到底，要減幾多次肥先可以修成正果呢？
唔通，要減到死嗰日？
死咗之後，我嘅肉身經過火燒，會唔會有舍利子出現？
全部係生前食嘅減肥藥精鍊出嚟？
女仔要減肥，真係好麻煩。
跑步怕腳粗，游水怕變平胸，做gym又驚成個人橫咗。
諗來諗去，食藥做機好似好懶，但反而係最safe嘅。
減肥難，唔減咁又點呢？
我只係覺得，一個肥嘅女仔，佢條路，往往比其他女仔難行得多。
女仔一肥，就係「豬扒」。
即使你個樣其實幾靚，人聰明心地又好，放心，冇人會睇得到，你依然係一件「豬扒」。
上個禮拜，阿媽語重心長咁問我：「你就快三十歲啦，想玩到幾時呀？」
當然，佢指嘅係 —— 我幾時會選擇安定落嚟，結次婚生個孫俾佢玩。
但我諗起嘅係，就快三十歲啦，幾時可以100％修身成功，唔好再去到90％就停低，然後退步返去80％。
係時候將肥咗嘅幾磅肉減走，搵番嗰個好有毅力，減到日日胃抽筋都唔肯停嘅自己。
十個女仔，九個都話要減肥，為咗男人又好，為咗自己都好，建立一個目標，推動自己進步向前，始終係一件好事嚟嘅。
雖然，我阿媽仍然係未望到家鄉，未見到自己個女結婚生仔，冇法啦。
其實時代唔同，
回覆刪除肥瘦嘅標準都唔同！
最緊要係心理及生理健康！
其實妳都唔算肥....
唔好浪費啲冤枉錢減肥，
係時侯要儲番啲錢喇！
頂﹐我話減都成大半年﹐好似只係減兩﹑三磅。但我而家每日(返工日)會行40分鐘度啦。希望長時間下會減多D。但我覺得﹐始終都係要做返D toning 既運動。經你咁講﹐真係又要重新來過啦!!
回覆刪除每次睇你既文章都會笑. ^^
回覆刪除跑步係帶氧運動無理由會跑粗隻腳. 只要唔好過量就得.
男仔唔想要豬扒, 但亦都唔會想要一件排骨.
Get married and have a baby, I am sure u can be as slim as you wish.
回覆刪除Your husband will make you mad and your baby will make you crazy.. that's how I become lighter and lighter these 5 years after getting married.
當你俾人日日話肥矮蠢既時候，你會諗係咪自己有問題。但我始終讚成你所講，“為咗自己，建立一個目標，推動自己進步向前，始終係一件好事嚟嘅。”就覺得我應該放棄那個人。
回覆刪除唔通，要減到死嗰日？ yes
回覆刪除死咗之後，我嘅肉身經過火燒，會唔會有舍利子出現？U? don't think so.
全部係生前食嘅減肥藥精鍊出嚟？see the above
女仔要減肥，真係好麻煩。女仔=麻煩;減肥女仔=真係好麻煩
跑步怕腳粗，游水怕變平胸，做gym又驚成個人橫咗。平胸跑步游水做gym 怕極都系平胸。
諗來諗去，食藥做機好似好懶，但反而係最safe嘅。食藥自殺快d
減肥難，唔減咁又點呢？=肥
我只係覺得，一個肥嘅女仔，佢條路，往往比其他女仔難行得多。白馬皇子抱住例外。
女仔一肥，就係「豬扒」。豬扒唔系人咩？
即使你個樣其實幾靚，人聰明心地又好，放心，冇人會睇得到，你依然係一件「豬扒」。半肥瘦豬扒其實好多人中意食。
上個禮拜，阿媽語重心長咁問我：「你就快三十歲啦，想玩到幾時呀？」聽日
...........
雖然，我阿媽仍然係未望到家鄉，未見到自己個女結婚生仔，冇法啦。有結婚就有機會離婚；都系為百有好姐。
facebook張相小腿展現出嚟嘅線條美，好多女人恨都恨唔到。
回覆刪除