星期二, 9月 11, 2007

星期六晚的Volar

音樂不俗但人悶。不能也不想喝酒。查牌打架生事很掃興。打了八個以上的呵欠。喝了兩杯水。

還有事後的這段對話 ──

E:「我想話囉... ... 果晚你同我去買drink,XX話危險跟住我地出黎呢... ...記唔記得?」
W:「做乜?」
E:「原來我地一行開,有人即時行過佢隔離含情脈脈望住佢囉。」
W:「我fd個fd?」
E:「係。」
W:「無撚野呀嘛?」
E:「唔好俾我再見到佢呀,我踩爆佢隻腳呀。」
W:「算啦,果條女係仔都姣我估,應該唔會再見到。」
E:「我唔mind人有自信走去flirt XX,不過佢應該叫bouncer借個電筒照下自己個樣先囉。」

10 則留言:

  1. 就係唔靚果0的先要出力姣人地嘛。真係靚果0的, 駛乜自己咁花氣力做呢種事?

    回覆刪除
  2. 遊樂場嘛你都識講, 男人女人都係公共的。

    回覆刪除
  3. Sawlee,

    睇完幻想下個場景系:

    1) 深圳某D Bar;
    2) 大富豪(如果未執,好耐無去。)
    3) Anglelita 上次生日個 Ball..

    回覆刪除
  4. 我仲未去過volar..
    果度ok嘛??

    回覆刪除
  5. 係囉係囉, 你最靚 m(_ _)m

    回覆刪除
  6. 認同唔靚先要主動~

    回覆刪除
  7. 不知所謂的人要去到星期六才有機會落volar 的

    不要為無謂人動氣

    回覆刪除
  8. 本人唔係想洗板,由於打錯o左字,所以先留多次comment。以下係edited version:

    唔好意思,本人係路過o既,睇到閣下呢篇日記,真係有好多感想,不吐不快。

    首先,本人同閣下素未謀面,並唔知閣下o既樣係點,可能閣下係美若天仙喇。但係,本人對於閣下o既言論並不敢苟同。就算閣下係美若天仙,亦並不代表可以隨意公然踐踏他人,本人覺得作出呢種行為o既人,都應該唔見得幾有修養。而且,靚唔唔靚,係冇一個特定o既標準同定義,你覺得人地好醜,人地對你o既睇法可能亦都係咁,呢d o野係各花入各眼o既。Ok,even我當佢係公認o既豬扒,so what? 佢都有佢結識異性o既權利。而家係咪醜樣就唔可以識男仔、拍拖?如果係咁,d所謂o既豬扒豈不是應該淨係一日柄埋o係屋企兼儲定錢買姑婆屋?況且,請問人地有咩得罪閣下大小姐?o個度係公共o既娛樂場所,人人都去得o既,如果閣下真係唔想o係消遣o既時候見到d醜人既,大可以每次都包場,只准閣下睇得順眼之各界人士入場,閣下之明眸定必不會再次受到污染,亦免於再次令閣下動氣得要踩爆人地隻腳。

    人無千日好,花無百日紅。就算個樣幾靚都好,都係唔會keep到成世o既。就閣下提到「唔mind人有自信去filrt XX,不過佢應該叫bouncer借個電筒照下自己個樣先囉。」,我想講,自信,係人人都應該有o既,樣唔靚都可以好有自信。自信係可以靠好多方面o既o野去建立番o黎,而唔係單單靠外貌o既。

    同埋,我想講,做人都係謙遜d好,有時講o野唔駛去到咁盡o既,將批評人o既時間用o黎改善自己仲o黎得實際。中國有句名言:「嚴以律己,寬以待人」,人係應該秉承住呢種精神o既,本人都努力學緊。

    本人平時並唔會o係陌生人o既blog度留comment,不過今次真係有好深o既感受,一定要抒發出o黎。講o左好多可能唔係咁好聽o既說話,o係呢度我要向blog主同埋佢o既支持者講聲唔好意思,以上全屬本人之愚見,有咩唔o岩聽o既,得罪晒。

    回覆刪除
  9. 匿名 人 that is her bf, so it is reasonable that she got upset.

    回覆刪除
  10. 匿名:

    從來不覺得需要在自己BLOG內堅守社會道德標準法則,正如看港姐選舉,我也恣意批評。

    喜歡便看,不喜歡便走,網絡世界就是如此簡單。

    你有你生活態度,別以為人家要跟你一樣,道德是什麼? 怎樣做才是正確? 根本沒有絕對的對與錯,何需強求別人跟自己的一套生活方式?


    回覆刪除