關於空姐的十個謬誤

1. 空姐搵好多錢。(以前，OK啦。宜家入職o既... 陰公豬囉。當然，我都唔明點解咁多同事有錢帶Rolex同Cartier返工。空姐既工作性質，隻錶唔只會撞花，係會撞得爛ga wor。)

2. 空姐係化妝同護膚高手。(呢兩樣o野，係嗜好。對於唔鍾意化妝o既空姐，佢地只會將顏色是但塗落塊臉算數。而我返工果個求求其其o既樣，睇完你記得飲孟婆茶。)

3. 空姐識紮髻。(呢個世界上，有樣o野叫蝴蝶髮夾連髮網，係空姐恩物。)

4. 空姐唔會暈機浪。(咪玩啦，你估有氣流時，淨係你會又暈又嘔咩~~~)

5. 空姐好多假期。(多勞多得，放八日又得，嫌錢腥放十幾日又得。不過，有幾多人會嫌錢腥？)

6. 空姐只係個捧餐妹。(o拿... ... 如果你係咁諗o既，就唔好問佢要份餐以外o既o野。)

7. 好多人會問空姐要電話號碼。(你係咪諗多o左呀？定睇得電視太多呀？你估cabin係club咩？)

8. 空姐唔駛帶腦返工。(每個flight之前都有briefing，briefing時要答問題。答唔出o既... bye bye！你唔駛上機做o野啦，去見官啦。)

9. 空姐好多異地情緣/艷遇。(空姐好多時候，只會o係酒店房同supermarket出現，咁識個做front desk o既好定cashier好？)

10. 空姐可以周遊列國。(如果做D即日來回/晚機去早機走o既flight，邊個國都冇分別。好似我咁大半年去三次德國，只係一個太幸運o既例子。)