星期三, 1月 21, 2009

媽媽

媽媽:

在這個不可開電視、不可發出任何聲音、不可開燈的晚上,有點話想跟你說。

如今,除了工作需要,我已經不會回這個家的了,你有必要那樣對我嗎?

我不是朝九晚六的OL,也有freelance工作尚未完成,不可能晚上十一時就關燈關電腦睡覺的。

在這間屋內,連房間都沒有的我,如何生活呢?

睡在房中的你,以空氣流通為由,明明有四隻窗戶可開,偏不肯關上房門,要我關燈。

你說最近買股票蝕了錢,又說爸下年退休了,問我你倆日後的生活怎辦?

我怎知道呢?

你倆至少有買股票的閒錢和退休金,我甚麼都沒有。

其實,我是知道的。

你說過想要八千至一萬元家用。

每當你提及從前給了很多零用錢,讓我可以過較其他人豐裕的學校生活,如今合該在家用扣回時,都想坦白說清楚。

你給予的零用,只夠我乘搭巴士來回學校與家,還有canteen兩餐。

相對豐裕,只因為差不多一星期七天都有兼職。

還有,從小看到貧賤夫妻百事哀的實況,那時期,我不會找一個吃飯要AA制的男友。

說到這裡,如果你看到的話,一定又大罵我「等天收」。

是的,我在等天收,越快越好,最好在爸退休前收我回去。

我死了,你有了那份保險金,就不怕老來無依了。


你的女兒

108 則留言:

  1. Elaine,

    妳都好, 有一份「副業」及一份 freelance, 我就只係得條命......如果妳係唔開心, 或者係覺得驚的話, 就兩份啦~!

    307

    回覆刪除
  2. 空姐:
    你是不是心態上太年輕呢? 直至你一日搬出去獨立生活之前, 在你家裡的一家之主仍是你媽媽和爸爸, 你是他們的客人, 客人當然要遵守主人家的規矩。你或許想到你為他們作過什麼無私的犧牲什麼的, 在"父母子女"之間, 這樣的單向或雙向的犧牲, 由你出生那日已經一直存在。

    SR

    回覆刪除
  3. 你寫的是真的?你好似講過 28歲,28 歲還不能有半點個人空間,確是難以忍受。

    你描述你的父母,我也見過類似情況的人,幾乎一樣。



    PS :我不太同意 SR 對父母和子女的價值觀,不是這樣的,或不應該是這樣的。

    回覆刪除
  4. 我都贊同SR所言,要避免衝突和要個人自由,例如想通頂就通頂,上網就上網,先要搬開住.

    一日同家人住,就要妥協,因為你媽媽見你上網,只會聯想到"電費好貴",她不會想起你有freelance要跟

    人愈大愈明白到父母都係凡人(無話老馮要偉大呀,為兒女犧牲呀),我近年也從大大小小的事感到我母是何等自私,只係諗到自己.不過想深一層,佢都係人類,人係自私o既,一些都唔出奇.

    奇就奇在我依然會為此唔開心囉.

    加油啦 Elaine

    回覆刪除
  5. 你媽媽缺乏愛和安全感才會跟你提出這種要求。

    不要跟她計較。能不能找朋友一起同租一個地方呢?

    有什麼比尋找自己的生活方式和呼吸自由空氣更重要?

    回覆刪除
  6. Elaine, 我媽跟妳媽說的對白99.9%相似,大概因為老一輩人都對錢帶來的安全感看得太重,想有人照顧又怕養女不防老,又擔心收入不穩定,對!盡量吧!在這個狹小的香港,總會有這種倫理情節日日上演,仍然分欣賞妳的直言!
    相信兩老坐千望萬是指日可待!

    同樣沒有房間的ALLISON

    回覆刪除
  7. 我一出来做野就比HK$9K家用啦, HK$8K-HK$10K 以你的收入, 及其他驶费来看, 都不算过分. 老实讲, 你买少两对鞋, 一个手袋就已经系番度.

    我以前的零用, 都系够搭车同吃一餐大排档, 买书钱都是帮人补习赚回来的, 肯定少过你, 你起码有两餐canteen.

    回覆刪除
  8. I like you! YOu are so outspoken.

    I Know how you feel. My situation is a bit like yours. haveing parents stepping me down hurting my self esteem all along, being mean and unfair to me during my grown up process. Like to use violence to solve problems..>result: I seldom see them Now, I pay no household money to them, and I DONT feel guilty at all.
    I kinda understand you, should somebody treat u well, you would surely treat him/her well in return. Unfortunately they might Not be your parents.

    回覆刪除
  9. well...El.
    i know u just talk talk...let it go......keep buy whatever u like......

    回覆刪除
  10. 我想,你還比我好吧!

    1.家中我排最大,兄弟姊妹四個,由很小小小時候開始,我已要替家人煮飯做家務,因為父母都要到外面"搵食"。

    2.試過零晨兩點"扎醒",因為當天的家務還未做好,明天又要返學,沒有時間做。

    3.會考那年媽媽又生下了一個妹妹,她整天"痴"著我,因沒有人"湊"她,結果連會考也沒有去。

    4.由於最小的妹妹出世後家境變好了,被認定為腳頭好,很寵她。

    5.不想再被屋企擺佈,於是離家逃走了。

    6.有了錢,父母投資,97後"損手爛腳",還要充大頭鬼扮有錢。媽媽懷疑爸爸有"易奶",少我一歲的妹妹跟媽媽說她們是上等人,而我是下等人。

    7.二妹信了"四面佛",跟媽媽說信了就有錢,爸爸又會回家,咀咒"易奶"可以腸穿肚爛,我跟媽說不好,媽只聽妹說的,我依然是下等人。

    8.媽打給我,叫我向銀行借錢給她用,我還是下等人。

    9.從前二妹要我申請附屬卡給她去旅行用,今天說"look了一萬蚊卡數,沒有錢找…..

    10.我沒有生氣,緩緩地吸了口煙,繼續工作。

    回覆刪除
  11. P.S.還有,數月前在家中發現了一尊用金造的很大的"四面佛"像......

    sky....

    回覆刪除
  12. 無可否認的是版主她所說的全是活脫脫﹑血生生的生活實例。我才剛出社會做事時﹐我的媽媽每天跟我說誰誰誰的女兒﹑兒子把全部的薪水上繳給他/她們的媽媽﹐要用錢的時才向媽媽討﹐除了家用外媽媽會把餘錢當成你的儲蓄存起來的。我可以說甚麼?我唯有跟她說﹕那你去找那些會上繳全部薪水的人做兒子女兒吧﹗就像我以前跟媽媽說其他人除了交通費及餐費外﹐都有零用錢花的﹐媽媽叫我去找那些人的媽媽做媽媽一樣~~~
    我辛辛苦苦的外出工作賺取微薄的薪水﹐到最後竟然連支配薪水的權力都要喪失嗎?﹗我要過的生活是會怎樣的窮困潦倒呀﹗
    還好我從來都是準時上繳家用的﹐這亦是我唯一可以對我媽媽做得到的。

    回覆刪除
  13. completely understand yr situation & try your best to live alone, the situation will become better. If the parent is too money-minded, you definite will have stress from them and affect your life. I really believe parent should not count on their children when they are getting old.

