星期四, 9月 29, 2005

大條道理

聽到電台節目,

有個男仔問約左個心儀既女仔出街,

佢應唔應該俾晒錢?

如果個女仔俾番錢佢又可唔可以收?

節目主持人答佢,

「你儲夠錢先學人買消費品啦,儲夠錢先學人拍拖啦!」

我即時拍爛手掌。

你可能會話有咩值得你開心呀?

你係一件消費品咋。

我認呀,

女人的確係一件消費品,

仲係高消費果種。

我唔係拜金,

只係太多女人扮講心唔講金,

其實背住男人蚊蚊計到狠一狠。


一個男人有咩最乞人憎?

第一係打女人,

第二係俾錢時扮行動遲緩。

我知我知,

你會同我講我咁樣會嚇走身邊既男人,

但我見到果D扮「愛情至上,不計金錢」既女人竟然呃到咁多男人貨如輪轉,

真係不吐不快。

沒有留言:

發佈留言