星期六, 3月 17, 2007

情婦格

讀女校的我,人緣不過不失。

到了現在,還是跟中學友人們差不多天天通電,月月聚首。

第一次意識到自己乞女人憎,大概是預科時代的事。

喏... 你要知道,中學時代,很多女學生都會將那些甚麼補習名師當成白馬王子。

而當她們看到白馬王子記得某女生的名字,會請巧克力給她吃,送上各式小玩意手信甚至是LV,她們的怨毒眼光,讓我懷疑自己死十次都不夠。

第二次意識到自己乞女人憎,肯定是由這個blog開始。

每天收到的comment,出現得最多的字眼是 "淫蕩" 及 "slut"。

實在覺得奇怪,作為一個每天在這裡唉聲嘆息,埋怨自己長相平凡身形有點胖又沒男友更沒有帶男人回家作嗜好的人,為甚麼被冠上這些字眼?

我甚至白痴得問身邊的男性朋友:「我係咪好淫蕩呀?」

"淫蕩" 及 "slut"是需要本錢的,像我這樣的滯銷的一件陳年貨色,本錢只有一個幾毫。

為甚麼我會突然想說說這個題目?因為我的clubbing partner的一句話。

Ladies' night,去Hei Hei之前,我坐在餐廳內,正跟一碗越南春卷撈檬搏鬥。

我的clubbing partner,彈出一句:「你個樣真係幾情婦格。」

主耶穌基督~~~ 到底我是對春卷撈檬、蒸粉卷還是那杯海底椰冰放生電?

如果情婦格等於會做情婦,我總不至於灰暗得要研究有甚麼可以變賣來度過兩個月standby吧。

最令人憤慨的,是clubbing partner開口中。

結果,那夜我成了一個有妻有兒中年律師的獵物。

35 則留言:

  1. 哈哈哈 (再 x 100)!

    (似乎又唔應該笑喎, 忍忍先...)

    呢篇短文充滿自嘲, 非常「抵死」, 我好鍾意!!

    回覆刪除
  2. 至少...你並唔乞我憎...
    我簡直當左你係我偶像....
    我喜歡你的一字一句...

    回覆刪除
  3. 忍不住要留言呢~

    不招人妒是庸才,只能自己看開一點,問心無愧就是了。

    祝幸福~!

    回覆刪除
  4. your clubbing partner might have been looking at you with those 怨毒眼光 while you are not aware.

    回覆刪除
  5. 小姐,點解您個blog e家無左個首音樂ge?我好想聽呀!不如您加番落去ar!^_^

    回覆刪除
  6. 除左你一邊數勻你鍾意乜名牌(無名牌不歡乎?), 一邊呻唔夠錢外, 我都幾鍾意睇你寫野 :p

    回覆刪除
  7. 第一次留言:-)
    她們也許出於妒忌,,不要太在乎..
    很喜歡你的blog,喜歡你勇於表達心底話..
    努力為自己活~good luck mate!

    回覆刪除
  8. 其實你唔係黑人憎,而係大家睇唔慣你自暴自棄和態度。

    回覆刪除
  9. ex-CPA mate here, deeply understand the shift (SHIT) duty life. And now doing another shift (SHIT) work. Doing more exercise, more sunshine, will make you more optimistic !

    回覆刪除
  10. After reading your entry, I go to google to search what is the definition of 情婦格.

    標準的情婦格 - 人長得不錯,但是不能食苦也不願意食苦,賺來的工資全拿出買些有的沒的化妝品、衣服,目的都在取悅男性.

    Maybe it is not 100% correct, but still pretty close to how general view what a 情婦 is like.

    回覆刪除
  11. eh, Could that be the way you ate the spring roll?
    --------------------------
    Of all people, you should know there are only two types of men, married and unmarried, so don't feel bad (if you do) you happen to attract married men.

    Like your posts.

    回覆刪除
  12. 玲,

    【那夜我成了一個有妻有兒中年律師的獵物】...就好似話所有有錢人都有情婦...所有男人都收埋幾本咸書...所有會計師抄股都好叻.....所有醫生都唔會生痔瘡...