    回覆刪除
  14. 俗語有云:『無冤不成夫婦,無仇不成父子』。你害怕你的前路茫茫﹐已沒有謀生能力的父母又何嘗不是呢?埋怨後﹐路還是要繼續走下去的呀?但請放心﹐沿途總會有些相識或不相識的為你加加油的哦﹗﹗﹗

    回覆刪除
  15. 說得太狠毒了,對父母不應該有如此的態度。

    回覆刪除
  16. well, every family has own story.... you are brave as you voice out what you feel, respect your attitude.

    回覆刪除
  17. 我的情況同你的, 差不多一樣, 在這幾天耳邊不停重複媽媽的說話(都是要錢的事),我的天,心裡真的很難受,比少D錢, 又話咁少夠咩, 比多d 我又負擔唔起,我可以點, 人家說沒有錢,愛面子的媽媽又借錢給人,現在人家有錢去旅行,唔還錢,佢唔去追人還錢,反而迫我比錢.... 我要供樓,要養自已,媽媽你是愛錢,還是愛自己的女兒, 我也希望媽媽你會看到, 可是你不懂得上網, 有時我也在想, 如果我死了, 你便可以得到保險金和我的樓, 那便不會聽到你要錢的聲音。

    回覆刪除
  18. 嘩!咁無責任感,那是妳媽媽來呀!而且妳爸爸又就退休兩老擔心生計可想而知...妳平時冇給家用的?看妳的blog整天就是食好飲好著又矜貴,怎知連兩老也都沒照顧好,飲少枝香賓或買少對鞋巳經可給一點心意錢,妳都就快三十還要住屋企又懨三懨四...妳吾係萬人迷好多男人收留嫁咩?原來又係得把口的中女!

    yy.chau

    回覆刪除
  19. 大仙
    萬事皆因"錢"!
    私人空間? 一皮野家用? 開燈定開窗, 天水圍定天比高? 咩都唔係問題...

    信我,喺私人空間好忙咁工作又或者玩,甚至溝女"溫"仔,都係人生一大樂事黎既...

    共勉之

    古月不死狐

    回覆刪除
  20. ELAINE,

    係. 我係同你飛過.

    外人係唔會明白空姐的苦.
    CREW CONROL 鍾意就改你DUTY, 明明果個月爆鐘都可以玩到你得BASIC PAY. D 糧一日未到你BANK ACCOUNT 都唔好咁開心住.

    今日行得走得, 點知上天一個CART 撞埋腰骨, 下個月又係屋企等. 都幾好呀,病都仲有BASIC PAY. 係呀, 睇你拎得幾耐. 3 年後公司肯唔肯續約都係一個問題.

    到時唯有帶住個7 勞8 傷GEI 身軀另謀高就.

    保障爸媽的同時, 也先要好好保障自己, 因為自己都會有老的一日. 量力而為啦.好好"教育"你GEI 上一代啦.

    同事

    回覆刪除
  21. 月光小傻豬:

    一句話:

    與家人的相處,初念淺,轉念深~~~~~~:)

    Daniel.

    回覆刪除
  22. pretty much the same here.
    hang in there.

    回覆刪除
  23. HI Elaine,

    我想講, 唔好唔開心..因為:

    1) 如果過左夜晚7點洗頭, 會俾我阿媽勁鬧, 理由係咁夜(?!!)洗頭老左會有頭風(!!)。我習慣日日洗, 放工6點, 要極速返屋企, 係佢未返屋企前洗左先。

    成幾廿歲人, 我成日都覺得我好似做賊咁。如果過左時間, 我寧願第朝早起身洗。

    2) 我成日係屋企佢會話我係自閉, 思想封閉, 唔出去識人。佢唔記得個陣中學我想同d同學玩, 都會俾佢剷到上天。

    3) 開開心心咁係星期六煮餐飯俾屋企人食, 就係因為星期六我仲係屋企, 都要勁鬧+好難聽既說話。我激到即刻要走落街抖氣...

    仲有好多好多...我知佢係我阿媽, 好愛我。
    不過真係好難受。

    回覆刪除
  24. 住宿是要以金錢換取的。即使父母早己把樓供完,但他們的付出不可抹殺。當有經濟能力,而又選擇跟他們同住時,錢當然便要上交一點。你也許會說,那我交了「租」,總該得到一點私人空間罷。我個人認為,這便視乎你的租金是否合乎「市場價格」了。若你認為合理租金己繳交,但居住環境仍長期不符,那也許是時候搬家了。父母我們不能選擇,但跟他們同住與否,以甚麼形式跟他們(不)相處,我們是有權選擇的。

    若不能忍受下去,跟他們說說罷。若情況沒有改善,而你也不是為照顧他們才跟他們同住的話,便自力更生好了。努力賺錢,購物少一點,租個房子,聰明如你,其實真的不難。

    過路的

    回覆刪除
  25. 明白你點解唔高興, 不過試諗下當年如果你父母唔需要養你的話, 佢地二十多年的生活無論如何都會更充裕. 所有父母都放棄了本來那些錢可以換來的享受, 去養大仔女的..

    回覆刪除
  26. i have similar problems - now i m thinking of a better solution to deal with them. but obviously elaine you are not alone...

    回覆刪除
  27. 你講既野未必人人有共鳴, 畢竟其他人冇經歷過與你一樣既過去, 不過好佩服你勇於表達..
    父母始終只有呢一對, 終其一生也許彼此都不一定會滿意對方, 雖然佢地冇問過你既意願是否願意出生O係呢個唔有錢既家庭, 但係睇在同父母曾經有過既小小快樂溫馨記憶(小時候總會有DD掛), 發洩過後就再忍讓一下啦..

    回覆刪除
  28. 我發現活在六七十年代既母親,
    都對自己既子女充滿了幻想,
    以為鄰居子女比幾多錢屋企洗,
    自己仔女將來都會一樣,
    但佢地無諗過時過境遷,
    物價,生活指數係直線上升緊。
    我地捱左成日仲要係屋企忙忙忙到兩三點,教又訓得少,
    家長們卻以為自己在忙於打機玩樂唔去訓教,又認為有錢同朋友,女朋友拍拖食飯,就無錢比屋企,唔係無比,而係比幾多都唔會覺得夠,人地個仔搵十萬一個月,比萬幾家用有乜咁出奇?我唔係十萬一個月呀嘛。

    所以呢,唔想再聽到錢呢個字,只好等阿媽訓左先番屋企,佢起身前離開工作,說多只會更多家庭慘劇,只好沉默,這是我認為最大的尊重。

    我阿媽有錢同師奶們炒股票,卻每天哭訴無錢,同我講有用嗎?我是印鈔機?
    有能力比到自然比,無既點比到更多呢?


    唉.....

    回覆刪除
  29. 搬出去住吧。

    回覆刪除
  30. 我都唔好得你幾多....計劃好一切而又落實到既話....索性搬出去住...以後淨係俾家用算數,仲要係戶口過數個隻...以後都唔想見...

    回覆刪除
  31. 搬出去住支出更大, 把这些钱剩下来给父母做家用更好啦.

    其实阿妈要你关电脑, 早点睡, 是否为你健康着想呢? 我以前做审计的时候, 经常都带东西回家做到三四点, 就算父母先睡, 也是睡不安稳, 每隔一小时就会醒来, 看到我还未睡就会催我快点睡, 当时我会觉得他们很烦, 但心底里面知道他们是为我好.

