇蹟，但很懷疑奇蹟不會在我身上發生。

天水圍的灰姑娘永遠等不到南瓜車，因為這地方委實太遙遠了。

況且，我只是平凡眾生，不是灰姑娘。

我不想再給予任何人機會遺棄我。

在我強調「認真」的同時，

朋友說別人也可以很認真，

只不過是「玩得很認真」。

我聽到，

不寒而慄。

留言

我所寫的《男友一百戒條》 (修訂版)，

有人留下這樣的兩個留言：

我屌你老母啦
你咁既樣配有一百條戒條?
食屎食到你傻撚左定啦
by 子午線
http://hkweb.no-ip.com/p_forum/viewthread.php?tid=12547
____________________________________

hey bitch, are u sick? 100 rules for your man? come here and lick me ass!!!!
____________________________________

我在我的行李篋，

說出自己的想法。

誰人看得不高興，

可以即時轉到其他人的blog上去溜躂，

為甚麼要出言這樣侮辱我呢？

你們就算有多不滿，

我仍是有我的追求者，

我自有珍惜我的朋友家人愛人以至blog上網友。

《紅樓夢》內有這樣的一句話 ──

「姨娘，你也太肯生氣了。」

To 渣估

渣估：

總會等著你回來的。

Elaine

let go

從巴林回來，多了一點體會。

那些黑衣裹身，只露黑色深邃雙眼的女人，教我感恩。

在酒店池畔，穿著Roxy bikini在享受日光浴的我，想起了那一雙雙眼睛，然後繼續看《紅樓夢》。

但心內悠悠然，因為覺得自己已經太幸運。

我仍是那個我，回到香港放下行李，換上綠色大露背halter neck，繼續去clubbing尋開心。

我明白自己的認真，也明知這裡容不下一顆心。

所以，謝謝你們的drinks，謝謝你們的讚美，然後坐上的士獨自回家。

今夜，那裡自然又會有新的人選。

不交心，一顆心才不會被奚落。

奇蹟，請留待在日光裡尋找。

其他一切，笑笑算數。

皮草

我打算從炎熱的巴林回來後，

再送自己一件皮草。

我知道一切不肯穿羽絨只穿皮草的年輕女孩子，

在男人眼中，

有多目中無人有多不受歡迎。

尤其是一個會將皮草當雨樓穿的女孩子。

然而，

我不寵愛自己，

誰來寵愛我？

你們有男友牽著你的手來給你溫暖，

我可以依靠的，

不過是一件皮草。

請原諒我。

連卡佛的皮草，

豐儉由人。

50件從那裡賣出的皮草，'

大概有49件由男人送給女人。

第50件，

由我的左手送給我的右手。

她一個人

每一個在outport的晚上，

都是說不出的寂寥。

房間太舒適，

光線溫柔。

但永遠只有我一人蜷縮在沙發上，

喝著茶聽著音樂看著《紅樓夢》。



因為，

我不再需要打電話給任何人，

也不再期待電話鈴聲的響起。

伴著我的，

是那隻走到哪裡都伴著我的teddy bear，'

