Lady First 專欄（54）

《 不 如 開 房 去 》

時：數個月前

地：一切由facebook開始

人：21歲的傻女DaDa、25歲男仔乙名、人家的女朋友乙名



DaDa的自白：

「我之前o係facebook識左個幾o岩傾既男仔，佢對我都似乎有好感，過左一個星期我地就見面啦。只係，佢既態度冇想像中咁熱情，甚至冇正眼望過我，亦冇送我返屋企。其實，我唔太相信上網識朋友，但佢有好多我心目中Mr Right既條件，例如年齡大過我、有品味、有自己既事業（雖然未算好成功）、興趣相近… … 所以繼續有sms同msn。

後來，我發現左佢女朋友個blog。原來，佢地拍左幾年拖啦。我忍唔住 同佢講我知道呢件事，佢愛理不理咁，而我就再冇主動搵佢啦。不過，佢有時會搵我傾計，上星期我屋企有長輩過左身，佢仲好關心我，一直打電話同sms我。

過左幾個月，有晚，佢忽然想見我，叫我去佢屋企，話可以只係「齋訓」，我拒絕左，因為我仲係處女又覺得咁做好隨便。之後，佢過咗o黎我屋企附近，我地傾計同「打車輪」直到天光。當然，佢有摸我，亦提議過「開房」，但我又拒絕左，而佢就冇再強迫我。

佢話我同佢係唔會有結果既，因為佢同女朋友多年感情冇得返轉頭。但果晚之後，我地既對話比之前多左，佢既態度亦冇咁敷衍。其實佢係咪玩玩下唔認真？做咁多嘢只係為上床？」... ... （內文）

Lady First 專欄（53）

《 沖 凍 水 涼 的 君 子 》

二十六歲的Sonia性格親切，但不知因生活圈子太細還是從前媽媽管得太嚴，一直未嘗戀愛﹗雖然不乏男性朋友，卻總不能發展成情侶。

一年多前，她在公司認識了另一部門的J先生。三十四歲的J目前單身，一年前與拍拖十年論婚嫁的女友分手。因為新娘結婚了，新郎不是他。

J對她照顧有加，經常作伴吃飯看電影，關係就像哥哥與妹妹。不過，約會多數由她提出，J從沒表現得太高興。

某夜，Sonia為某些事很不開心，尋求J的幫忙，得到J的開解，她的情緒平伏下來，而兩人關係亦變得更親密，維持著曖昧關係。

她對J早有好感，後來忍不住問了J 一個愚蠢的問題… … 當然，她得不到想要的答案。此後，他們關係疏離了，J再沒有從前的關心，不再熱衷與她MSN和sms（J 初時刻意買了電話卡與她同台方便免費sms，不嫌其煩每天帶著兩部電話）。

過了一段日子，Sonia要離職了，J主動邀約吃「散水飯」，態度回復到以前的關心, 但沒有再與她sms。她曾經問J：「如果我sms你，你會唔會收到呀？」J答：「會，我仲有開住果個同你同台既電話。」... ... (內文）

心事

你知道嗎？

我一直不願意讓自己過太開心的日子，

甚至執意偶然做些錯事。

是因為我知道，

太快樂的時候就會不再懂得寫東西。

這才是我最害怕的事。

Lady First 專欄（52）

《 叮 叮 與 我 》

在過去的十年，有一種聲音，我差不多每天都聽得到，說的不是電話鈴聲或是媽媽叫我飲湯的聲音啦，是「叮叮」聲。

那些「叮叮」聲，來自微波爐。

我不是飯盒兒童，少吃零食少喝凍飲，早餐吃麵包，中午吃自家製便當(即將之前一夜的冷飯菜汁翻煮囉)，晚上吃媽媽煮的飯餸。

所以，造就了我的玻璃肚和水晶腸... ... (內文)

新Monday專欄 － 貴客自重

From for blog