    至于你说父母期望你给予家用, 首先, 我觉得你与父母同住, 家中费用要负担一部分实在是无可口非, 而且金额不算是很大 (HK10K only). 就算你搬出去住, 自己租一间屋, 光是租金都要HK7K-HK$8K吧, 还未计管理费/电/煤/水/NOW/cable/宽频/电话 etc.

    你说小时候母亲给你很少零用钱, 只够搭车和吃两餐饭. 我不知道为什么求学时期早餐和晚餐会不在家吃而要出外吃. 我当你偶然与朋友外出吃晚饭, 那么平时多出了的一餐canteen 饭钱储起的话应该够这些开支. 这又有何不够用之处? 如果要买书或者其他必要用途, 确实需要额外金钱, 才向父母商量不行吗? 做学生应该是朴素些好, 现在的父母给于子女过多的零用钱, 他们便花在买名牌书包/捧明星, 小学初中便把头发梳到鬼五马六, 眼影烟脂涂到一塌糊涂, 晚晚出去夜夜笙歌, 难道这又对子女好?

    回覆刪除
  32. just one word: move out!

    回覆刪除
  33. 我諗你老母俾你既
    唔係只有你所講既比別人多既零用錢囉

    時間呢...關懷呢...
    細細個...幾個鐘就要飲次奶...幾個鐘要大個便...換片...呢d你有俾返你媽咪嗎??

    下下要講錢...又要比較....
    真係服左你

    回覆刪除


  34. 俺已為十幾廿年前徙置區中學畢業,馬上結婚就系為左逃出十兄弟姊妹屈系間兩百尺公屋既感人故事已經叫做【集團回憶】,乜而家今時今日仲有人咁橙,不過最唔同既系你地都大個晒啦,而且今日錢果位系你地,the table has turned

    私人空間真系好需要,伯友種種表現,其實因為佢已經無左34,28,35。仲話連香港政府都輸身家,先會有呢種頑強既不安,試下調轉你個女仙都唔仙,雖然特區政府電費有包底,仲要話15算度刪門開冷氣訓。你唔會有d因環保之命而乘機扯火呢。

    回覆刪除
  35. Sigh, that's why I move far enough so that she can't drive to my home. Now I even move to another country. She can only find me thru Skype.

    When I'm a Mom one day, I just want to be an elegant Mom carrying Chanel, teaching her Chinese, piano and baking. Her grandma can see her during Summer vacation in resort.

    回覆刪除
  36. 可唔可以唔用 La Mer 用 Olay?
    可唔可以唔去 Lane Crawford 買鞋,去Millie's 買?仲要買少兩對。
    可唔可以一個只蒲一、兩次,而唔係八次?

    咁8-10K 家用唔係太難啫。

    你媽咪供你讀書時,佢有冇話因為要用 La Mer, 去 Lane Crawford 買鞋,去老蘭蒲所以俾少啲零用你?

    回覆刪除
  37. 小瓶子:

    第一,不是每個家庭只靠一個賺錢就可養活全家呢......

    第二,香港的中學是全日制的......

    問問題前,想想忘縮手想回頭的道理......

    不明白?

    回想一下朱自清講人力車伕的故事......

    Daniel.

    回覆刪除
  38. Daniel:

    一: 当然我不知道Elaine是否有一家十口, Elaine 妈是否要求每个子女给她HK$8K-HK$10K. 如果只有两三名子女, 我觉得这要求不太过分.

    二: 香港的中學是全日制的, 这个我当然知道, 我也是读全日制中学哦. 放学帮人完补习回家吃饭. 如果有些补习时间比较晚, 就吃完饭再去咯. 做学生搭地铁半价, 就算搭巴士也是几块钱, 我不觉得这有什么问题. 如果地点不是太远, 我不觉得有什么必要要每天外出吃饭.

    我就算当你为了省时确实要在外面吃晚饭, 但如果做兼职赚钱多过那餐饭钱, 这不是已经行了吗?

    求学时期有空余时间, 去做兼职更能历练自己. 有些时下青年时间过多, 一有空就抽烟喝酒上disco界仔界女, 去深圳抽大麻索K吃白粉fing头3P4P5P, 高呼自己生活苦闷寂寞, 没有人了解自己. 做兼职总比做颓废青年强哦.

    回覆刪除
  39. 此留言已被作者移除。

    回覆刪除
  40. Daniel,

    还有, 在下中文程度一般, 不知道朱自清有讲人力車伕的故事. 但书架上倒有一本老舍的《駱駝祥子》, 不知道在下这本书与你所讲的故事是否一样?

    回覆刪除
  41. 我同意「家家有本難念的經」。我和家人以前的相處也是很差,直至和男友搬出去住,留點距離給大家,之後關係有明顯好轉。如果真的受不了,想辦法搬走吧!否則只有忍。「在人簷下過,焉能不低頭?」雖然那個人是你的媽。

    回覆刪除
  42. 小瓶子:

    既然妳講極唔明,咁我唔怕同妳講:

    如果我依家仲係20歲,我反問態度會比妳激烈十倍唔止.只是,我跟妳甚至全部讀者也不清楚Elaine與媽媽的關係如何,為何大多數人一口咬死Elaine不對?我覺得好好笑,你們可以憑不完全事實作論斷~~~~~~:O

    P.S.希望各位細細玩味我何向Elaine說初念淺,轉念深......

    Daniel.

    回覆刪除
  43. 板主
    你能夠俾到家用
    又能夠維持自己生活
    都已經算好叻
    我都係搬出黎住
    自問都未有你對屋企咁好
    (P.S. 我父母離左婚 母親係TYPICAL CONTROL FREAK)

    希望你能活得開開心心
    同屋企保持和平關係
    (其實我都未能做到)

    同勉之

    回覆刪除
  44. 上面有d朋友, 我只能用"愚孝"兩個未形容!

    父母又點? 而家咩年代? 做父母唔洗講道理? 唔通做父母真係有權扔d仔女落樓?

    據講, 香港由八十年代尾到而家, 物價升左兩倍, 請問樓上既各位, 有冇人人工加左兩倍?

    呢個時勢, 養掂自己唔洗煩人已經好本事, 你係我父母我當然會盡責任, 不過都請體諒我, 我都要生活!

    樓上的朋友:
    我發現活在六七十年代既母親,
    都對自己既子女充滿了幻想,
    <--- i totally agree!

    佢地總係覺得, 人地d仔女叻d本事d! 家用比得多d!

    我記得當年, 阿爸有個朋友個仔結婚, 帶我地去飲, 個仔娶個大陸女人, 響酒樓做點心師傅, 搵一萬蚊個月, 阿爸讚到佢不得了, 覺得佢搵好多帶出色....

    我諗阿爸都唔記得呢件事, 因為佢d仔女而家個個大學畢業, 搵多過一萬蚊...

    比上不足, 比下都有餘, 算罷啦....

    比d心機儲多個錢搬出去啦... 好在你份工唔洗成日留響企ja!