    回覆刪除
  13. >>小姐,點解您個blog e家無左個首音樂ge?我好想聽呀!不如您加番落去ar!^_^

    玩野呀...

    但係,你講過既野,我記得架﹗你係咪嫁人喇?﹗

    回覆刪除
  14. david sleeper4:20 下午

    這幾天從blog中看到,你的自我印象好像比以前低了,雖然自嘲是需要勇氣,但也感到好像失了點點過去曾有過的自信。
    我不敢說怎樣支持你,因為我們只是陌生人,但有時總想你可以活出個自己出來。

    回覆刪除
  15. 惡言相向,多半出於妒忌。真的。

    回覆刪除
  16. 「Deep V是我的日常打扮。」

    o甘索!難怪啊!

    心口冇幾磅肥膏,真係丫豬丫狗都點deep得起咩!

    廠佬

    回覆刪除
  17. 男孩子11:31 下午

    呢單新嘢喎, 無聽你講嘅?

    回覆刪除
  18. 我都不知幾鐘意咁靜靜地可以更投入去理解你既文字,所以我又點捨得教你整返個音樂呢... ;p

    回覆刪除
  19. 如果你係差,就唔會有人送巧克力,小玩意,甚至LV。

    而且,能被人稱為情婦格的人,本身都要有番咁上下質素。

    即使,被人貶為淫婦,換個角度睇,都係說明能吸引到男人。

    綜合以上觀點,你係優質的女人,有升值潛力。

    但你好似唔係咁開心,無乜自我感覺幸福。

    其實,你覺得自己少左乜野?

    小小FANS

    回覆刪除
  20. 呢度係咪玩緊港版電車男?
    一群網上聯繫起來的人去鼓勵一個可能認識又可能陌生的人。

    回覆刪除
  21. 我想
    如果你想認識一個可照顧你下半生的人
    那麼在pub 結識的都不會是好人選耶
    那些會clubbing 的男生大概也只抱住「好玩」的心態來結識女伴
    不是嗎

    回覆刪除
  22. 通常尤物都招人妒忌...
    可能是得天獨厚的關係...
    難怪...

    回覆刪除
  23. 見你個blog,你總係有意無意咁話畀人聽,你話唔緊果啲嘢其實就最緊。我諗大家都明嘅。唔知你係唔係真係你寫得咁"pair",係唔係都好,其實都差唔多架喇!你睇,幾多人關心你。唔好搞到自己咁喇,分分鐘再咁落去,連今日支持緊你嘅人最後都會無奈咁行開架喇。你得嘅。

    可能唔係好啱聽,但係我係用個心講。希望你feel 到。其實我而家都係一個傷心人!互勉喇!:)

    回覆刪除
  24. 係咪情婦格,不需理啦。自己唔做咪得。

    回覆刪除
  25. 係咪情婦格,不需理會,自己唔係就得啦。

    回覆刪除
  26. 麻甩佬2:22 下午

    關於 {"淫蕩" 及 "slut"是需要本錢的} 這句,我有點不同的睇法。 "淫蕩" 及 "slut" 主要是一種個人生活取態、行為標準與社會主流價值觀有差異的結果,是毋須太多本錢的。

    舉個例, 你往 google 搜尋一下 "慾海肥花" 的相關網址,你就會了解到 "淫蕩" 及 "slut" 毋須太多本錢; 能和甚麼人 "淫蕩" 才可能須要付出一點額外的成本和具備一些較獨特的特色。

    上網幾年,我看過不少用詞遣字都不錯的女孩子的個人網頁、網誌,其中有一些並不介意在這個虛擬空間描繪個人的價值觀、甚至情慾生活點滴。 同時候,也會看到不少網友對此作出負面的評語、留言,"淫蕩" 及 "slut" 只是一些小兒科,亦不一定是由女網友發表的。

    有時候,我會想只要行為合法,不妨害別人的合法利益、人身安全、自由,每個人都有權選擇自己的生活方式和思想自由; 但,假若你已經對自己現在的行為態度、生活模式有所懷疑的時候,為何不給自己一個機會去改變呢?

