當身邊嘅朋友一個二個去晒結婚生仔，由text到兜口兜面傾計，話題永遠圍繞BB、老公、老爺及奶奶，我都有一種覺得自己係外星人流落異鄉嘅感覺。
唔好理佢地係咪表面married暗地available，總之，可以放上檯面傾嘅，一定係呢啲。
另加不停俾人問幾時到我囉。
我真係好困惑，就好似明明眼前呢個朋友係講廣東話嘅，忽然，佢變咗一個唔識中文講德文嘅鬼佬，一句都聽唔明佢講咩。
結婚生仔唔係唔好，不過，冇可能係must啩，而且，點解一定要跟schedule？
每個人嘅人生都唔同，如果人人都跟足同一條story line，咁我地唔好嫌TVB啲劇悶啦，因為劇情已經精彩過人生幾千倍。
或者有一日我會結婚生仔，但成為一個標準太太標準媽媽嘅機會好細。
我所知嘅The Standard，只係一份喺機上冇咩人睇嘅報紙。
死八公：
回覆刪除你話「 或者有一日我會結婚生仔，但成為一個標準太太標準媽媽嘅機會好細。」
唔錯，你好有潛質做「人妻」﹗果啲「人妻」呢。
又，如果你唔會係標準太太標準媽媽，咁你就要搵返個唔係標準老公標準爸爸嘅男人，否則可能唔匹配。
但係，如果大家都唔係標準，會唔會唔結婚比較適合啲呢？
不過，都冇所謂啦，結唔結到婚，一切都係整定，努力啲high tea重實際啦，唔好成日將啲麻甩佬放喺心度，祝開胃﹗
同你一樣, 流落異鄉得嚟又唔識德文
回覆刪除琴日我先諗起呢個問題, 我朋友都結晒婚, 開始有小朋友, 1個起2個止.
回覆刪除佢地既話題都係如你所言...而我, 就好似"香蕉成熟時"呀鄧一君咁,佢地食飯時,鄧一君跟唔上話題, 而越拉越開..
而我就正正有呢個感覺......之前一齊去飲酒, 談笑風生既日子呢....?
~~~~~~往事只能回味!
絕對贊同, 以往一齊飲酒談笑風生既日子,好似過眼雲煙咁
刪除吹散咗lu....唉.....
非常同意. 結婚生仔唔係做人的目標. 單身都可以過得快樂. 何況現代男人好多都鐘意偷食. 預期係咁. 我寧願單身OR拍下拖算了.
回覆刪除MAY
無錯，結婚不一定有schedule
回覆刪除但生仔就一定有schedule要跟，女人有生理時鐘，除非你打算老蚌生珠
四十歲做人工受孕，有氣無力追住個仔衫尾跑
一個二個變晒肥師奶, 真係唔得你死, 好在仲有D女行唔同o既路 !
回覆刪除超級絕對有同感!!^^
回覆刪除慢慢嚟,,妳一定做到好媽媽,bobo170
回覆刪除機上冇咩人睇嘅報紙...
回覆刪除野講咩話？新報 扮 Herald Tribune
系公園對住班養狗既朋友抱住你自已缸魚，對缸魚都唔公平啦，邊call以識到新朋友姐。系時間換個場 換過班起碼養龜既朋友。
祝幸福:)
回覆刪除妳有好多時間，慢慢啦
回覆刪除我係男人，我感同身受．
回覆刪除利申：我唔係唔想結婚，亦都唔係唔心急結婚．唔知點我一直遇上"不對"嘅女人，結果喺情路上一直hihi．其實我要求好簡單，都係想下半世食安樂茶飯0者．
同期受訓出嚟嘅男男女女Buddies一個二個結晒婚，Annual Dinner講完一陣工作之後就成晚講老婆老公同仔女，仲抱住自己個B繞場一週同每一個Buddies hihi，結果我哩啲單身人士除咗陪笑外一句都答唔上．
组织家庭也好，单身也好，各取所需，自得其乐~^
回覆刪除haaa thumbs up for the last sentence. thought-provoking and well-said.
回覆刪除lots of people do this because it feels like the right thing to do when everyone around them starts doing so, or worse, some do it out of the false hope that marriage= happily ever after
回覆刪除我們不一定要走別人的路
回覆刪除