    回覆刪除
  45. 不管是誰 老馮地理所當然地開口向我要錢的話 便馬上使事情添上一陣濃濃的酸味了

    回覆刪除
  46. 小瓶子,我一向都有睇你個blog,非常認同你的價值,但此次例外.每個家庭都有自己的故事,事出必有因,孝順真係唔係必然的.唔知係咪巧合,如果你有上'人在中環'blog,請留意尾二嗰段.
    有好多父母根本唔識養育子女,對一啲'棒頭出孝子'的古訓遵從得死心塌地.我細個比成日比老母打,今日諗番一啲都唔覺自已錯.無理由因為成績唔好(考第30幾)就打(大家係香港讀書都知讀書唔成未必係自已錯),重唔係普通嗰隻打,今日諗番我對眼都有啲濕.打完重對我冷嘲熱諷,見我着長軸衫,就話我點解唔比人睇吓個打到傷痕累累的手,hurt我.因為學校比人'恰',要見家長,佢就唔比飯我食,只可睇其他家姐哥哥食.零用當然有,一個月50元全包(當時學校cateen的飯盒要$15-17元,真係記唔清楚,因為從來買唔起,我家人根本唔知米真係貴架),而且要幫屋企收租才有錢.我12-13歲就要一收到電話就要放低食緊嘅飯出去收租.讀到呢度,你可能以為係一個4-50年前故事或一個強者的自我成長歷程.錯,我只係大小瓶子幾年,而且我因為咁被養到一副貧相,充滿奴性,又怕死,最慘重因為精神創傷患咗+多年強迫症(好彩前一陣醫番好).後來我去咗美國,無家人的迫害,至發覺自己唔係地底泥,可以4年攞4個學士學位,2年半完博士學位,其間更考取cpa和美國律師執照,今日做到上市公司高層.我可以同你地講如果我喺美國時父母在我身邊,就一定沒有今日的我.雖然我刻意'洗腦',呢啲童年陰影重影響緊我,好似我食飯好快,而且只吃7分飽,因為以前成日驚無得食,食慣飽飯會唔習慣空肚,所以一向唔食到飽.一啲以為兒童要吃苦,要餓飯才知道世界唔容易的朋友請醒吓.你無能力或辦法給下一代快樂的話,請不要生兒育女,點解中國人要將吃苦當作教育的一部份.其實我以為自已慘,點知我有啲friend重慘,有時間同你share.
    總之,各有前因,你對你父母好係你嘅事,不要challenge人地.啊,唔記得講,我係我父母親生架.

    回覆刪除
  47. 好鐘意上面朋友呢幾句:

    "而且我因為咁被養到一副貧相,充滿奴性,又怕死,最慘重因為精神創傷患咗+多年強迫症(好彩前一陣醫番好).後來我去咗美國,無家人的迫害,至發覺自己唔係地底泥"

    有時父母會用自己身份去搾取下一代。
    金錢,尊嚴不在話下。當你唔叻,會 棄你。
    當你叻,又會用你係親戚朋友面前認威。
    當你搵到錢,又會問你要俾佢幾多。
    仲有鬧你打你踩你等你冇晒自尊,之後大條道理要你聽佢講。
    總之一句佢養大你,佢要你去死你就快d去啦!

    回覆刪除
  48. 我試過。試過比唔到家用,即刻好多説話聼,又或者遲左一兩日,已經追,屋企又唔係等飯開。其實我好樂意比,或者我比好多人幸運,物質上我有一個什麽都充裕既童年..除卻完整家庭。不過有時見阿媽收到多d錢會對我好d,收唔到又有說話,真係覺得好灰,點解會覺得錢先代表到我對佢既愛?

    ps. 比唔到家用既日子係我辭左份工去讀書

    回覆刪除
  49. 看見這麼多留言,覺得有點奇怪,我不知其他人是否有詳細看這篇文章,如果看清楚前文後理,elaine對自己家庭的描述也頗為清楚。


    --她並非出身中產,更不屬富家小姐。


    --她應該是天水圍長大,而天水圍也不是中產和富豪的區域,可看頁面右邊 twitter 「我真係好撚憎天水圍呢個地方,我唔要返去。屌!」,這已表白得很清楚,除非 elaine 是全套說謊,但我看上去不見得是假,因為看不到說這種謊有什麼得著。


    --她形容直至現在還沒有自己房間,但elaine 已經 28 歲,28 歲已不是小女孩,文中是說明了她的家面積很狹窄,而狹窄的程度,是公屋也好什麼都好,總之面積不大。


    --她的母親輸了股票,心情不爽,另外也向女兒要 $ 9000-$10000 家用,從 elaine 文章中的前文後理,用詞、語調、看得出她是籍網誌向父母表達不滿,而這些不滿,elaine 是處於矛盾狀態,既是老豆老母,但他們的要求,女兒又未能滿足,想拒絕但父母又冷言冷語,就像說女兒沒本事,並且這種角力是長期存在。


    --elaine 父母認為已給了女兒很多,文章所理解,潛台詞就是父母「我俾左咁多嘢妳,喂,妳而家還番啲俾我地咋喎」這樣。但文中形容零用錢不多,父母以為女兒很多錢,只是女兒兼職賺回來,但父母沒有考慮這個因素。


    --從文章看出,elaine 已和父母(尤其阿媽) 在家『攤牌』,但母親似乎不妥協,女兒進退兩難。


    前文後理,elaine 父母當然也不屬收入高的人,文中已寫了「從小看到貧賤夫妻百事哀的實況 」,相信畫公仔已畫到連 JJ 都有了。


    除非 elaine 竟然說這是想和大家來一個超級搞笑爛 gug,說是虛構的,那就根本無須回應了。

    不過 elaine 已有 網上電台節目,也出了書,也有報紙專欄,照道理也不會拿自己老豆老母來搞爛 gug,基本上她這篇文章已是抓爛了臉,是說不光彩的事。她是忍無可忍的情緒下才會寫這些家事。

    以 elaine 現時的工作,寫東西、還有其他,都市人忙碌是很常見,怎可能準時上床睡覺,做少一點,又影響事業,又怎能「支付成皮嘢家用俾阿媽」呢?


    PS : 寫東西對於不是文字出身的人來說,是會較花時間,亂寫一通,報紙也不會照單全收。


    路過,講完。

    回覆刪除
  50. 不論對錯,如果大家性格不合,勉強一齊住,也只是會令大家越鬧越僵。

    回覆刪除
  51. 我支持小瓶子的意見!

    另外 Daniel 和 cpa 講到離晒題, 還有其他幾位, 自己對號入座吧! 空姐淨係呻下咋, 你地就講自己的不幸被虐經歷, 煽風點火, 否定晒d正常既家庭核心價值。你地將來既仔女, 將來會是怎樣? 那時你又將會是怎樣?