和正在蔓延的淒惶。



那些男人都以為我是個隨時可以帶回家的女人，

不會有人明瞭我的認真。

下沉

夜夜笙歌，

在舞池內忘形作樂，

一個又一個男人的靠近。

其實，

從來沒有讓我歡笑過。

工作以外的日子，

只懂得將烈酒灌下，

讓掌腳跳舞至發痛，

由不相識的人抱著我的腰，

天色魚肚白時才踱步回家。

你們會否相信我真的快樂嗎？

你們還會相信我有認真過嗎？

你們有否看到我的心一直往下沉，直到跌在地上肢離破碎？









我永不永不會再相信愛情。

我早說過，

那人在我遇上他以前，

早已灰飛煙滅。

厭惡

我對天水圍這個地方，

是說不出的厭惡。

巴不得有人可以上演一齣木馬屠城記，

將這鬼地方一把火燒光。

我每一對高跟鞋，

都是被這片爛地弄得遍體鱗傷。

每一次有朋友主動送我回家，

除了感恩，

我只覺尷尬。

因為這是一座午夜後只餘下人狼和童黨的妖獸都市。

兼且，

他們就算乘的士回家，

那也是一條漫長得近乎超越陰陽的路。

抱緊眼前人

今天，接到同學的電話，告知大學同學昨日因病去世。

我在話筒的另一端錯愕得說不出話來。

我，今年25歲，她應該還比我年輕一點，無奈已經被逼退出這場生命耐力賽。

許多時間，我們總會抱怨生命太長太勞累，有限溫存無限辛酸。

然而，我們永遠不會知道上帝要你何時退出。

或許事業未成；或許尚未找到所愛；或許有一件新大衣未穿，

但通通都等不及來不及已經要說再見了。

所以，我看餐牌從來先看甜品。

所以，我從來愛人愛得奮不顧身。

所以，我從來不介意縱容自己。

因為，誰敢保證明天以後一定再有明天？

你有想做的事嗎？

天光後便立即動手吧。

你有喜歡的人嗎？

不要再等了，

快點告訴她你有多喜歡她。

就算是太平盛世，我們總要記得抱緊眼前人。





願妳在另一個國度永遠快樂。

我是一個沒儀態的空姐

我得承認，

我是一個非常非常沒儀態的空姐。

我將以一程long haul flight來闡述我有多不堪。

1. 其他空姐總是很優雅的拖著一大一小overnight bag/suitcase，慢慢走向巴士站。但小女子對於操控行李篋的手柄及方向有先天性缺陷，假如你在街上看到我，一定不會看錯。你會看到一個梳著優雅的法式髻的空姐，毫不優雅地拖著行李篋追巴士，途中她一定將所有行李篋弄跌。

2. 好不容易到了下車的時候，小女子永遠不夠力氣搬動行李篋。一般來說，總有乘客見義勇為，因為我實在拖延了行車時間。

3. 在airbus及777的機艙內，那些overhead locker的高度，令小矮人如我，望而生畏。唯一的辦法，就是向坐在aisle seat的男乘客投以可憐的目光。否則，乘客可以得到最佳的inflight entertainment ── 看到一個小矮人空姐不停在乘客的椅邊跳上跳落。

4. "Would you care for a drink?" 雞手鴨腳的小女子，經常性將PVC glasses跌落在乘客身上，紅酒彈到乘客面上；或是用橙汁來替A cart沖涼。

5. 對於那些一而再，再而三於同一seat number誤鳴的call light，已經走了八千里路雲和月的我，唯有狠狠拿腳上的Bally來出氣，用出盡奶力的「噠躂聲」步伐來彰顯我的不滿。

6. 我的制服裙是tailor made的，tailor將我的裙叉made得特別高。結果，take off和landing時，坐在crew seat的我，無論如何將制服裙拉扯，還是讓exit row的乘客，看著我走光直到天荒地老。

7. 千山萬水回到香港了。對不起！由於我是一個沒人接機的空姐，所以我不會補妝不會塗唇膏。

8. 故事還未完結。再有乘客見義勇為小女子搬動行李篋上車，因為我防礙後面的乘客上車。

9. 同場加演：累得奄奄一息的小女子，連手袋都拿不穩。當巴士在那些忘命彎角片來片去的時候，我的手袋連隨我的尖叫聲，飛墮到巴士中間的走道上。唉！

天水圍係一個應該o係Discovery Channel內存在既地方 (延續篇)

