星期三, 3月 27, 2013

對香港人網,我想說的是... ...

星期一那集,林公、歷蘇+我的<五個一夜情>,可能是我在香港人網主持5.1的最後一次了。

因為,人網將在三月底結束。

2009年5月4日,5.1,第一集。

到現在,差不多四歲大了。

當然捨不得。

在5.1之前,有Lady First,與Alley, Ann和Tina,過了四個女人一個墟的嘻哈時光。

那即是說,原來我待在人網真的有好幾年了。

若將「人網主持」當成一份工作,這已是第二份打過最長的工。






有段長時間,負能量嚴重超標,做節目時,內容灰黑,語氣尖酸。

聽眾竟都一一忍耐過去,最多在chatroom或send email,叫我別灰心積極些。(連阿Cow也說過有一陣子我好惡頂)

一直說,談戀愛是我的正職,圍著男友團團轉,但幾年下來,才發現生活重心,有一部分,其實在人網。

總之,每星期,指定的日子,指定的時間,必須回到人網,坐下來,寫"飛女正傳",錄segment,做節目。

就是每星期的這天,讓我在混沌中,至少分清楚幾月幾號星期幾,也別奢想作感冒兩聲咳就偷懶請假。

如果當初沒Erica的引薦,沒蕭生、Mark和林公給予的機會,這幾年又會是怎樣的呢?

只想說,多謝香港人網。

仍然相信,總是盼望,某一天,有緣再聚,後會有期。




星期日, 3月 24, 2013

Member of ERS


當朋友一個接一個語帶譏諷問我是否真的從此退休算數,就知道,須跟散漫日子暫說再見。

今年不續期了,但仍希望但仍相信,有一天可再成為會員。

我曾是member of Early Retirement Scheme,亦為這身份自豪。



星期三, 3月 20, 2013

春分

原來今天是春分。

太好了,又捱過了日短夜長的日子。

如果試過見不得光,自然會珍惜明媚陽光。




星期一, 3月 11, 2013

做女人,煩,好煩,好X煩

頭髮又要染又要電又要set又要用hair serum塊面又要化妝又要卸妝又要Hada Crie又要保養過幾年仲要開始翻新大行動又打botox又呢樣又果樣身材又要keep胸又要firm毛又要三五七日脫一脫姨媽到之前又燥到咗又痛有又好麻煩冇就仲大劑手甲又要修腳甲又要修甩色又要即刻補內衣又要一套套面衫又要襯一襯報紙書藉又要睇如果唔係會膚淺到暈八卦雜誌又要睇如果唔係同唔熟嘅同事傾計冇話題未嫁又驚嫁唔出嫁咗又驚離婚返工又要做到隻狗咁放工喺屋企又要做家務.........................................


春夏就到仲未知買咩啱用嘅護膚品又要睇五月有連續幾日都要著泳衣又要喪跳鄭多燕換季又要拎晒啲厚衫去乾洗女仔夏天實係短褲涼鞋即係又要脫毛脫密啲修腳甲修密啲磨腳踭磨密啲........................................


做女人,煩,好煩,好X煩。



星期三, 3月 06, 2013

新版面

你們喜歡新版面嗎?

由opendiary轉到blogspot,從那天開始,沒更換過版面。

一來懶,二來怕煩。

後來看到新版面可以逐個留言回覆,方便很多,就心思思了...................

新版面,新開始。

希望日後仍有心思精神時間記錄生活。




星期五, 3月 01, 2013

臨瞓講幾句

喺朋友堆中,我一向係負能量之霸。

因為咩?

因為不停喺愛情路上仆晒街日怨夜喊囉。

但今時今日,我變咗佢地嘅正能量之星。

因為咩?

因為佢地見識到一個家無恆產嘅人原來都可以生活愉快囉。

我冇家底冇車冇樓冇股票冇儲蓄冇乜點交過稅冇屬於自己嘅地址,連做緊嘅果份工,喺朋友眼中,都係冇錢冇前途嘅。

畢業之後,各奔前程,朋友向中產路進發,我繼續喺無產路散步。

佢地真係為我擔心咗好多年。

最近,有幾個朋友終於出聲,覺得為我擔心係多餘嘅。

真係㗎,做人有好多種玩法,總之我夠錢搭的士去中環,同你去fuel飲咖啡咪得囉。