    SR

    回覆刪除
  52. 家境窮分開兩種:

    1. 父母窮,但在能力範圍下給予子女最好的待遇,例如買不起名貴波鞋也會盡量買中中等等的給子女,並且不會有怨言,也不會冷言冷語要子女日後如何才俊報答養育之恩,子女智慧高低,父母也不會強求他朝龍穿鳳,是那種老老土土的安份守己,這類父母培養出來的子女,未必發達,但心境是愉快的,也不會轉太多牛角尖,也是安份守己開開心心的人。


    2. 父母窮,但覺得自己屈不得志,阿媽會覺得嫁錯人,老豆覺得自己其實係超人,只不過時不與我,認為社會沒給自己機會。貧賤夫妻,沒錢已是不爽,沒錢得來又認為自己其實應該富有,怨氣就會演變成牛角尖。


    有了子女,會寄望一天光晒,希望兒子日後做大醫生大律師,希望女兒日後做女才俊,就算不是才俊,最緊要有樣貌有身材,結識有錢仔,嫁個有錢人,鑽石女婿帶起一家,外父真的變富人,外母也升格十倍,由窮師奶榮登太太,女兒又成為少奶奶,美夢由此起。


    但人生際遭難測,所有事情都有前因後果,有怨氣的人,把怨恨投射在子女身上,人的性格很大程度會決定命運,自己是不會覺得性格偏差,人總會認為自己無問題,但自己認為無問題,不代表真的無問題。


    從「小瓶子」的留言,看得出「估計、可能」她家境雖不屬富有,但父母給她的照顧,心態上很平衡,不會強求太多,只是關心,所以小瓶子求學時期零用錢少,她也不會覺得自己很慘,知足常樂,人的愉快,是不能用錢換取。


    就算不談 elaine ,就以舉例說明,去連卡佛 shopping 又好、LV agnes.B又好、什麼名牌又好,晚晚勁舞 flirting Dancing又好,好像很精彩,但狂熱娛樂,某程度上是一種精神麻醉,讓腦子進入另一世界,暫時忘記麻煩的父母,忘記家裡狹小,工作壓力也拋開了,在狂熱奔放的消遣當中,令自己成為愉快的人,但要搞清楚,消遣過後,會比之前更不愉快,因為會念記著歡樂時光。


    看到有留言說 elaine 買少對鞋,「我仲慘過你」、「吃得苦中苦方為人上人」之類的人生哲學,是有道理,但人人際遇不同,如果可以吃少點苦,也是時代進步。


    現在已不是三毫子一碗雲吞麵的時代了,有些兒時捱苦長大後富起來的人,會有兩種極端心態,一是異常地寬容,物質掛帥;另一種是異常涼薄,總之見人未餓死橫屍街頭,就會說盡刻薄說話,要像清教徒那樣,吃苦是磨練,有得吃苦是福氣,向最高難度挑戰,沒半點同情。

    何解?因為這類人其實很白鴿眼,很不甘心自己曾吃的苦,希望其他人吃更多的苦,自己便相對好過點,嘴裡說刻苦,實則憎人富貴厭人窮,只不過用刻苦來美化白鴿眼罷了。


    我說過,人總不會認為自己有問題的。

    回覆刪除
  53. Elaine: 唔知講乜好...

    回覆刪除
  54. 空姐文章中的HK$8K-HK$10K这个价位勾起我的兴趣, 留了这么一大段说话.

    又, 她字里行间让我认为, 出来工作了那么久, 她是从来没有给予父母固定家用的, 不知道我是否误会了.

    我不知道空姐的人工, 不过观乎她平时衣服鞋袜化妆clubbing的 living standard, 应该人工不俗, 而且她的男朋友(们)绝对不会要她AA制, 即是许多驶费是不用她付的. 所以对于HK$8K-HK$10K 都牙痛甘声, 觉得有点惊讶. 如果HK$8K - HK$10K 是她总收入的一半以上, 那么我承认这可能是有点吃不消.

    当然如果她现在已经是减薪甚至放假无粮出的话, 是可以与母亲商量, 着量给予少点家用.

    空姐的这篇文章, 我相信是一时生活压力大, 又不好向父母倾诉, 所以才在BLOG宣泄, 我承认家家有本难念的经, 我的批评有可能是太过主观了.

    关于小时候零用钱的问题, 我觉得我的看法没错. 当然每人的财富及生活水平不一样. 拿着夠乘搭巴士來回學校與家及canteen兩餐, 当然不能比李嘉诚/四叔的儿子孙子富裕. 既然这里牵涉到一些比较性问题, 自然会有些BLOGGER写出自己的惨况, 大家都是在BLOG中吐吐苦水而已, 不是说谁比谁惨, 所以不够惨的人要闭嘴.

    回覆刪除
  55. 沒錯,天下間並非所有父母都會對子女無施奉獻的,人...其實都是自私的,即使對自己的子女亦如是!

    真可悲!

    回覆刪除
  56. 我都係天水圍大....

    天水圍大又點?

    你老豆老母經濟許可...你估佢唔想搬出去住?

    我搬出去之前...都係無自己房,...咁一個27歲既男仔..無自己房又點?唔通屋企有房剩...寧願俾狗住都唔俾你住?

    搬出去無問題.....但係唔使下下要攪到問候自己老母咁囉

    回覆刪除
  57. 父母對子女好是責任, 不是投資, 問回報本來就有問題。

    人點對我我點對人。正常。唔係個個都係大師可以以德報怨的。

    我係路過茄呢啡

    回覆刪除
  58. 不知道呢~~

    看到你這篇日記....有些人可能會不明白

    但我完全了解....因為遇到的都是這樣

    只有遇過這些的,才會有同感

    就好像我邊上學,邊兼職

    但其實兼職後,我完全沒有跟她討過零用錢,所有自己開支自己負責

    其實兼職薪水,根本大家都知道,所有薪水都已經花在我平常上學(車資,吃飯,電話費,生活用品等等)

    她還是會罵我不給她家用,完全沒付出過,倒轉罵我花她的錢

    坦白講,完全是難受

    回覆刪除
  59. Elaine, 很明白你的感受.

    有家用收的父母, 不論多少, 應感恩子女還懂得對他們好, 要知足, 要感恩, 看多少在街上拾紙皮的老人家無依無靠. 把女兒當搖錢樹,在女兒結婚時,苛索禮金的父母最無良.

    我從小收政府資助讀書, 又在父母開的鋪工作, 更要幫人補習爭零用錢,過著只有痛苦回憶的童年,出來工作後,自己搬出來,沒計較童年時失去的,每月一半人工供養父母, 還幫他們供養我的弟妹,我沒對他們半點不起,這麼多年來,沒1百萬也有50萬了. 我媽也說他們養我的錢幾萬也沒有.

    我結婚了,我父不替我高興已算了, 更在婚禮後半夜三更打電話給老爺奶奶索錢,之後更打電話給我朋友及其他人說我不孝, 把我本是美好的婚姻蒙上洗不去的極大污點.

    我錯了什麼? 錯在當初沒一走了之,把辛苦爭來的錢給了你. 真後悔!!!

    養兒不是用來防老的,生了便要負責任養,求回報的就不要生,去投資股市好了,人不是投資工具,養不了就不要生,不要害下一代.

    回覆刪除
  60. To 小瓶子

    相信你都有睇Elivis 的怒插港女, 其中有一篇是說 ‘內外之分 的’
    http://strikingkonggirls.blogspot.com/2007/07/blog-post_25.html

    ‘外’ 可能一眼睇哂 愛用名牌/ 不給家用
    那是否全世界愛用名牌的都是Elvis口中的港女呢?
    那是否全世界不給家用的都是忤逆仔/女呢?

    ‘內’ 就是外人無法窺視的隱衷
    我本人極愛用名牌 無牌不歡 但我只用自己賺的$買 男友要是送我貴重禮物 我會送回同等貴重禮物給他
    那我是否港女呢?