今晚，

我又再一次體會到天水圍係一個應該o係Discovery Channel內存在既地方。

就算我著住一對$2650既Ballin織皮4吋斗零high heels，

仙履奇緣都唔會出現。

因為半夜你再唔會o係街見到馬車，

你伸手可截既只係的士。

是夜與男性朋友，

o係諾士佛臺由十點半飲到兩點半。

半打啤酒半打blue point三杯margarita。

由於我唔眼訓又唔太醉，

決定唔搭的士去海防道搭小巴。

男性朋友有風度兼有誠意地要求送我返天水圍，

我就知道，

惡夢即將開始。

首先，

一上小巴，

我已經一馬當先主動走去俾錢。

唔係因為朋友身無分文，

係因為佢銀包裡面，

有既係一百蚊紙、五百蚊紙、八達通同白金咭。

但呢程小巴，

位位19蚊冇八達通只收現金不設找贖。

新朋友一路上非常期待充滿新鮮感，

因為佢三十歲人，

從來冇踏足過天水圍，

我就暗自為佢擔心。

當佢送到我返到屋企樓下，

我向佢解釋佢可以選擇既通宵小巴同巴士，

但我地兩個都好明白，

冇一架適合佢搭。

Well... 宜家係早上5點零7分，

我唔知佢可以點樣返到屋企。

願主保佑佢。

前度

我在5分鐘前，看到了我的前度未婚夫。

他走到我身邊，低下頭來看我。

而我則在查看另一個男人給我的SMS扮作看不到他。

那男人，正是我最後一次碰到前度未婚夫，出手掌摑他的cafe的老闆。

世界真細小。

男友一百戒條 (修訂版)