    當你信話命格唔好,每個師傅都總會教你如何減輕影響程度。 例如無橫財運既,咪唔好投機,分散資金買穩陣大藍籌同債卷基金o羅。 話桃花緣薄,咪搵d穩穩陣陣、老老土土、成熟d既男人o羅。 關鍵在於,你肯唔肯去調節適應之嘛。

    回覆刪除
  27. (Sorry, off topic)

    About the song in your blog before, would you please tell me the song's name?

    My bear bear loves it so much and wants to know. Thanks!

    回覆刪除
  28. 男孩子5:22 下午

    To 喵妃 (& your bear bear): "My Humps" by Black Eyed Peas

    回覆刪除
  29. I think it's not everyone can have that 情婦格... there is a minimum requirement, and it's a compliment. 8) My impression of a 情婦 is she has that elegant, sexy, attracting quality. Do not confused with "慾海肥花"... which is just some junk throwing herself on anyone for ONS.....

    From reading your word, I do not feel as such. I hope you be happy and just let it be. It's more important to be happy in life that worrying this sort of things. 8p

    If you are really only "唉聲嘆息" in your daily life, I am sure men just going to be running away. You can "埋怨自己長相平凡身形有點胖", but what it's really matter is how people precept it, obviously peopl e must be finding you interesting in some way..... "...更沒有帶男人回家作嗜好的人", you have your bottom line and that all you need to care... you can have that 情婦格, but not being one....

    be happy, and take care.

    回覆刪除
  30. elaine
    U did the first thing right by deleting my Humps off your site. Think and act positively; you'll get what you want.
    May be you could change your own profile!! But then you may lose some of your fans here!!
    BTW, your March targets?
    wt..

    回覆刪除
  31. 我睇你個blog,覺得如果勁鬧你既人就真係無聊同埋都ok得閒下,所以你基本上可以唔使理佢地,因為佢地跟本唔識你真人,只係見你上網打既日記,就咁主觀

    至於我果晚同你食食下野爆果句野,當然唔係話你對住舊春卷啦!哈哈哈!只係聽完你批命既事之後就諗。。係咪因為咁呢?我無心話你既,唔好擺係心,你知我啦,諗到就講,仲要邪到果晚剎出個鬼老bor:p:p我知你都唔想

    不過我都想問下某部份睇elaine blog既網友,睇人既blog就唔好太過偏激,你地又唔識佢真人,點解咁激動呢?聽聞有d鬧到爆晒粗(只係無出到街,因為粗得制),咁我又唔覺得爆晒粗俾意見人既網友有乜資格鬧人~意見人人都會有,不論好壞,都唔好太過份同爆粗,尊重自己尊重人地嘛~本人意見only ,但老實果句,佢係一個值得交既朋友


    你個clubbing partner :D

    回覆刪除
  32. 第一次到訪, 同你係同事喎....
    我3月目標都係inflight唔好食entree

    2 months stand-by其實唔係你想像中咁難過同埋咁少錢既, 有人話我知, 其實你預先已經有一個roster, 不過佢唔比你睇咁解之嘛, 我有朋友2months standby都call左好多long-haul(有FRA, LAX囉)...所以, 又唔駛太灰...

    至於人地點睇自己, 都唔駛太介意既....夠有人話我地做呢行o既係飛雞, 晚晚o係outport ONS啦,低能...自己搵自己駛養埋屋企人, 我做咩工關你咩事...

    26號出profit啦..開開心心啦!^^

    回覆刪除
  33. 老實講, 情唔情婦都好, 有D情婦不知幾好, 自己又靚又叻, 有男人有愛情有錢使,(哈..我諗起羅麗莎), 就係欠名份, 同埋唔少人接受唔到所以批評, 人人取捨唔同啦, 樣樣都有咁幸福既人好少好少囉...

    回覆刪除
  34. 我未留過言,但好想抱你一抱
    唔好自己「線」自己
    有緣HEIHEI相會

    回覆刪除
  35. 感同身受。我由17歲開始被人說"情婦格", 同時亦不斷有巳婚之仕追求,送珠寶,送現金。

    只要自己知道沒有本事受這種不勞而獲的"福氣"就夠了。

    回覆刪除