    只憑‘外’面表象就認定是空姐的錯 imply她該用shopping的錢給家用 我覺得好好笑

    好!基於中國傳統禮教道義 百行以孝為先 為免擔上不孝之名 我提倡請Elaine以后用shopping的錢給家用

    仲有 基於中國傳統禮教道義 四海之內皆兄弟也 為免擔上見死不救之名 我提倡全世界以后用shopping的錢捐給第三世界飢餓兒童

    有冇人覺得好好笑?

    回覆刪除
  61. 如果有子女說: 是你生我出來的所以你老馮要養我架啦
    大家會覺得生舊叉燒好過生佢

    但如果有父母說: 是我養大你的所以你老馮要養番我架啦
    大家會覺得父母100%有理嗎?

    人與人之間的關係 即使親如父母子女 也不是理所當然的 任何事情 一旦老馮起來 就變得很丑陋了

    回覆刪除
  62. ELAINE的立場如何, 我們沒法理解. 這註定是不公平的POST, 除非叫ELAINE母親也湊一腳在這裡講講自己的苦處, 不然說再多也是沒意思


    但以下是個人的小小見解

    如果要拿最極端的例子來比較, 那麼, ELAINE小姐, 你一點也不慘也不幸福. 所以在這裡拿你的家底比高比低以斷定你生活艱難的程度並不對.我認為撇開這些, "取捨"才是問題的精結所在.上面一位匿名朋友道出了精警的一句 "可唔可以唔用 La Mer 用 Olay?", 不錯, ELAINE小姐, 今天你的人工, 減掉了糊口, 已足夠你買La Mer了,如果可以有比較便宜的選擇,會否考慮省下這些錢去給予雙親更好的生活? 也許現在你的父母親尚未正式退休,尚未到達山窮水盡的地步, 你固然認為花這些錢比交家用更加重要吧.

    我不知道你雙親待你怎樣, 但如果委屈自己一點就能滿足老人家, 何樂而不為呢? 在你年紀小不懂事的時候, 父母何況不是犠牲金錢,時間,空間來成全今天會行會走會賺錢的你?

    回到最根本, 這只是你覺得哪樣比較重要的問題. 拿出你心中的天秤想想.

    以下的事可以說是非常無關痛癢,但如果你肯聽,我即管就說.

    總有一天,很大機會,你的雙親會比你先走,到時候你想要的自由可多的是, 怕只怕, 在那個時刻, 你才領會受到約束原來也是被愛的一種.

    回覆刪除
  63. 討論到大年初一.....

    我諗呢,如果香港市民把這種『討論空姐 elaine 童年回顧及其親恩關系之前瞻』的熱情,來討論香港社會事,相信香港真係會勁過美國.....仲可能已經超越左添。

    回覆刪除
  64. > 討論到大年初一.....
    >
    > 我諗呢,如果香港市民把這種『討論空姐 elaine 童年回顧及其親恩關系之前瞻』的熱情,來討論香港社會事,
    > 相信香港真係會勁過美國.....仲可能已經超越左添。

    咪天真,香港各大討論區的時事討論版不知激烈過呢度幾多。 咁宜家香港在那一方面超越左美國?!

    e.g. 香港討論區 » 時事及經濟 » 香港及世界新聞討論

    回覆刪除
  65. 呢小瓶子真係好鬼多事丫!
    一家唔知一家事,
    人地都係發洩下o者,
    加上你又唔知人地一向點同父母相處,
    就發表咁多偉論,
    又話自己比幾多家用..
    係啦,知你比好多啦.."覺得比一萬幾千絕對唔過份"啦..
    又話咩人地"男朋友們"..唔該你啦..

    回覆刪除
  66. 呢個POST既正反意見各人故事足以俾E喺第二本書寫好幾個CHAPTER

    回覆刪除
  67. 同意nicole。
    既然知道elaine 「一时生活压力大, 又不好向父母倾诉, 所以才在BLOG宣泄」,何解又challenge人地呢?點解要咁睇唔開呢?
    果個人係咪一向都唔妥elaine借d綺黎宣洩呀?hahaha

    回覆刪除
  68. 很少來這裡,但覺如果仍是活得不開心,搬出去才會是出路(不論多辛苦)

    回覆刪除
  69. 為何這裡會有那麼多人在說教,不是在討論?他們不止在說E姐對與不對,還在否定其他參與討論的人的價值觀呢?為何他們會如此執著的認為自己的看法是絕對正確呢?

    家家有本難諗的經,呻下,聽下,討論著,分享著,訴訴苦,自有其樂趣。但那種容不下其他觀點的說教,用各種不關事的言詞,如「你心態上太年輕」、「呢個乜乜好鬼多事」、「誰誰離晒題」,讓人感到很悶。

    回覆刪除
  70. Nicole,

    我是多事了, 但你不也在此发言吗?

    如果有看我之前的文章, 应该知道所谓的一万几千, 是相对Elaine 买衫裤鞋袜的支出, 而不是对比我自己给予多少家用而定的.

    否则, 某富豪给予父母每月一千万家用, 那我只给数千, 我岂不是很不孝?

    至于你说文中提到的"男朋友(们)", 我想连 Elaine 都不会反驳的. 她从十几岁到现在二十尾, 难道没有拍过超过一次拖吗? 或者我要用英语 ex-bf (s) & bf 表达, 才可让人明白.

    回覆刪除
  71. elaine我撐你!
    我勁明白!\_/

    回覆刪除
  72. 中餅集中營

    回覆刪除
  73. 照elaine你所描述
    我覺得就算 你俾9k-10k你父母
    佢地都唔會特別感激你
    只會開左先例
    令佢地覺得自己"真你掂左"
    愈要求愈多

    所以我撐你
    希望你能夠同父母保持關係
    但千拆唔好"做慣規矩"
    係難既 係長久作戰 但冇辦法

    回覆刪除
  74. 新年快樂,祝你心想事成,身體健康。

    回覆刪除
  75. 樓上講: "如果HK$8K - HK$10K 是她总收入的一半以上, 那么我承认这可能是有点吃不消."

    我睇到呢度我忍唔住咁爆左句粗. sorry.
    我都係空姐, 同elaine 同一間公司.

    我可以好坦白咁講, HK$8K - HK$10K 唔係我總收入一半. 係我全部.你唔信?! 留個e-mail 我send 我張payslip 比你睇好唔好?! 除非每個月送條命比公司, 就會有13k. 再好d, 公司比d 美加歐洲機你, 果個月先再多幾千蚊. 但係邊有咁好彩個個月有筍機比你?!

    公司唔係有allowence 架咩?! 係. 咁我去到外地係唔係唔洗食飯先?! 如果係, 我又剩多幾千蚊囉.

    再講, 點解唔用olay 要用貴野? or 要去名店買鞋唔著mk 貨?
    如果elaine姿色平平用左都唔叫靚果type, 我會叫佢慳埋呢一千幾百用黎養老.
    可惜, elaine 唔係呢隻平庸type.
    正如你有架ben 跑你都唔會是是但但拎去街邊車房整掛?!

    好喇, 又提到, elaine 飲少次champagne 去少次lkf 都係返度啦.
    嗯. 你地又知唔知拎張staff card 出黎揚一揚就有free entry?! 就算果間club 唔free比佢, 我相信身邊男伴都free 比佢囉.
    同道理, champagne 一樣.
    男伴問: elaine, 我請你飲champagne 啦.
    elaine: um... 不如我唔飲你比返杯champagne 錢我啦, 我要比10k 加用呀媽呀.