1. 你可以同任何16歲以上無血緣關係既女性單獨外出或者傾超過5分鐘電話，不過後果自負。
2. 我‘meet’你既時候你唔准縮。
3. 我會check你既來電顯示，你都可以，睇下到時邊個心虛d。
4. 空姐都係人，佢唔會24小時笑面迎人。
5. 唔好俾我見到你著白襪。
6. 我明白每個人都有過去，你會有舊情人既相呀信呀禮物呀，但係唔好o係我面前飄揚，有咩爛左唔好怪我。
7. 我鍾意收情信，但係好憎見到錯別字。
8. 每日起碼要打三次電話俾我，因為我會掛心。
9. 要俾我知你每日去左邊，我唔係要check你行蹤，因為我想知道你有冇時間o黎接機，幫我拖行李。
10. 我地未必可以一生一世，但希望你同我一齊既時候，每一刻都對我認真。
11. 我鍾意既手袋牌子係Lu Lu Guinness、Kate Spade、Anya Hindmarch同Tod’s，你千祈唔好買Patrick Cox同Westwood俾我。
12. 你心裡面諗d咩，一定要同我講，因為我放工之後唔想用腦。
13. 我去dating同clubbing你叫我玩得開心d既話，我會信以為真，跳到天光飲埋早茶先走。
14. 我鍾意男朋友買禮物俾我。
15. 我希望你會記得一切既大時大節生日同紀念日。你唔記得我會提你，如果你咁都唔在意，我會黑面。
16. 男子以才為貌，但係都要乾乾淨淨。
17. 我唔覺得$3800一對stiletto貴。
18. 我慣性去Lane Crawford買鞋，鞋碼係Italy 36.5。如果你打算買鞋俾我，記得唔好買錯size。
19. 我公司既員工福利係去hei hei同sugar唔駛俾入場費，所以，你唔好去錯地方。
20. 唔准一腳踏兩船(或以上)。
21. 除非d食物好美味，否則我唔想去任何張椅冇椅背既餐廳。
22. 出街一定要拖實我，因為我會蕩失路。
23. 我唔揀飲擇食，所以食咩你話事(法國菜除外)，不過，揀甜品既主導權歸我。
24. 如果我遲到，都只係因為我住得太遠同想著靚d見你，所以你唔好鬧我。
25. 你最好唔好有一堆女性朋友同契妹之類既不明物體o係身邊，否則我會大你三十萬用行動證明俾你睇我都有一籮男性朋友同契哥加uncle。
26. 我係一個會講粗口既淑女，你最好忍耐一下。
27. 我用既香水叫 No.4711。
28. 我唔會要你幫我去麥當勞換公仔，但係會叫你幫我去Sogo、Joyce同Lane Crawford買化妝品。
29. 你唔好走去旺中買o個d所謂既純銀/白金俾我，我會皮膚敏感。你有3個選擇：1. Tiffany 2. Georg Jensen 3. Cartier
30. 鑽石同藍寶石，我永遠都唔會嫌多。
31. 我會想你同我一齊揀Lingerie，你唔需要驚訝。
32. 我唔會問你我靚唔靚 (因為我知道我唔靚)，你最好諗定第二樣o黎讚我。
33. 我鍾意食Mimosa既cake、Zoe既zoe同1459，仲有Grand Hyatt既紅豆綠茶卷。
34. 我知道你冇可能每秒鐘都掛住我，但係如果你全日都冇諗起我，我會好驚。
35. 如果你著到成個MK Guy咁樣同我出街，我會面青。
36. 如果你郁手打我，我一定會走。
37. 你要留意亦舒既新書幾時出，儘快買俾我。
38. 記得要多d同我既父母social，因為我同佢地關係唔好，靠你去修補。
39. Shopping時可以分道揚鑣，你唔好又要企我隔離又要黑面，但最好記得行去cashier幫我找數。
40. 我好樂意同你行你鍾意既舖頭，你唔需要怕我悶，我會自得其樂。
41. 我既日常飲品係perrier、鮮奶、bailey's同margarita。
42. 唔好批評我既朋友，因為我同佢地共過患難，唔係酒肉朋友。
43. 我承認我係一個膚淺既人，我既日常讀物係《忽然一周》，你唔高興既我會隊本《紅樓夢》俾你睇。
44. 我唔介意你望靚女，介意既係有筍野睇你都唔同我講。
45. 如果你見到我望住本《飲食男女》兩眼發光，你可以留意下係邊間餐廳，唔太貴既就帶我去試下。
46. 我鍾意食魚蛋河，但係如果大時大節紀念日生日時都係食魚蛋河，我會發火。
47. 我喊既時候，你一定要‘乙水’我，因為我只會o係好傷心好傷心既時候先喊。
48. 你打機既時候，我會自己搵野做，唔好叫我坐o係度睇住你打機。時間唔係用o黎咁樣浪費。
49. 你最好有一首只係屬於我既電話鈴聲。
50. 如果你冇開口講，我都為你去改變，代表我真心鍾意你，請你珍惜我。
51. 我好樂意幫你做massage，但係請你唔好當「奉旨」。BTW，之後麻煩你同我做30分鐘massage，因為論工作性質，我先係勞動階級。
52. 買野俾錢既時候，你記得要快我一步拎張credit card出o黎，因為空姐只係一份表面風光既工。
53. 我會間唔時嗌「我好想嫁我好想嫁……」如果你唔打算settle down，記得話我知，我會放生你。
54. 你需要比我更清楚我既電話、DC同電腦既操作。
55. 當你睇波既時候，我會問你「咩係12碼」等低B問題，你唔好嫌我煩，因為我真係有興趣，但從來冇人教過我。
56. 我會希望你將我介紹俾你既朋友識。
57. 放假時我會間唔中留o係屋企休息，你即管出去玩，唔好以為我係貼身膏藥你唔同我出街我就唔出。
58. 我既外型令人以為我放浪形骸，但其實對感情最最認真。如果你係玩玩下既，請你離開。
59. 你先要努力工作，然後盡量抽時間陪我。
60. 你唔需要係有錢仔，但係要有上進心，想出人頭地。
61. 你一定要有自己既理想。
62. 我唔會問你「我今日有咩唔同」，你唔需要每次見我都恐慌性將我由頭到腳scan一次。
63. 我想睇日落。
64. 我有寫blog既習慣，如果你發現o個篇係講你既，你最好俾d反應我。
65. 我知道我好任性，我改緊架啦，唔好催我。
66. 你要做我既人肉地圖。
67. 我M之前一個星期會情緒暴躁，你要小心d。
68. 我發脾氣cut你線，你唔好即時又打電話俾我，send SMS得架啦。
69. 唔可以check我既MSN同SMS，就算你check，都唔會搵到任何蛛絲馬跡。
70. 你每識多一個女性朋友，我就會去識多一個男性朋友、男性cockpit crew、男性cabin crew同男性pax。
71. 你煮飯俾我食，就算只係一碗餐蛋麵，我都會開心過食Rougie鵝肝。
72. 我同你講野既時候自不然會嗲聲嗲氣，我都冇辦法架。
73. 我好有興趣知你既戀愛史，最好由頭到尾同我講一次。
74. 我on diet乃因為維持身型苗條係我既工作需要，唔好怪我揀飲擇食。
75. 如果有一日，我地分左手，我都希望可以繼續做朋友。
76. 作為一個冇返part time，冇讀書，冇仔女老公要湊，一個月起碼放15日假既空姐，生活頹廢係好正常既。
77. 我最憎人唔信我。
78. 如果你愛我，你唔會捨得要我傷心。
79. 我鍾意既運動係shopping同clubbing。
80. 一個男人對女人最大既尊重係向佢求婚，其次係帶佢返去同父母食飯。
81. 男朋友既功用係對女朋友好，女朋友既功用係對男朋友好。
82. 我用慣Roger & Gallet既shower cream同body lotion，麻煩你每兩個月去幫我買一次。
83. 好多事係因為我真係唔識同唔o係香港所以搵你做，而唔係我懶。
84. 我希望你間唔中都會俾比d小驚喜我，係「小驚喜」，唔係「大驚喜」。
85. 你講過，而我又應承過既，我一定會做。
86. 唔好熄電話，萬一半夜我要去睇醫生我會想你陪我。
87. 我最鍾意既花係peony，最鍾意既顏色係紅色。
88. 我覺得買花好貴，不過間唔中收下又會幾開心。
89. 每次出街請你俾30分鐘我去行書店。
90. 如果你見我個樣冇乜表情，唔係我唔緊張你，而係飛完十幾個鐘，真係好疲累。
91. 如果有人追你，記得同我講，俾d時間我做定兩手準備。
92. 好遺憾我冇機會細細個就識得你，所以宜家請你俾多d時間我，俾機會我去了解你。
93. 我既工作或者比唔上你既重要，但我都希望你會尊重我既工作。
94. 你唔開心既時候我會靜靜行開俾時間空間你冷靜，但過後我會想你打返個電話俾我，因為我關心你。
95. 著得sexy係有兩個原因：1. 我覺得靚 2. 唔係個個女人都有本錢著得sexy。
96. 我知你對我用咩化妝品冇興趣，不過問下咩顏色好都得掛。
97. 你要記得間中同我講「I love you」，否則我會以為你唔再愛我。
98. 從來冇男人要我食飯俾錢，如果你覺得男女朋友食飯要AA制，你可以去死。
99. 我最重視既節日係生日。
100. 唔好話我奢侈，我一向自己搵自己駛兼俾足家用。如果你了解我既過去，應該明白我已經控制得好好。