    哈哈.

    我唔係下下幫住佢. 只不過我地係同一類人.
    不過, 好在, 我呀媽好明白事理, 而佢都好agree 我呢個諗法.


    同事

    回覆刪除
  76. >>>既然知道elaine 「一时生活压力大, 又不好向父母倾诉, 所以才在BLOG宣泄」,何解又challenge人地呢?點解要咁睇唔開呢?

    这句不是 challenge Elaine, 是讲给那些叫 Elaine 搬出去, 只用户口过数, 连父母也不需再见的人.


    >>> "如果HK$8K-HK$10K 是她总收入的一半以上, 那么我承认这可能是有点吃不消."

    我睇到呢度我忍唔住咁爆左句粗. sorry.
    我都係空姐, 同elaine 同一間公司.


    大家职业不同, 我不知道 Elaine 的总收入是多少.

    我怎样去估计她的收入呢? 正如上文解释, 买二三千蚊一对鞋, 连衣裙多到一季不需要重复, 一瓶La Mer 千几二千蚊. 这一切一切, 给予我一个印象是她收入不低.

    既然你在此代 Elaine 作出澄清, 好了, 那么我的那句 "如果HK$8K-HK$10K 是她总收入的一半以上, 那么我承认这可能是有点吃不消." 又有何错之有? 原来 HK$8K-HK$10K 是整份人工, 那么自然是吃不消了.

    另, 月入如果只有HK$8K-HK$10K, 而又可以买那么多昂贵的消费品, 我也很有兴趣知道这 cash management 的方法.

    >>>可惜, elaine 唔係呢隻平庸type.
    正如你有架ben 跑你都唔會是是但但拎去街邊車房整掛?!

    如果以此逻辑, 大陆工厂女工都不乏有姿色之人. 她们一个月只有一千几百的工资又怎办呢?

    回覆刪除
  77. After reading through all the comments, I gotta say 8K-10K is a pretty heavy burden, irregardless of income level. Why? Cuz how can people butt into someone's life, helping others to decide their budgets and needs? Just because they are parents? What if it's the kids who asks for money after they turn 21?

    What if the dad lost most of his money on another woman and gambling, the mom made stupid decisions and got cheated on money or losing money in stock market? Would you still think the kids should bear living costs going forward when the parents retire? Why do kids need to bear someone's else mistakes? Of course, I believe there are people who will tell a person to subsidize a dad's need for gambling and women.

    Remember, it's a very personal decision on how to deal with family affairs.

    回覆刪除
  78. 樓上的elaine同事,

    我咁問純粹出於八卦,唔係質疑你所指出做空姐得10k呢個事實。

    我一直都知道做空姐只有大約$10k,但我老媽子不止一次同我講話佢朋友女兒做空姐有$7-80k一個月,最少嗰個月都有$4-50k(暗示:叫我轉行做空姐,我向佢解釋其實做空姐得$10k又不相信我),佢朋友女兒唔係college grad,只有二十多歲亦無可能係高級,令我十分費解囉...究竟乜嘢情況下做空姐會有$70k咁多?

    謝解答

    回覆刪除
  79. >正如你有架你都唔會是是但但拎去街邊車房整掛?!

    sorry,我之前揸開ben 跑,保養期未過一樣攞去街邊嘅相熟車房整!仁孚食水太深啦!


    Elaine新年快樂!

    回覆刪除
  80. >>> After reading through all the comments, I gotta say 8K-10K is a pretty heavy burden, irregardless of income level.

    I cannot agree with your argument. If a man whose monthly income is HK$100 million, will HK$8K – HK$10K “a pretty heavy burden”?

    Therefore, whether HK$8K – HK$10K is a heavy burden to somebody, it must be related to his income level and his wealth.

    回覆刪除
  81. 嘻嘻...女人好多辦法搵銀.做得空姐樣貌吾會差成日接觸咁多客人,果位elaine成日話自己多人追,應該D男人係想同佢睡一下就話人追佢吾怪得佢成日情傷又發呀娘皮氣....吾係空姐點會比人叫飛雞.$7-80k?訓係床度一定有啦!各位未係度晒心機時間.人地出左書係度擺個'非理性'話等你地討論增加人氣乍...呢個blog主幾時會重視你地D留言者鐘意就覆就好似佢出書個post留言就必覆,你們被利用了.果D空姐同事全部係媒!!!
    Lc

    回覆刪除
  82. 同意香港父母鬧子女可以毫不留情,仇人咁鬧
    我都系搬左出來幾年,經濟獨立,先感受到父母的愛
    同父母講錢真系幾傷感情

    我媽咪前日終于開口confirm我以后要俾幾多家用(我仲系學生,靠兼職養活自己)
    當然唔系話唔俾啦,不過都幾大壓力
    好怕連自己都養唔掂

    回覆刪除
  83. 曾經有過同樣的感受,我一邊看一邊默默在點頭。如今覺得生命只需要精彩,不在乎長短,努力加油!

    共勉之。

    回覆刪除
  84. 回Lc,如果真係同人上床,我深信唔會得$7-80k咁少,直情可以退休啦!

    回覆刪除
  85. 小瓶子,

    很少留言,但是看到你所有的留言后,觉得你有点“为了争论而争论”,你已明知elaine只是诉苦,她工资不高,还在这里针字逐句地拈住不放,作风类似内地的“天涯论坛”,乃至于连带着你其他的言论也变得让人反感。

    得饶人处且饶人,这才是做人的基本道理,孝或不孝,不是你一家之言。

    Yvonne

    回覆刪除
  86. 樓上的Lc,如果是一個男人,我會覺得他大概曾經在空姐身上有過不愉快的經驗。空姐樣貌唔會差並不代表一切,可知道空姐付出的,是換來五癆七傷、周身骨痛的身體,還要每天勞役你們這堆以為空姐生活很悠閒的人。如果你要付$7-8K來找空姐陪一晚,我相信你的條件好極有限。

    另外,你也在貶低妓女的行業,女人出賣自己身體賺錢過活並不羞恥,最少她們賺回來的錢有血有汗,如果沒有這群雞虫男人,妓女也不會有市場,亦不會造就這個行業的發展。這是個「有雞先定有蛋先」的問題。

    如果你是女人,我會覺得你是食飽飯等屎痾的膚淺女人。如果無聊,建議可以進修一下又或做些義工打發時間。

    關於回覆留言一節,我曾經都有相似的想法。但想深一層,這個世界,誰不現實?

    另外,用匿名去批評人,並不是君子的行為。<完>

    回覆刪除
  87. In reply to: "I cannot agree with your argument. If a man whose monthly income is HK$100 million, will HK$8K – HK$10K “a pretty heavy burden”?"

    If 100mil HKD is indeed the case, may I know if one's parents are chronic gamblers, illegal drug users and/or frequent prostitute visitors when they were young, would you still think the kid *should* give 8K-10K to the parents after they used up all their money, just because the kids are making 100mil now?

    When I said "heavy burden", it's not just about how a person measures money, i.e. what's cheap vs. expensive or who's rich and who is not, in some people's eyes, giving $1 to such parents might simply mean too much because they themselves cannot tolerate such behaviors.

    All I wanna say is, some kids might choose to support their parents financially in any circumstances, while others might have their own reasons and principles not to do it at all, even if they are super-rich. It's really their personal choice and I believe no one can use their own value systems to judge other people.

    回覆刪除
  88. 玲,

    唔睇內容,伯友隨時 hit 過你,佢有無寫開 blog

    回覆刪除
  89. 睇完對妳有負面睇法既留言,我覺得佢地好刻意將自己既快樂建築在別人的痛苦上,原因是,他們的內心深處是空的,沒有了愛,不懂得關心別人,失去了對別人應有的尊重。

    將來,他們同樣都會和妳父母做相同既事。

    好體會到一個小女孩,自小失去父母的愛和關心。那上不同情人的,真係好似被耶穌所咀咒的祭師、文士和法利賽人一樣的行為。

    回覆刪除
  90. 君子絕交不出恶言.該考慮一下得饒人處且饒人,為自己積点口德,也為父母留–点面子.

    回覆刪除
  91. 嘩!這個Lc真的很過份, 其實點解要侮辱他人或他人職業呢?? 唔一定空姐會做雞, 做0L也會, 無業的也會....到你走投無路可能你也會, 新一年了...請檢討一下你個人的修養...btw,我也是空姐, 還未需要, 亦無打算做雞....祝你真的會進步!!

    回覆刪除
  92. elaine,
    講家事其實好難插咀,但我相信你可以和家人相處得更好的。
    祝你牛年快樂家庭和諧!同埋揾多d啦。

    回覆刪除
  93. Chris,

    咁耐都仲未講完~~~~~~!?:O

    還有,請SR留意我所講的說話及真正瞭解意思(搞錯作者固然是我的問題)才判斷是否離題,好嗎~~~~~~?:)

    Daniel.

    回覆刪除
  94. 人地既家事,有邊個可以加意見?
    細個貧窮連將會考書影印既錢都無既感覺我仲記得好清楚。我阿媽最大既心願係兩個女可以中五快d出身佢地就可以退休,點解上一代俾我地既唔係支持同關懷,而係回報既渴望?

    Elaine都係住返銅鑼灣啦,俾我寧願搭遠d車都唔想聽到一句令自己唔開心既說話。聽得多自己個價值觀都有問題,同埋,最唔好係影響你第時既家庭生活。

    共勉之

    回覆刪除
  95. 既然elaine未有能力滿足佢父母的要求。
    我反而有興趣知,佢地會唔會唔叫elaine返去過年?
    (p.s. 我認識有朋友搬左出去,同父母比較疏離。新年佢父母叫埋d親戚唔使搵佢。)

    回覆刪除
  96. 所謂相見好同住難,既然相處辛苦最好搬出嚟,勉強確係無幸福,無需再睇吓就唔就到大家,以免大家再痛苦下去,見少D大家反而重客氣D,至於家用唯有比少D,現實係咁冇辦法.

    回覆刪除
  97. 好多留言都係勸作者要忍受,點解哩?原來自己都曾經係咁! 唔一齊住係唔係大逆不道哩? 係咪要政治正確先可以寫出來哩?

    回覆刪除
  98. Elaine ........ I support U ..

    all ppl want to born in a rich family, like Uncle 4, or expect their daughther marry in a " Uncle 4 family........

    but .... the real world is " lucky is not a rule followed to U ar!!!"

    回覆刪除
  99. maybe it's time to move out?!

    im 23 years old and i live alone in my own apartment - no, im not just being lucky to own a flat at a relatively young age; there're sacrifices i hv to make too (mainly on the financial side).

    nothing is impossible. there're always an alternative choice. at least one.

    maybe it's time for u to make some fundamantal changes in your life. unless u just enjoy complaining for the sake of it and you don't actually feel bad about what u have been complaining, otherwise, make some changes. YOU CAN DO MUCH BETTER THAN THAT. it takes time to reach the other side. any journey start with a single thought.

    think about it.

    huggles, virginia
    (far from being wealthy/ living alone in her own place at the age of 23)

    回覆刪除
  100. i think i m one of the luckiest. my mom still unconditionally give all she has for me. she'd come and cook/clean up my place. tried not to call me to too often knowing that i'd get annoyed. she even mentioned that when she gets old she'd move into a nursing home so she wouldnt bother either my sister or me.

    回覆刪除
  101. 聽你咁講,我覺得自己的媽媽非常好,起碼她不為錢與自己的子女過唔去...

    回覆刪除
  102. ayi,,,elaine,,, dum so angry with your parents. i think they are lack of security, so being money-minded. you should give more room to each others. and try to use your heart to take care them (except of moneny !!)

    your job is quite gd, and let you visit different places in the world. unnn,,, take the time coz your crew life is limited...

    nice to meet you here,,,especially like you profile sharing,, :D

    回覆刪除
  103. 我们有一样的妈妈,也有一样的经历;
    我到现在25岁,还天天和她为钱吵架,我都不知道点解会这样......

    回覆刪除
  104. 朋友...

    對眼左右"斜視"(即係.... 睇開d....)吧~~ :D

    其實, 某情度上我跟你有相似既情況...
    不過, 屋企叫我早d 訓既有三個... 威力三倍倍增版...

    同亞哥同房..
    有房 = 冇房...
    房裡面所有野都唔受我control..

    我既家人係鐘意玩"角色扮演"遊戲.....
    即係明明冇o個個心...但係又係外人面做d 野出黎扮關心你...

    真係...
    唉~~

    anyway, 加油加油!~~
    共勉啦~~

    ps. 睇到你個三句: "不可開電視、不可發出任何聲音、不可開燈的晚上"...深同感受...

    ps2. 最後又反過來說...
    "樹欲靜而風不止,子欲養而親不在"..
    可以的話, 找過好的時機, 好的情況下, 好好的溝通吧...
    可能, 事情會有一線轉機既~~

    回覆刪除
  105. 1. 老人和氣弱的人都怕街風. 所以不開三邊窗是正常的. 其實很多人都有不能直接吹街風的問題. 尤其是在天水圍這種地方. 開得窗多會對身體不好

    2.公屋沒有私隱. 所以私人樓才賣得出.

    3. 直接俾payslip佢睇. 然後話俾佢聽. 你個女的皮肉生涯賺唔到錢 唔慳d使, 真係要同老人家搶執紙皮.

    4. btw. 而家香港執汽水罐紙皮已經係賺唔到錢o架啦.

    回覆刪除
  106. I just added your website on my blogroll. I may come back later on to check out updates. Excellent information!

    回覆刪除
  107. Good to know I am not alone. I just gave my mom CAD$10K in August 2013, and she told me she would run out of money in January 2014. Thank God I have a good husband ... For those who never got a loving parent, we should set up a website and get ourselves adopted. So many lonely senior without kids... I am sure one of them would love me... And I would love her back... My late mother in-law loved and cared for me more than my own mom... I am lovable, just not by my own mom... Five years ago, I took her to a 5 star cruise, with business class return tickets and she complained all the way from the beginning... I will never be good enough for her... If you want to drive a car, you need to take a driving exam, because it may cause lives on the road... But anyone can be a mother... There are many mothers don't have a single clue how to love their children... The toughness of lives has taken their love away long time ago... Just take it easy and learn to love yourself... I agree sometimes you have to bit the bullet, to leave home and to make a life of your own...

    回覆刪除