留言信箱

以下係我最新既留言信箱內容，

如果你係我既女性朋友，

我建議你聽完首接駁鈴聲就收線，

唔好話我又扮173熱線，

我把聲天生係咁，

我冇辦法架。

「hello，我係elaine呀。喂呀，我下個月生日啦，你到時係咪會請我食生日飯同埋會送生日禮物俾我架？你到時仲會唔會俾birthday kiss我呀？如果會既話呢，咁我預早宜家俾定一個thank you kiss俾你先啦！啜！bye bye！」

得著

昨夜與I晚飯，

提起現在我可獨自喝掉一枝紅酒而不會醉倒，

她帶笑說這是我和A分開後唯一的得著。

是呀，我知道。

一個月內，

我由吃酒心巧克力會面紅耳熱喝半杯啤酒會醉倒，

變成喝掉一枝紅酒穿著4吋stiletto仍可在安慶台的石梯健步如飛。

大概，

還有另一得著。

當一個又一個的男人靠在身邊，

牽著我的手抱著我的腰，

不只沒有心動，

連眼睫毛也沒有顫動過。

因為在快將26歲的時候，

我總算明白，

不是沒有打算settle down的男人，

但我不會在這裡遇上。

他們全都不可信。

當所有人都寵我若皇后，

唯有這些男人，

最懂得待薄我。